Deuteronomio 19:3 - Qheshwa Biblia DC

³ Chay llajtasman rej ñantapis sumajta pichankichej. Chantapis, Señor Diosniykichej qopusonqachej chay jallp'astaqa kinsaman t'aqankichej. Ajinamantaqa mayqen runa wañuchillapis chay llajtaman ayqeyta atenqa pakakunampaj.

DIOSPA QHELQACHISQAN DEUTEROCANONICAL

³ Chay llajtakunaman rej ñantaqa sumajta pichankichej. Jinallataj, Tata Dios qosonqachej, chay jallp'ata kinsaman t'aqankichej, mayqenpis runa masinta wañuchej, chay t'aqapi kaj llajtaman pakakoj ayqekuyta atinanpaj.

DIOSPA QHELQACHISQ

³ Chay llajtakunaman rej ñantaqa sumajta pichankichej. Jinallataj, Tata Dios qosonqachej, chay jallp'ata kinsaman t'aqankichej, mayqenpis runa masinta wañuchej, chay t'aqapi kaj llajtaman pakakoj ayqekuyta atinanpaj.

Deuteronomio 19:3 ပူးပေါင်းရင်းမြစ်များ

Isaías 35:8

Chaypi kanqa uj sumaj ñan, sutintaj kanqa Santo ñan. Chayta juchayoj runaqa manapuni renqachu, nitaj ima wampu runapis chay ñantaqa pantanqachu.

Isaías 57:14

Chaypitaj nenqa: Ñan t'oqosman junt'achiychej; ñanta pichaychej, aylluypa rinan ñanmanta tukuy misk'anasta oqhariychej.

Isaías 62:10

Punkusnejta puriychej, llajtaspaj ñanta kicharipuychej, chay ñan t'oqosta khuskachaychej, ñanmanta rumista orqhoychej, tukuy runas rikunankupaj wiphaylatapis pataman oqhariychej.

Deuteronomio 19:4

Sichus mana wañuchiyta munaspalla uj runata wañuchin chayqa, mana paywan phiñanasqa kaspa, chay runaqa chay llajtaman ayqeyta atenqa.

Deuteronomio 26:1

Mayk'ajchus yaykunkichej Señor Diosniykichej chayaqeykichejpaj jallp'ata qopusonqachej chayman, chaypitaj tiyakapunkichej, chaypacha chay jallp'aj ñaupaj poqoyninta sapa cosechamanta rikuchikusta t'aqankichej. Chaytataj apankichej kanastapi may cheqapichus Señor Diosniykichej ajllakun sutin jatunchasqa kanampaj, chayman.

Deuteronomio 4:21

Chaywampis Señorqa noqapaj mayta phiñakuwarqa qankunaj juchaykichejrayku, juraspataj niwarqa Jordán mayutapis manaña chimpanayta, jinamanta ima jallp'astachus Señor Diosniykichej qankunaman chayaqeykichejpaj qosorqachej, chayman amaña chayanaypaj.

Hebreos 12:13

Ñankunasniykichejta cheqanchaychej, cojos ama misk'anankupaj, astawanqa thañikapunankupaj.