Deuteronomio 7:8 - Qheshwa Biblia DC

⁸ Señorqa ajllasunkichej munakususqaykichejrayku. Chayrayku payqa Egiptopi ñak'arishajtiykichej, faraompa kamachimpi kashajtiykichej jatun atiyninwan orqhomusorqachej, ñaupa tatasniykichejman imatachus ruwapusqaykichej nisqanta junt'ananrayku.

DIOSPA QHELQACHISQAN DEUTEROCANONICAL

⁸ Tata Diosqa qankunata munakususqaykichejrayku, jinataj ñawpa tataykichejkunaman tilusqanta junt'ananpaj ajllakusorqachej. Chayrayku payqa Egiptopi ñak'arichisqa kashajtiykichej, chantá faraonpa makinpi kashajtiykichej, preciota pagaspa may jina atiyninwan kacharichisorqachej.

DIOSPA QHELQACHISQ

⁸ Tata Diosqa qankunata munakususqaykichejrayku, jinataj ñawpa tataykichejkunaman tilusqanta junt'ananpaj ajllakusorqachej. Chayrayku payqa Egiptopi ñak'arichisqa kashajtiykichej, chantá faraonpa makinpi kashajtiykichej, preciota pagaspa may jina atiyninwan kacharichisorqachej.

Deuteronomio 7:8 ပူးပေါင်းရင်းမြစ်များ

Génesis 19:16

Lottaj mana usqhayta puririyta aterqachu, chayrayku angelesqa Lotta, warminta, iskaynin ususisninkutawan makisninkumanta llajtamanta jawaman aysarqanku, Señor paykunata khuyakusqanrayku.

Génesis 19:29

Ajinata Dios chinkacherqa chay vallepi llajtasta, maypichus Lot tiyakorqa chayta. Yuyarikorqataj Abrahampa mañakusqanta, chayrayku Lotta chay chinkachinan llajtamanta orqhorqa.

2 Samuel 22:20

Kacharichispa ch'usaj lugarman orqhowarqa. Munakuwasqanraykutaj salvawarqa!

1 Reyes 10:9

Señor Diosniyki yupaychasqa kachun, qanta ajllakususqanmanta, Israelpa trononman churasunampaj; imaraykuchus Señorqa Israelta munakumpuni wiñaypaj, kamachej kanaykipajtaj churasunki, cheqanta cheqa kajtataj ruwanaykipaj.

1 Crónicas 16:16

Abrahamwan ruwarqa chay tratomantaqa, Isaacman jurarqa chaymantapis.

2 Crónicas 9:8

Señor Diosniykeqa bendicisqa kachun, munakuywan qanta rikususpa rey kanaykipaj qanta tiyanampi tiyaykuchisorqa. Diosniykeqa Israelta munakusqanrayku, chay cheqapi wiñaypaj sayachiyta munaspa. Chayrayku paykunaj reyninkupaj qanta churasorqa, cheqanta justiciawantaj kamachinaykipaj.

Salmos 105:42

Diosqa yuyarikorqa kamachin Abrahamman ruwasaj nisqanta.

Salmos 44:3

Manamin makinkuchu nitaj espadankuchu paykunata atipacherqa jallp'ata jap'inankupaj. Manachayqa qampa atiyniyki, kallpayki, qhawaykachayniyki ima, atipacherqa tatasniykuta munakusqaykirayku.

Salmos 44:4

Qan Diosníy, reyníy, aylluykita atipacherqanki.

Éxodo 13:14

Mayk'ajpis wawasniykichej tapusonqachej: Imatataj kay niyta munanri?, nispa chayqa, ninkichej: Kayqa niyta munan, ñaupa tatasninchej israelitasta Señor orqhomusqanta jatun atiyninwan Egiptomanta, maypichus kamachi mana ruway atinamanta.

Éxodo 13:3

Moisestaj runasman nerqa: Kay diamanta yuyarikuychej, mayk'ajchus Egiptomanta Señor orqhomusorqachej jatun atiyninwan kamachillapuni kanaykichejmanta. Chayrayku ama mikhuychejchu levadurayoj t'antataqa.

Éxodo 20:2

Noqa Señor Diosniyki kani, Egiptomanta orqhomorqayki, kamachillapuni kanaykimanta.

Éxodo 32:13

Yuyarikuy ari, ima tratotachus ruwasqaykita kamachisniyki Abrahamwan, Isaacwan, Israelwan ima. Qan chayta ruwashaspa nerqanki: Noqa mirayniykichejta mirachisaj qoyllurkunata jina, kay jallp'ata qosaj mirayniykichejman imatachus qosaj nisqayman jina, paykunataj chayaqenkupaj wiñaypaj jap'ikunankupaj.

Éxodo 6:6

Chayrayku nimuy israelitasman: Noqa Señormin, orqhosqaykichej chay jina ñak'arispa egipciospaj llank'anaykichejmanta, chay jina sinch'i kamachi ruway mana atinamanta. Noqa atiyniyta rikuchisaj. Ashkha muchuy mana atinasta rikuchispa kacharichisqaykichej sumaj cheqanta ruwaspa.

Isaías 43:4

Noqaj rikuyniypi may k'acha, allintaj kanki. Chayrayku munakuyki. Qanrayku waj runasta qosaj. Kausayniykimanta waj nacionesta rikuchisaj.

Isaías 63:9

Israelitas llakisqa kashajtinku, paypis llakisqallataj karqa, angelnintaj paykunataqa orqhomorqa. Munakuyninwan khuyakuyninwantaj paykunataqa librarqa, unaymantapacha sapa p'unchay waqaychaspa pusamorqataj.

Jeremías 31:3

Noqa unaymantapacha paywan rikuchikorqani. Nerqanitaj: Noqa munakorqayki wiñay munakuywan, chayrayku khuyakuynillaywampuni qanta pusaykachayki.

Ezequiel 36:22

Chayrayku Israel ayllumanta niy: Señorqa kay jinata nin: Imatachus ruwasaj chaytaqa mana qankuna Israel aylluraykuchu ruwasaj, manachayqa santo sutiyrayku ruwasaj; imaraykuchus waj llajtaspi sutiyta p'enqaypi rikhuricherqankichej.

Miqueas 6:4

Noqa Egiptomanta orqhorqayki, kamachi kashajtiyki librarqayki; Moisesta, Aaronta, Mariatapis kachamorqayki pusanasuypaj.

Miqueas 7:20

Señor, waqaychallaypuni noqaykuwan kasqaykita munakuyniykitapis, ñaupa tatasniyku Abrahamman Jacobmantaj ñaupa wataspi prometerqanki chayta!

Sofonías 3:17

Señor Diosniykeqa qanwan khuskamin kashan. Atiyniyojmin payqa, salvasonqataj! Señortaj kusikonqa qanmanta. Munakuyninwan mosoj kausayta qosonqa. Fiestapi jina kusikuynimpi takenqa.

Malaquías 1:2

Señorqa nin: Noqa qankunata munakuykichej. Qankunataj niwankichej: Imaynapi yachayku qan munakuwasqaykuta?, nispa. Chanta Señor kutichin: Esaoqa Jacobpa wauqen karqa; noqa Jacobta munakorqani, Esautataj chejnerqani. Esaupata llajtan ashkha orqosniyoj karqa, chayta ch'in lomasman tukucherqani. Jallp'asnintarí, campo animalesllapaj allin kanampaj tukucherqani.

San Mateo 11:26

Arí, Tatáy, ajinata munarqanki.

Romanos 11:28

Paykunaqa qankunarayku evangelio jawa enemigos kanku. Ajllasqas kasqankuman jinataj munasqas kanku ñaupa tatasrayku.

Deuteronomio 1:8

Noqa qoykichej chay jallp'asta; chayrayku rispa mojonakamuychej, dueñochakamuychej chay jallp'asta; chaytaqa noqa Señor, juraspa qosqaykichej nerqani ñaupa tatasniykichej Abrahamman, Isaacman, Jacobman ima, jinallataj mirayninkumampis.

Deuteronomio 10:15

Chaywampis Señorqa qankunaj tatasnillaykichejta munakorqa, tukuy ayllus ukhumantataj paykunaj mirayninkuta ajllakorqa. Chaykunataj qankunalla kankichej kunankama.

Deuteronomio 23:6

Chaynejta ama paykunata yanapaychejchu, nitaj allin kayninkuta ni jayk'ajpis mask'aychejchu.

Deuteronomio 33:3

Señorqa ayllunta munakun. Payta qhatejkunata jark'akun tukuy sajramanta. Paykunaqa Payman k'umuykunku, Paypa nisqasnintataj jap'inku.

Deuteronomio 4:20

Señorqa qankunata jap'ispa fierrota unuyachej Egipto hornomanta orqhomusorqachej, Paypa chayaqen ayllu kanaykichejpaj, imaynachus kunan kashankichej jinata.

Deuteronomio 4:34

Karqachu ima diosllapis uj nacionta tukuy nacionespa chaupinmanta ajllakojqa, imaynatachus qankunawan ruwarqa Señor Diosniykichej Egiptopi ajinata qankunaj ñaupaqeykichejpi, milagroswan, guerraswan ima, jatun atiyninta pruebaswan, señaleswan rikuchispa, manchachispataj?

Deuteronomio 4:37

Payqa ñaupa tatasniykichejta munakorqa, wawasninkutataj ajllarqa. Pay kikimpuni paykunata Egiptomanta jatun atiyninwan orqhomorqa.

Deuteronomio 5:6

Noqa Señor Diosniyki kani, Egiptomanta orqhomorqayki, kamachillapuni kanaykimanta.

1 Juan 4:19

Noqanchejqa Diosta munakunchej, pay ñaupajta munakuwasqanchejrayku.

1 Samuel 12:22

Señorqa sutinta jatunchanarayku mana saqesonqachejchu imaraykuchus payqa munan qankunaqa ayllumpuni kanaykichejta.