Deuteronomio 1:7 - Qheshwa Biblia DC

⁷ Tukuy imasniykichejta oqharikuspa amorreospa orqosninkuman riychej, tukuy vecinosninkoj muyuyninkupi kaj jallp'asninkuman ima. Arabaman, sach'arara lomasman, vallesman, Neguevman, mar qocha cantosman, cananeospa jallp'anman, Libanoman, Eufrates jatun mayukama.

DIOSPA QHELQACHISQAN DEUTEROCANONICAL

⁷ Kunanqa tukuy imaykichejta oqharikuspa, amorreokunaj orqonkunaman riychej, tukuy muyuyninkupi kaj llajtakunaman ima. Rillaychejtaj Arabaman, orqorara cheqanejman, vallekunaman, Neguevman, mama qocha kantuman, cananeokunaj suyunkuman, Libanoman, chantá Éufrates jatun mayukama ima.

DIOSPA QHELQACHISQ

⁷ Kunanqa tukuy imaykichejta oqharikuspa, amorreokunaj orqonkunaman riychej, tukuy muyuyninkupi kaj llajtakunaman ima. Rillaychejtaj Arabaman, orqorara cheqanejman, vallekunaman, Neguevman, mama qocha kantuman, cananeokunaj suyunkuman, Libanoman, chantá Éufrates jatun mayukama ima.

Deuteronomio 1:7 ပူးပေါင်းရင်းမြစ်များ

Génesis 12:9

Chaymanta Abramqa rillarqapuni pisimanta pisi Neguev jallp'aman.

2 Samuel 8:3

Davidqa atipallarqataj Hadad-ezerta, payqa karqa Rehobpa wawan, Sobaj reynin. Davidqa Hadad-ezerta atiparqa Eufrates mayu chaynejman jallp'anta kutichikapoj rishaspa.

1 Crónicas 18:3

Davidqa atipaykullarqataj Hanat chaynejpi Sobaj reynin Hadad-ezerta. Payqa Eufrataes mayu chaynejta jap'ikapoj rishajtin.

1 Crónicas 27:29

Wakasta michinamantataj Sarompi kikin Saronmanta Sitrai karqa, chay Adlaipa wawan Safattaj vallesnimpi wakasta michinamnta churasqa karqa.

1 Crónicas 5:9

Inti llojsimuynejman Eufrates mayumantapacha qallarispa ch'in pampaman yaykunakama tiyakorqa. Galaad jallp'api uywasninku maytapuni mirasqanrayku.

Éxodo 23:31

Mojonesniykita ruwapusqayki Puka Mar qochamantapacha filisteospa marninkama, ch'in pampamanta Eufrates mayukama. Chay jallp'aspi tiyakojkunataqa makisniykiman jaywasqayki, qantaj paykunata wijch'unki.

Amós 2:9

Chaywampis noqaqa ñanta kicharerqani qankunapaj, amorreosta chinkachinaykama wañuchispa. Chaywampis paykunaqa jatuchaj runas karqanku cedro sach'as jina, sinch'istaj roble sach'as jina.

Números 10:12

Israelitasqa Sinaí ch'in pampamanta purirerqanku. Phuyutaj Parán ch'in pampanejpi sayarqa. Imaynatachus Señorqa Moisesnejta kamachisqanman jina.

Deuteronomio 1:19

Horebmanta llojsimuspa amorreospa orqosninkuman chayamorqanchej Señor Diosninchejpa kamachiwasqanchejman jina. Jinallataj purerqanchej, qankuna rikorqankichej, chay jina jatun millay ch'in pampasta, Cades-barneaman chayamunanchejkama.

Deuteronomio 11:11

Jap'ikunkichej chay jallp'asqa orqosniyoj, vallesniyojtaj. Cielomanta para chay jallp'astaqa qarpan.

Deuteronomio 11:24

May jallp'amanchá chakisniykichej saruykonqa chay jallp'as qankunajta kanqa. Lindesniykichejqa kanqa ch'in pampamantapacha Libanokama. Eufrates mayumantaj mar qocha Mediterraneokama.

Josué 1:4

Chay jallp'astaj kanqa ch'innejmantapacha Líbano orqokama, Eufrates jatun mayumantapacha Mediterráneo mar qochakama. Chantá tukuynin heteospa jallp'asnintin qankunajta kanqa.

Josué 10:40

Ajinata Josueqa chay tukuynin jallp'asta jap'ikaporqa; orqo kinraykunapi tiyakoj reyesta wañurachispa, Neguev orqospi, wichay pampaspi, wichaykunapi tiyakojkunata ima mana ujniyojta; imaynatachus Israelpa Señor Diosnin kamachisqanman jina.

Josué 24:15

Sichus Señorpa nisqanta mana ruwayta munankichejchu chayqa, kunampacha ajllakuychej pitachus yupaychanaykichejta; ñaupa tatasniykichej mayu chimpapi kashaspa yupaycharqanku chay dioskunatachu, chayri tiyakushankichej chaypi tiyarqanku chay amorreospa dioskunasninkutachu. Noqarí, tukuy aylluywampis Señortapuni yupaychasqayku.

Josué 9:1

Chay tukuy imas kasqanta yacharqanku kay reyes heteosmanta, amorreosmanta, cananeosmanta, ferezeosmanta, heveosmanta, jebuseosmanta ima. Kay reyesqa tiyakusqanku Jordán mayu cantospi inti yaykunannejpi, chanta chay orqospi, pampasnimpi, Mediterráneo mar qochej cantosnimpi, Líbano jallp'aspi ima.

Apocalipsis 9:14

Nerqataj sojta kaj angelman, pichus trompetata jap'isharqa chayman: Eufrates jatun mayu qayllapi tawa watasqa angelesta phaskaramuy, nispa.