Deuteronomio 2:7 - Qheshwa Biblia DC

⁷ Qankunataqa Señor Diosniykichej bendicisunkichej tukuy ima ruwasqasniykichejpi. Kay tawa chunka watas junt'ata qankunawan karqa Señorqa. Kay chhika karu ch'inkunasta pay pusaykachasorqachej sumajta waqaychaspa, nitaj imatapis pisichisorqachejchu.

DIOSPA QHELQACHISQAN DEUTEROCANONICAL

⁷ Qankunataqa Tata Diosniykichej tukuy ima ruwasqaykichejpi yanapasorqachej. Kay tawa chunka wata junt'ata qankunawan karqa, kay chhika karu ch'inkunatataj qhawaspa pusaykachasorqachej, mana imamanta pisichispa.

DIOSPA QHELQACHISQ

⁷ Qankunataqa Tata Diosniykichej tukuy ima ruwasqaykichejpi yanapasorqachej. Kay tawa chunka wata junt'ata qankunawan karqa, kay chhika karu ch'inkunatataj qhawaspa pusaykachasorqachej, mana imamanta pisichispa.

Deuteronomio 2:7 ပူးပေါင်းရင်းမြစ်များ

Génesis 12:2

Mirayniykimanta ruwasaj uj jatun aylluta; bendicisqayki, sutiyki may yuyarisqa kanqa, qannejta wajkuna bendicisqas kanqanku.

Génesis 24:35

Señorqa ashkhata bendicin patronniy Abrahamta, qhapajyachintaj. Payman qon ovejasta, wakasta, qolqeta, qorita, qhari kamachista, warmi kamachista, camellosta, burrosta ima.

Génesis 26:12

Chay wata Isaacqa chay jallp'api tarporqa, sumajtataj poqocherqa, imaraykuchus Señora payta bendicerqa.

Génesis 30:27

Labantaj kuticherqa: Ama ripuychu ari, kakullay. Noqa yachani qanrayku Señorqa bendiciwasqanta.

Génesis 39:3

Patronnenqa repararqa Señor paywampuni kasqanta, chayrayku tukuy imapi allin risqanta.

Génesis 39:5

Potifarqa, wasinta tukuy imasninta ima Joseta churarqa qhawanampaj. Señorqa chay kutimantapacha bendicerqa Potifarta Josenejta; chayrayku wasimpitaj, jinallataj chajrasnimpis.

Nehemías 9:21

Tawa chunka watas junt'ata ch'in pampapi mikhuyta qorqanki, manataj jayk'ajpis imallankupis piserqachu; nitaj p'achasninkupis thantakorqachu, nitaj chakisninkupis punkejchu.

Job 23:10

Chaywampis Pay rejsin sapa thaskisqayta; Pay noqata qhawariwanqa, ch'uya qori jinataj llojsisaj.

Salmos 1:6

Señorqa cheqan runaspa ñanninta rejsin, sajra runaspa ñanninrí chinkayman pusan.

Salmos 107:4

T'iyu ch'in pampaspi chinkasqas purerqanku. Tiyakunankupaj llajtaman rina ñanta mana tarerqankuchu.

Salmos 31:7

Khuyakuyniykipi maytapuni kusikusaj, qan rikunki llakiyniyta. Yachankitaj ñak'ariyniyta.

Salmos 90:17

Señor Diosniykojpa k'acha kaynin, noqaykuwampuni kachun. Señor, makisniykoj ruwasqasninta sayachipuwayku; makisniykoj ruwasqasninta sayachipuwaykupuni.

Éxodo 16:35

Israelitasqa Maná nisqa t'antata mikhorqanku tawa chunka watasta, may jallp'aspichus runas tiyakorqanku chayman chayanankukama. Chay t'antata mikhorqanku Canaán jallp'aj mojonninman chayanankukama.

Jeremías 2:2

Riy parlamuy Jerusalén llajtaman; Qhapariy allinta uyarinankupaj jina: Ajinata nin Señorqa: Yuyarikuni maypachachus qan sipasllaraj kashajtiyki noqaman allin kawarqanki, maypachachus warmiypaj aysarikorqayki chaypacha munakuwaj karqanki, ch'in pampasnejta, mana jayk'aj tarpusqa jallp'asnejta qhatiwarqanki.

Oseas 13:5

Noqamin waqaycharqayki chay rupha q'oñi ch'in pampaspi.

Amós 2:10

Qankunatataj Egiptomantapacha orqhomorqaykichej, tawa chunka watastataj pusaykacharqaykichej ch'in pampaspi, chay runaspa jallp'asninkuta qankunaman qonayrayku.

Números 1:1

Israelitas Egiptomanta llojsimusqankumanta iskay kaj watapi, iskay kaj killapi ñaupaj kaj p'unchaypi, Sinaí ch'in pampapi parlarqa, Dioswan tinkukuna toldo ukhupi Moisés kashajtin Señorqa paywan kay jinata parlarqa: Tukuynin qharista israelitasmanta yupaychej ayllusninkuman jina, familiasninkuman jinataj, ajinamanta mashkhachus kasqankuta yachanapaj.

Números 14:33

Chaykamataj wawasniykichejqa tawa chunka watasta michejkunamanta kay ch'in pampaspi puriykachanqanku. Ajinamanta paykuna ñak'arenqanku qankuna juchachakusqaykichejrayku, tukuyniykichej kay ch'in pampapi tukukunaykichejkama.

Números 14:34

Qankuna Canaán jallp'ata qhawamorqankichej tawa chunka diaspi; ajinallatataj tawa chunka watasta jasut'iyniykichejta jap'inkichej sapa diamanta uj watata. Ajinamanta qankunaqa yachankichej imaynatachus contrayta rimana kasqanta.

Números 22:12

Diostaj Balaamman nerqa: Ama riychu chay runaswan israelitasta maldicej, imaraykuchus paykunata noqa bendicini, nispa.

Números 32:13

Chaymanta Señorqa manchayta phiñakorqa, israelitasta ch'in pampaspi puricherqa tawa chunka watasta, tukuy rimajkuna wañuranankukama. Señorpa ñaupaqempi mana allinta ruwasqankurayku.

San Lucas 22:35

Jesús taporqa paykunata: Maypachachus kacharqaykichej, mana ch'uspayojta, mana wayaqayojta, nitaj ujut'asniyojta chaypacha, pisisorqachejchu imallapis? Paykunataj, mana imapis pisiwarqaykuchu, nerqanku.

San Juan 10:27

Noqa ovejasniyta rejsini, paykunataj vozniyta uyariwanku, qhepaytataj jamunku.

Deuteronomio 1:19

Horebmanta llojsimuspa amorreospa orqosninkuman chayamorqanchej Señor Diosninchejpa kamachiwasqanchejman jina. Jinallataj purerqanchej, qankuna rikorqankichej, chay jina jatun millay ch'in pampasta, Cades-barneaman chayamunanchejkama.

Deuteronomio 1:46

Chayrayku, qankunaqa unayta tiyakunaykichej karqa Cades jallp'aspi.

Deuteronomio 2:14

Cades-barneamanta jamusqanchejmantapacha Zered mayuta chimpananchejkama kinsa chunka pusajniyoj watas karqa. Chaykama jarapi kajkunaqa, wañurarqankuña tukuy qharis maqanakuman riyta atejkuna, Señor paykunaman juraspa nisqanman jina.

Deuteronomio 2:6

Qankuna paykunaman ninkichej imatachá munasqaykichejta vendesunaykichejta, chay mikhunasmanta pagapunkichej, jinallataj yakunkuta ujyasqaykichejmantapis.

Deuteronomio 29:4

Kunankama Señorqa entiendej sonqota manaraj qosunkichejchu, ni ñawista chay imasta rikunaykichejpaj, nitaj ningristapis uyarinaykichejpaj.

Deuteronomio 29:5

Noqaqa tawa chunka watas junt'ata ch'in pampaspi pusaykacharqaykichej. Chay purisqaykichejpitaj p'achasniykichej, ni ujut'asniykichejpis mana thantakorqachu.

Josué 5:6

Chaykama israelitasqa tawa chunka watasta purisqanku ch'in pampaspi. Chaykunaspi wañupusqanku Egiptomanta llojsimoj tukuynin israelitas soldado mitayoj llojsimojkuna. Chay qharisqa Señorta mana kasusqankuchu, chayrayku Señorqa juraspa nerqa paykunaman, lechewan misk'iwan correshaj jallp'ata tatasninkuman qonanta nerqa, chayman ama chayanankuta.