Deuteronomio 15:6 - Qheshwa Biblia DC

⁶ Arí, Señor Diosniykichej bendicisonqachej nisusqaykichejman jina. Ashkha nacionesman manunkichej; qankunarí mana manukunkichejchu. Ashkha naciones patapi kamachinkichej, qankunatataj ni mayqen naciompis kamachisonqachejchu.

DIOSPA QHELQACHISQAN DEUTEROCANONICAL

⁶ Arí, Tata Diosniykichejqa nisusqanman jina yanapasonqachej. Jinaqa ashkha suyuman manunaykichejpaj tiyapusonqachej, qankunatajrí mana manukunkichejchu. Jinallataj ashkha suyuta kamachinkichej, qankunatatajrí ni mayqen suyupis kamachisonqachejchu.

DIOSPA QHELQACHISQ

⁶ Arí, Tata Diosniykichejqa nisusqanman jina yanapasonqachej. Jinaqa ashkha suyuman manunaykichejpaj tiyapusonqachej, qankunatajrí mana manukunkichejchu. Jinallataj ashkha suyuta kamachinkichej, qankunatatajrí ni mayqen suyupis kamachisonqachejchu.

Deuteronomio 15:6 ပူးပေါင်းရင်းမြစ်များ

1 Reyes 4:21

Salomontaj chay tukuynin waj nacionesta kamacherqa, Eufrates mayumantapacha Filisteospa jallp'ankukama, mojonesnimpis Egipto chaykamataj karqa; paymantaj apamoj kanku tukuy allin imasta, rey Salomón kausanankama atiynin urapi karqanku.

1 Reyes 4:24

Imaraykuchus Salomonqa chay tukuynin llajtasta kamacherqa, Eufratesmanta inti yaykuy ladopi, Tifsamanta Gaza chaynejkama, chay tukuy llajtaspa muyuynimpitaj allin tiyakuylla karqa.

1 Crónicas 17:27

Kunantaj kay kamachiykej mirayniyta bendiciyta munarqanki, wiñaypaj makisniykipi waqaychasqas kanankupaj. Qan, Señor, mirayniyta, wiñaypajtaj bendicisqa kanqa.

2 Crónicas 9:26

Salomontaj kamacherqa tukuy reyesta Eufrates mayumantapacha, filisteospa jallp'ankama, Egipto jallp'aj tinkuyninkamataj.

Esdras 4:20

Jerusalempi atiyniyoj reykuna kasqanku. Chaykunataj Eufrates mayoj inti yaykuynejpi kaj llajtasta kamachisqanku. Paykunamantaj pagaj kasqanku impuestosta, tasasta, ñan pichaypaj ima.

Nehemías 9:27

Chayraykumin enemigosninkoj makisninman jaywaykorqanki, paykunataj sinch'ita llakicherqanku. May llakiypi rikukuspataj qanmanta yanapata mañakusorqanku. Qantaj jatun munakuyniykirayku janaj pachamantapacha uyarerqanki; qorqankitaj chay ñak'arichejkunaj makisninmanta kacharichej runasta.

Salmos 112:5

Allin sonqoyoj runaqa khuyakun, mañarintaj; tukuy imasnintapis allinmampuni apan.

Salmos 37:21

Sajra runasqa manukuspapis mana qopunchu, allin runarí khuyakuspa tukuy sonqo qon.

Salmos 37:26

Khuyakullampuni payqa, manutataj qollampuni, wawasnintaj bendición kanku.

Proverbios 22:7

Wajcha runataqa qhapaj runa kamachin; manukojkuna ukhupitaj, pichus manoj runa, kamachin.

San Lucas 6:35

Enemigosniykichejta munakuychej ari allinta ruwaspa; mañaychejtaj mana imata paykunamanta suyaspa; jinamanta jatun t'inkaykichejqa kanqa. Chaymantataj janaj pachapi kaj Diospa wawasnin kankichej. Payqa khuyan mana yuyarikojkunata, sajra sonqoyojkunata ima.

Deuteronomio 15:5

Ajina kanqa sichus qankuna Señor Diosniykichejpa palabrasninta uyarinkichej, junt'ankichejtaj kay kamachiykunata kunan qoshaykichej chaykunata chayqa.

Deuteronomio 28:44

Paykuna manusonqachej, qankunataj mana imatapis manuyta atinkichejchu. Paykunaqa patapi kanqanku, qankunataj urapipuni kankichej.