Deuteronomio 6:3 - Qheshwa Biblia DC

³ Uyarikuychej ari israelitas, allinta chaykunata ruwaychej. Ajinamanta allin risonqachej lechewan, misk'iwan yaku jina corrishaj chay llajtapi, chaypitaj ashkhata mirankichej, imaynatachus ñaupa tatasniykichejpa Señor Diosnin nisorqachej chayman jina.

DIOSPA QHELQACHISQAN DEUTEROCANONICAL

³ Chayrayku ari, israelitakuna, kasukuspa ruwaychej. Uyarikunkichej chayqa, lechewan, abeja misk'iwan yaku jina purishaj chay jallp'api allin risonqachej, ashkhatataj mirankichej, ñawpa tataykichejkunaj Tata Diosnin nisusqanman jina.

DIOSPA QHELQACHISQ

³ Chayrayku ari, israelitakuna, kasukuspa ruwaychej. Uyarikunkichej chayqa, lechewan, abeja misk'iwan yaku jina purishaj chay jallp'api allin risonqachej, ashkhatataj mirankichej, ñawpa tataykichejkunaj Tata Diosnin nisusqanman jina.

Deuteronomio 6:3 ပူးပေါင်းရင်းမြစ်များ

Génesis 12:2

Mirayniykimanta ruwasaj uj jatun aylluta; bendicisqayki, sutiyki may yuyarisqa kanqa, qannejta wajkuna bendicisqas kanqanku.

Génesis 13:16

Mirayniykita jallp'a t'iyuta jina mirachisaj. Imaraykuchus jallp'a t'iyoqa mana yupay atina, ajinallataj mirayniykeqa mana yupay atina kanqa.

Génesis 15:5

Chaymanta Señorqa Abramta jawaman pusarqa, chaypitaj nerqa: Qhawariy allinta cielota, ichapis atiwaj yupayta qoyllurkunata. Ajina kanqa qampa mirayniyki, mana yupay atina.

Génesis 22:17

Kunanqa bendicisqayki, mirayniykitapis ashkhata mirachisaj mana yupay atinata cielopi qoyllurkunata jina, mar qocha cantopi t'iyuta jina. Chantapis tukuy enemigosninkuta atipanqanku.

Génesis 26:4

Mirayniykita ashkhata mirachisaj cielopi qoyllurkunata jina, jinaspataj paykunaman kay jallp'asta qosaj. Chantapis paykunanejta tukuy naciones kay mundopi bendicisqas kanqanku, imaraykuchus Abrahamqa kasuwan, junt'antaj kamachisqasniyta, leyesniyta, kamachisqasniytawan.

Génesis 28:14

Mirayniykeqa ashkhata miranqa mana yupay atina jallp'a t'iyu jina; paykuna junt'anqanku patanejman, uranejman, inti llojsimuynejman, inti yaykuynejman. Tukuy ayllus qannejta bendicisqas kanqanku, jinallataj mirayniykinejtapis.

Salmos 119:4

Qan kamachiwarqayku, nisqasniykita allinta junt'anaykuta.

Éxodo 1:7

Israelitasqa ashkha kasqankuman jina ashkhata mirarqanku, may atiyniyojtaj karqanku; jinamanta paykunaqa Egiptoman junt'aykorqanku.

Éxodo 3:17

Chantaqa nillawantaj, Egiptopi may llakiyta ñak'arinaykichejmanta kacharichinasuykichejta; pusasunaykichejtataj lechewan misk'iwan yaku jina corrishan chay jallp'aman, maypichus tiyakushanku, cananeos, hiteos, amorreos, ferezeos, heveos, jebuseos ima, chayman.

Éxodo 3:6

Chantá nillarqataj: Noqa ñaupa tatasniykej Diosnin kani, Abrahampata, Isaacpata, Jacobpatawan. Moisestaj chay kikimpacha uyanta pakaykukorqa, imaraykuchus manchachikorqa Diosta qhawariyta.

Éxodo 3:8

Chayrayku uraykamuni egipciospa makinmanta, atiyninmanta ima orqhonaypaj; chay jallp'ankumanta orqhospa sumaj jatun jallp'aman pusanaypaj, mayqempichus lechewan misk'iwan yaku jina corrishan chayman. Chay jallp'apeqa tiyakushanku kay runas: Cananeos, heteos, amorreos, ferezeos, heveos, hebuseos ima.

Eclesiastés 8:12

Juchasapasqa pachaj kutitapis juchasta ruwashaspa, aswan unaytaraj kausanku. Chaywampis noqaqa yachani, pischus Diospa ñaupaqempi k'achata kausakunku, Diosta manchachikuspa chaykunata allimpuni rinanta.

Isaías 3:10

Cheqan purej runata niychej allin rinanta, imaraykuchus makimpa llank'asqanta mikhonqa.

Jeremías 42:6

Allimpis kachun mana allimpis kachun, Señor Diosniykutaqa kasusqaykupuni, imaraykuchus noqayku parlamunaykipaj kacharqayku, jinamanta allin rinawaykupaj.

Jeremías 7:23

Imatachus kamacherqani chayta kasunallawankuta; jinamantataj noqa Diosniykichej kanaypaj, qankunatajrí ayllusniy kanaykichejpaj. Nillarqanitaj: Qankunachus allin munasqay ñanta rikuwajchej chayqa, allinmin qankunata risonqachej.

Hechos 7:17

Maypachachus Dios, Abrahamman qosqayki nerqa, chay p'unchaykunataj junt'akunampaj qayllamushajtin, Israel runakunaqa Egiptopi manchay ashkhaman mirarqanku, Egiptopi waj rey sayarinankama. Payqa Joseta mana rejserqachu pichus kasqanta.

Deuteronomio 11:9

Ashkha watasta tiyakunaykichejpajtaj Señor Diosniykichej ñaupa tatasniykichejman, mirayniykichejmamnpis qosqaykichej nerqa chay jallp'api, maypichus lechewan, misk'iwan yaku jina corrishan chaypi.

Deuteronomio 26:15

Kunanqa qhaway janaj pachamantapacha, tiyakunki chaymantapacha, bendiciytaj kay Israel aylluykita, kay qowasqayku jallp'aykuta; lechewan, misk'iwan yaku jina corrishan chayta, ñaupa tatasniykuman nisqaykiman jina.

Deuteronomio 26:9

Chaymanta kayman pusamuwarqanchej, qowarqanchejtaj lechewan misk'iwan corrishaj jallp'ata. Chayrayku kunan apamuni Señorpa qowasqan jallp'aj ñaupaj poqoyninta, nispa ninkichej.

Deuteronomio 27:3

Chay rumispitaj kay tukuy kamachisqasniyta qelqankichej chay jallp'aman chayaytawankama, lechewan misk'iwan yaku jina corrishan chayman. Chay jallp'ata Señor Diosniykichej qosonqachej ñaupa tatasniykichejman nisqanman jina.

Deuteronomio 31:20

Paykunataqa ima jallp'atachus ñaupa tatasniykichejman juraspa qonayta nerqani chayman pusaykusaj. Chay jallp'apeqa lechewan, misk'iwan yaku jina corrishan. Chaypi sumajta sajsaykuytawan, wirayaykuytawantaj, waj dioskunaj qhepanta rispa, chaykunata yupaychanqanku. Noqatataj qhesachawanqanku, ruwasqay tratotataj p'akenqanku.

Deuteronomio 4:40

Junt'aychej Diospa ley churasqasninta, kamachisqasnintawan, kunan p'unchay qoykichej chayta. Ajinamanta allin risonqachej, qankunaman, jinallataj mirayniykichejmampis. Unaytataj kausankichej chay jallp'api Señor Diosniykichej wiñaypaj qosonqachej chaypi.

Deuteronomio 4:6

Chay kamachiykunataqa sumajta waqaychaspa ruwaychejpuni. Chay jinamanta tukuy llajtaspi runas yachanqanku yachayniyoj umayojtaj kasqaykichejta. Kay kamachiykunata uyarispataj nenqanku: Cheqamanta kay runasqa yachayniyoj, umayojtaj kanku. Jatun nacionmin kayqa, nispa.

Deuteronomio 8:8

Chay jallp'apeqa tiyan: Grano, uvas, higos ima, chantapis granadas, olivos, aceite, misq'i ima.