Deuteronomio 7:2 - Qheshwa Biblia DC

² Maypachachus Señor Diosninchej chay nacionesta qankunaman qopusonqachej, atipankichejtaj, chaypacha paykunata chinkachinkichej. Amapuni paykunawan ni ima tratota ruwankichejchu, ni khuyakullankichejpischu.

DIOSPA QHELQACHISQAN DEUTEROCANONICAL

² Maypachachus Tata Diosniykichej, chay suyukunata atipanaykichejpaj makiykichejman jaywasonqachej chaypacha, paykunata kantumanta wañuchinkichej. Amapuni paykunawan ni ima tratota ruwankichejchu, nitaj khuyarikullankichejpischu.

DIOSPA QHELQACHISQ

² Maypachachus Tata Diosniykichej, chay suyukunata atipanaykichejpaj makiykichejman jaywasonqachej chaypacha, paykunata kantumanta wañuchinkichej. Amapuni paykunawan ni ima tratota ruwankichejchu, nitaj khuyarikullankichejpischu.

Deuteronomio 7:2 ပူးပေါင်းရင်းမြစ်များ

Génesis 14:20

yupaychasqa kachun patapi kaj Dios, pichus enemigosniykita atipachisorqa chay. Abramtaj qorqa tukuy imasta qhechusqasninmanta, sapa chunkamanta ujta.

2 Samuel 21:2

Davidqa gabaonitasta wajyaspa paykunawan parlarqa. Gabaonitasqa mana Israel ayllumantachu karqanku, manachayqa amorreosmanta puchojkuna karqanku, chaykunawantaj israelitasqa juramentota ruwasqanku, chaykunatataj Saulqa, Israelmanta kajkunapaj jinataj Judá ayllumanta kajkunapajwan allinta ruwayta munaspa tukurachiyta munarqa.

1 Reyes 20:34

Ben-adadtaj payman nerqa: Tataykimanta chay llajtasta tatay qhechusqasninta noqa kutichipusqayki, Damascopi qhatu wasista qampaj ruwakuy imaynatachus tataypis Samariapi ruwakorqa jinata. Acabtaj nerqa: Noqataj kunan saqesqayki kay tratowan ripojta. Ajinata paywan tratota ruwarqa, ripojtataj saqerqa.

Esdras 10:3

Tratota ruwasqayku waj llajtamanta kaj warmismanta wawasninkumanta t'aqakunankuta maychus leypa nisqan junt'akunampaj; imaynatachus qan, chanta pikunachus Señorpa kamachisqanta kasunku chaykuna yuyaychawarqanku chayman jina.

Salmos 106:34

Llajtasta mana chinkacherqankuchu, Señorpa kamachisqanta mana kasuspa.

Éxodo 22:20

Pikunachus lantisman rikuchikusta jaywajkuna, Señorllaman jaywanankumanta nisqaqa, chaykunapis wañonqanku.

Números 21:2

Israelitastaj Señorman nerqanku, paykunaj nisqankuta junt'anankuta: Sichus chay llajtasta makisninkuman jaywanqa chayqa, paykuna chay llajtasta chinkachinankuta.

Números 31:17

Kunanqa kay tukuyta wañuchiychej, tukuy qhari wawasninkuta, jinallataj tukuy warmista qhariwan puñuykojkunata.

Deuteronomio 13:8

Ama chay parlaytaqa kasunkichu nitaj uyarinkipischu; ni payta perdonankichu, nitaj khuyapayankichu, manallataj payta khuyapayankichu.

Deuteronomio 13:9

Manachayqa chay jinata parlajtaqa wañuchiy. Qampuni ñaupaj rumita choqanki. Qampa qhepaykitataj tukuy runas choqallanqankutaj.

Deuteronomio 2:33

Señor Diosninchejtaj paykunata makinchejman urmachimorqa. Noqanchejtaj atiparqanchej, payta, wawasninta, tukuy soldadosninta ima.

Deuteronomio 2:34

Tukuy llajtasnintataj jap'ikaporqanchej. Chaymantataj chinkacherqanchej chay llajtasta, qharista, warmista, wawasta ima. Jinamanta ni pita kausashajta saqerqanchejchu.

Deuteronomio 23:14

Señor Diosniykichejqa qankunaj chaupiykichejpi kashan, chay jaraykichejpi ima kajtimpis yanapanasuykichejpaj, enemigosniykichejtapis atipachinasuykichejpaj. Chay jaraykichejqa llimphupuni kanan tiyan, Dios ama chaynejpi ima ch'ichitapis rikunampaj. Mana jina kanqa chayqa Dios qankunamanta karunchakonqa.

Deuteronomio 3:3

Ajinata Señor Diosninchejqa makisninchejman Basanmanta rey Ogtapis churarqa, tukuy soldadosninta ima. Tukuyninkutapuni wañuracherqanchej.

Deuteronomio 31:5

Señorqa chay nacionesta makisniykichejman urmachimojtin, qankunaqa paykunawan ruwanaykichej tiyan kamachishaykichej chayman jina.

Deuteronomio 33:27

Israel ayllu, wiñaypaj kausaj Diosqa qampaj pakakuyniyki. Qanta jap'isunki wiñay atiyninwan. Enemigosniykita ñaupaqeykimanta ayqechenqa, qantataj kamachisonqa paykunata tukuchinaykita.

Deuteronomio 7:16

Qankunaqa tukuchinkichej Señor makisniykichejman jaywasonqachej chay tukuy ayllusta. Paykunata ama khuyankichejchu, ama dioskunasninkutapis yupaychankichejchu, ama qankuna urmanaykichejpaj.

Deuteronomio 9:3

Kunanqa yachanaykichej tiyan, qankunaj ñaupaqeykichejta Señor Diosniykichej renqa. Payqa uj k'ajashaj nina nina ruphaspa k'umuykachachenqa ñaupaqeykichejpi nacionesta chinkachinankama. Qankuna chay llajtasninkumanta qharqospa ujllapi chinkachinkichej, imaynatachus Señor qankunaman nisqaykichejman jina.

Josué 10:28

Chay kikin p'unchayllataj Josueqa Maceda llajtata jap'erqa, runasninta, chantá reynintapis espadawan wañuracherqa. Ajinata ruwaspa mana ujniyojta wañurachispa ch'impachata saqerparerqa. Maceda llajtaj reynintaqa ruwarqa, imaynatachus Jericó llajtaj reyninta ruwarqa kikinta.

Josué 10:30

Chay llajtatapis Señorqa, reynintawan khuska israelitaspa makisninman jaywallarqataj. Chaymanta paykunaqa espadawan t'ojsispa tukuy kausajkunata wañuracherqanku ni ujta saqespa. Chay reytapis imaynatachus Jericó llajtaj reyninta ruwarqa kikillantataj ruwarqa Josueqa.

Josué 10:32

Señorqa q'ayantin Laquis llajtata israelitasman jaywarqa; paykunataj espadawan t'ojsispa chay llajtapi tukuy kausajkunata wañuracherqanku, imaynatachus Libna llajtapi ruwarqanku kikinta.

Josué 10:40

Ajinata Josueqa chay tukuynin jallp'asta jap'ikaporqa; orqo kinraykunapi tiyakoj reyesta wañurachispa, Neguev orqospi, wichay pampaspi, wichaykunapi tiyakojkunata ima mana ujniyojta; imaynatachus Israelpa Señor Diosnin kamachisqanman jina.

Josué 10:42

Ajinata Josueqa chay jallp'asta uj kutillapi jap'ikaporqa; imaraykuchus Israelpa Señor Diosnin paykunaman kutikuspa maqanakorqa.

Josué 11:8

Señortaj Israelitaspa makisninman jaywarqa; israelitastaj wañuracherqanku, wakintataj qhatikorqanku Sidón jatun llajtakama, chaymanta Misrefot-maimkama, inti llojsimuypi Mispa pampakama, mana ujniyojta tukuchinankukama.

Josué 2:14

Paykunataj kuticherqanku: Kausayniykuta qosqayku qankunaj kausayniykichejta salvanaykupaj, qantaj amapuni pimampis willaychu kay jamusqaykumanta. Maypachachus Señor kay jallp'ata qowasqayku chayqa, noqayku yachasqayku qanta allinta qhawayta, tukuy khuyakuyniykuwan.

Josué 21:44

Señorqa chay jallp'api allin tiyakuyta qorqa, imastachus juraspa tatasninkuman nisqanman jina. Enemigosninkupis mana ujtawan torearqankuñachu, imaraykuchus Señorman makisninkuman enemigosninkuta churarqa.

Josué 8:24

Chaymantaqa Haimanta soldados israelitasta qhatiykorqanku chaykunata tukuyninta espadawan wañuracherqanku, chaymantataj Hai llajtaman kutiykuspa puchojkunata wañuracherqanku.

Josué 9:24

Paykunataj Josueman kuticherqanku: Noqayku kayta ruwarqayku qankuna wañuchinawaykuta manchachikuspa, imaraykuchus yachayku Señor Diosniykichej kamachin Moisesman kamachisqanta, kaykunapi tiyakojkunata wañurachispa, qankunaman kay jallp'asta qonasuykichejta.

Josué 9:7

Israelitastaj heveosman kuticherqanku: Ichapis qankunaqa kay noqayku qayllallamanta kankichej. Imaynatataj qankunawan uj tratota ruwasunmanri?

Jueces 1:24

Chay wateqajkunataj, llajtamanta uj runata llojsishajta rikuspa nerqanku: Sichus qan rikuchiwasqayku maynintachus llajtaman yaykunata chayqa, noqaykupis qanta khuyasqayku.

Jueces 1:4

Ajinamanta Judá ayllumanta kajkunaqa maqanakoj yaykorqanku cananeospa jallp'asninman, jinataj ferezeospamanpis, paykunatataj Señorqa makisninkuman jaywarqa. Bezecpitaj cananeosmanta ferezeosmantawan chunka waranqa runasta atiparqanku, Adonisedectaj paykunawan kasharqa.