Deuteronomio 7:3 - Qheshwa Biblia DC

³ Ama paykunawan ayllunachanakunkichejchu. Ama casarachinkichejchu qhari wawasniykichejta warmi wawasninkuwan, nitaj warmi wawasniykichejtapis qhari wawasninkuwan casarachinkichejchu.

DIOSPA QHELQACHISQAN DEUTEROCANONICAL

³ Ama paykunawan aylluchakunkichejchu. Ama churiykichejta ususinkuwan, nitaj ususiykichejta churinkuwan casarachinkichejchu.

DIOSPA QHELQACHISQ

³ Ama paykunawan aylluchakunkichejchu. Ama churiykichejta ususinkuwan, nitaj ususiykichejta churinkuwan casarachinkichejchu.

Deuteronomio 7:3 ပူးပေါင်းရင်းမြစ်များ

Génesis 24:3

Kunanqa juray ari, Señorrayku, janaj pachapi kay pachapipis kaj Diosrayku. Qan ama casarachinkichu waway Isaacta kay Canaampi kaj warmiswan, maypichus tiyakushani chay llajtayoj warmiswan.

1 Reyes 16:31

Imaraykuchus Nabatpa wawan Jeroboampa ñankunasnimpi usqhayllata purerqa, casarakorqataj sidoniospa reyninku Et-baalpa wawan Jezabelwan, chaymantaqa Baalta yupaychamorqa sirverqataj.

Esdras 10:3

Tratota ruwasqayku waj llajtamanta kaj warmismanta wawasninkumanta t'aqakunankuta maychus leypa nisqan junt'akunampaj; imaynatachus qan, chanta pikunachus Señorpa kamachisqanta kasunku chaykuna yuyaychawarqanku chayman jina.

Esdras 9:12

Nillawarqaykutaj: Warmi wawasniykichejta qhari wawasninkuwan ama casarachinkichejchu. Paykunaj warmi wawasninkutapis ama qhari wawasniykichejwan casarachinkichejchu. Amataj jayk'ajpis mask'ankichejchu chay runakunaj kusiyninta, ni allinnintapis munaspa. Ajinamanta qankuna sinch'illatapuni sayankichej, chay jallp'amanta allin kajninta mikhunkichej, chaymantataj tukuy chayaqeta wiñaypaj mirayniykichejman saqenkichej, nispa.

Nehemías 10:30

Kay jallp'api tiyakojkuna runasmanqa mana warmi wawasniykuta casaranankupaj qoykumanchu, nillataj munaykumanchu chay warmi wawasninkupis qhari wawasninkuwan casaranankuta.

Jueces 14:3

Tatasnintaj Sansonman nerqanku: Imapajtaj qan mask'ashanki warmiykipaj chay filisteos Diosta mana rejsejkuna ukhumantari? Manañachu ayllunchej ukhupi warmis kanku imatajri, chayri tukuy Israel ayllu ukhupipis? Sansontaj kuticherqa: Chay warmipuni gustawan, paytapuni munani parlapayampunawaykichejta warmiy kanampaj.