Deuteronomio 3:2 - Qheshwa Biblia DC

² Señortaj niwarqa: Ama paymanta manchachikuychu, imaraykuchus noqa makiykiman churasaj, tukuy runasninta, jallp'anta ima munasqaykita ruwanaykipaj, imaynatachus Hesbonmanta amorreos rey Sehonta ruwarqanki ajina, nispa.

DIOSPA QHELQACHISQAN DEUTEROCANONICAL

² Tata Diostaj niwarqa: Ama paymanta manchachikuychu, imaraykuchus noqa payta, tukuy soldadonkunantinta, jallp'anta ima makiykichejman jaywaykusaj. Paytapis Jesbonmanta amorreokunaj kamachejninku Sijonta imaynatachus ruwarqanki, ajinallatataj ruwanki, nispa.

DIOSPA QHELQACHISQ

² Tata Diostaj niwarqa: Ama paymanta manchachikuychu, imaraykuchus noqa payta, tukuy soldadonkunantinta, jallp'anta ima makiykichejman jaywaykusaj. Paytapis Jesbonmanta amorreokunaj kamachejninku Sijonta imaynatachus ruwarqanki, ajinallatataj ruwanki, nispa.

Deuteronomio 3:2 ပူးပေါင်းရင်းမြစ်များ

2 Crónicas 20:17

Kay kutipeqa manamin qankunachu maqanakunkichej. Chaynejpi allinta sayakuychej, kakullaychej mana kuyukuspa, rikunkichejtaj imaynatachus Señor qankunata librasusqaykichejta. Jerusalempi, jinataj Judapi tiyakojkuna runas ama manchachikuychejchu, nitaj kharkaychejchu, q'ayapacha riychej paykunawan maqanakoj, Señorqa qankunawan kashan.

Isaías 41:10

Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

Isaías 43:5

Ama manchachikuychu. Noqa qanwan kashani. Inti llojsimuymantapacha, inti yaykuymantawan runasniykita tantaykampusqayki.

Números 14:9

Chayrayku ama Señorpa contranta oqharikuychejchu, amataj manchachikuychejchu chay jallp'api kaj runasmanta. Paykunataqa t'antatapis mikhushasunman jina atipasun. Paykunamanta jark'akojqa mana pipis kanchu, noqanchejwanri Señor kashan. Chayrayku ama manchachikuychejchu.

Números 21:34

Señortaj Moisesman nerqa: Ama manchachikuychu chay runasmanta, noqa makisniykiman churasaj, tukuy soldadosnintinta llajtantinta ima. Ajinallatataj qan paywan ruwanki, Sehonwan ruwarqanki, chaynejpi tiyakoj amorreospa reynin Hesbonwan, ajinata, nispa.

Hechos 18:9

Uj tutataj Pabloman Señor rikhurerqa, nerqataj: Ama manchachikuychu, parlallaypuni, amataj ch'inyakuychu.

Hechos 27:24

Chay angelqa niwarqa: Ama manchachikuychu, Pablo. Jatun kamachejpa ñaupaqempi rikhurinayki tiyan. Diostaj qanrayku wañuymanta jark'anqa tukuyta, barcopi qanwan rejkunata.

Deuteronomio 20:3

Uyariychej israelitas; kunanqa enemigosniykichejwan maqanakamunkichej. Ama iskayrayankichejchu, ama manchachikunkichejchu, ama kharkatitinkichejchu, amataj mancharikunkichejchu; imaraykuchus Señor Diosniykichejqa qankunawan kashan. Pay qankunarayku enemigosniykichejwan maqanakonqa, atipanaykichejpajtaj yanapasonqachej.

Deuteronomio 3:1

Chaymantaqa Basán ñantañataj jap'irerqanchej, Basanmanta rey Ogñataj tukuy soldadosninwan Edreipi maqanakoj llojsimuwarqanchej.

Deuteronomio 3:11

Basanmanta rey Ogllaña qhepakorqa tukuynin refaíta runasmanta kaj. Sepulturanqa rumimanta ruwasqs karqa. Chay rumeqa sayt'unman karqa tawa chunka metros, kinrayninmantaj yaqha iskay metros jina. Chay sepulturaqa kunankama kashan amonitaspa llajtan Rabapi.

Deuteronomio 3:3

Ajinata Señor Diosninchejqa makisninchejman Basanmanta rey Ogtapis churarqa, tukuy soldadosninta ima. Tukuyninkutapuni wañuracherqanchej.

Josué 10:8

Señortaj Josueman nerqa: Ama paykunamantaqa manchachikuychu, noqa makisniykiman jaywasqayki, ni mayqenninku ñaupaqeykipi sayayta atenqankuchu.

Apocalipsis 2:10

Ama manchachikuychu chay imasta ñak'arinaykimantaqa. Qhaway, qankunamanta wakinta supayqa carcelman wisq'achenqa, rejsisqa kanaykichejpaj, chunka p'unchaytataj llakiyniyoj kankichej. Wañuykama creellaypuni, noqataj kausay pilluta qanman qosqayki.