Daniel (hebreo) 9:7 - Qheshwa Biblia DC

⁷ Señor, qan cheqampuni kanki. Noqayku judiosqa p'enqaypi rikhuriyku: Jerusalempi tiyakojkuna, jinallataj israelitas, qaylla llajtaspi, chayri, karu llajtaspi tiyakojkunapis. Paykunata qan chay karu llajtasman wijch'orqanki, contraykipi sayarisqankurayku.

DIOSPA QHELQACHISQAN DEUTEROCANONICAL

⁷ Tukuyta Kamachej Diosníy, qan cheqanta ruwaj kanki. Noqayku israelitakunarí tukuyniyku p'enqasqa kashayku: Jerusalenpi tiyakojkuna, jinallataj tukuynin israelitakuna, qayllapi, chayrí, karupi tiyakojkunapis, maymanchus wijch'uwarqayku qanpa contraykipi oqharikusqaykurayku, chaypi.

DIOSPA QHELQACHISQ

⁷ Tukuyta Kamachej Diosníy, qan cheqanta ruwaj kanki. Noqayku israelitakunarí tukuyniyku p'enqasqa kashayku: Jerusalenpi tiyakojkuna, jinallataj tukuynin israelitakuna, qayllapi, chayrí, karupi tiyakojkunapis, maymanchus wijch'uwarqayku qanpa contraykipi oqharikusqaykurayku, chaypi.

Daniel (hebreo) 9:7 ပူးပေါင်းရင်းမြစ်များ

Esdras 9:13

Mana allin imasta ruwasqankurayku, jatun juchankuraykutaj, tukuy kay imas chayamuwarqayku. Chaywampis mana ruwasqaykuman jinachu jasut'iwarqayku, manachayqa kacharisqa kausayta tarerqayku.

Esdras 9:15

Señor, Israelpa Diosnin, qan cheqan karqanki noqaykuwan. Qan munarqanki noqaykumanta uj puchoj t'aqa kausanaykuta, imaynatachus kunan p'unchay rikukusqanman jina. Noqaykoqa cheqamanta ñaupaqeykipi juchayoj kayku, ajinallatapuneqa mana ñaupaqeykipi kayta atiykumanchu, nispa.

Nehemías 9:33

Chaywampis qanqa mana ni ima juchayojchu kanki tukuy imas qhatiriwasqaykumantaqa, imaraykuchus qanqa cheqa sonqowan imatapis ruwawayku, noqaykutaj sajra kajta ruwayku.

Salmos 119:137

Señor, qan cheqan kanki, kamachisqasniykipis cheqan.

Salmos 44:15

Sapa p'unchay k'umuykachachisqallapuni kakuni. P'enqaywan mana maymampis umayta churayta atinichu,

Salmos 51:14

Librayway runata wañuchiymanta. Diosníy, salvaway Diosníy. Noqataj takispa willasaj, cheqan sonqoyoj kasqaykita.

Salmos 51:4

Contraykipi juchallikorqani, ñaupaqeykita mana allin kajta ruwaspa. Chayrayku nisqaykeqa cheqan. Cheqanchaspaqa mana pantankichu.

Isaías 11:11

Chaypacha Señorqa ujtawan atiyninta rikuchillanqataj, maykunapichus ayllusninmanta kajkuna puchorqanku chaykunata kutichimunampaj: Asiriamanta, Egiptomanta, Patrosmanta, Etiopiamanta, Elanmanta, Sinarmanta, Hamatmanta, Mar qocha cantosmantawan.

Isaías 45:16

Tukuyninku paykunaqa k'umuykachachisqas, p'enqachisqastaj kanqanku; jinallataj imaymana lantista ruwajkunapis may p'enqaypi rikhurenqanku.

Jeremías 12:1

Señor, qanwan siminakuni chayqa, qampa nisqaykipuni aswan allin kajqa llojsin, chaywampis tapurisuyta munayman, imaraykuchus chay wakin imas ajina kasqanta. Chay juchasapastaqa imaraykutaj allin rinri? Imaraykutaj chay wasanchajkunapis mana ima ch'ajwaywan kausakunkuri?

Jeremías 23:6

Chay p'unchaykunasnimpeqa Judá salvasqa kanqa, Israelpis sumaj waqaychasqa tiyarikonqa. Kay sutiwanmin chaypacha sutichanqanku: Señormin cheqan kajta ruwaysiwajninchejqa, nispa.

Jeremías 24:9

Paykunata mancharikunapaj jina ruwasaj, tukuy jallp'api kaj nacionespaj; p'enqakunankupaj jina, cuentakunankupaj jina, asikunankupaj jina, maldición kanankupaj jina, maymanchus chayanqanku chay naciompi.

Jeremías 3:25

May p'enqasqas k'umuykukunachej ari, manaña allimpajchu qhawasqas kanchej, imaraykuchus wawasmantapacha kunankama, noqanchej ñaupa tatasninchejpis juchallerqanchej Señor Diosninchejpa contrampi, manataj payta kasorqanchejchu.

Jeremías 33:16

Jaqay p'unchaykunapi Judaqa salvasqa kanqa, Jerusalentaj sumaj waqaychasqa kausakonqa. Chaypacha sutinmanta wajyanqanku: Señormin cheqa kayninwan atipayninchejqa.

Jeremías 4:17

Imaynatachus chay camposninkuta qhawajkuna muyuykunku, ajinata Judá aylluman muyuykonqanku, Señorpa contrampi oqharikusqankurayku. Señormin ajinata nin.

Jeremías 7:19

Chaywan noqamantaqa astawan paykuna kikinkuta, mana allinninkupaj p'enqaynillankupajtaj ruwakunku. Noqa Señor chayta nini.

Ezequiel 16:63

Qantaj yuyarikuspa may chhikata p'enqakunki, k'umuykunkitaj, simiykitapis mana ujtawan kicharinkichu, maypachachus noqa tukuy ima ruwasqasniykimanta perdonasqayki chaypacha. Noqa Señor chaytaqa nini.

Ezequiel 36:31

Chaypachataj, mana allin purisqaykichejmanta, sajra imasta ruwasqaykichejmantawan yuyarikunkichej. Qankuna kikiykichej sajra purisqaykichejmanta, mana allin imasta ruwasqasniykichejmantawan p'enqakunkichej.

Ezequiel 5:10

Chayrayku, qankuna ukhupi wawasninkuta mikhuykojkuna kanqanku, jinallataj wawaspis tatasninkuta mikhuykojkuna kanqanku. Jasut'isniyta qampi rikuchisaj, qanmanta puchojtataj tukuynejman cheqerachisaj.

Ezequiel 6:12

Karupi kajkunaqa onqoywan wañonqanku. Qayllapi kajkunaqa ch'ajwapi wañonqanku. Kausashajkunataj yarqhaywan wañuranqanku. Ajinata phiñakuyniyta paykunawan junt'ayta tukuchisaj.

Daniel (hebreo) 9:14

Chayraykumá, Señor, kay jasut'itaqa wakicherqanki, apachimuwarqaykutaj pataykuman. Qan, Señor Diosniyku, cheqan kanki tukuy ima ruwanaykipi, noqaykutaj mana uyarisuyta munarqaykuchu.

Daniel (hebreo) 9:18

Diosniyku, uyarillawayku ari. Qhawariy kay jina mana imayoj rikhurisqaykuta, jinallataj sutiykita yupaychana llajtatapis. Mana kausayniykupi cheqanta ruwasqaykuta creekuspachu qanmanta majakushayku, mana chayqa qampa jatun khuyakuyniykipi creespa.

Daniel (hebreo) 9:8

Noqaykupis Señor, reyesniyku jina, kurajkunasniyku jina, ñaupa tatasniyku jinataj p'enqaypi rikhuriyku contraykipi juchallikusqaykurayku.

Amós 9:9

Kamachisajtaj Israelpa ayllunmanta tukuynejman suysusqas kanankuta, trigopis suysunapi suysukun jinata, mana uj trigo granollatapis pampaman urmachispa.

Romanos 6:21

Chantá, chay imaspi ima allintataj tarerqankichej, mayqenmantachus kunan p'enqakushankichej chaykunamanta? Chaykunaj tukukuynenqa wañuymin.

Deuteronomio 32:4

Payqa jark'akuwajninchej, ruwasqasnenqa may sumajpuni. Tukuy ñankunasnenqa cheqampuni. Payqa mana llullakoj Dioschu. Payqa mana jayk'ajpis pantanchu. Payqa cheqanmin, cheqa kajta ruwajtaj.

Deuteronomio 4:27

Señorqa tukuy nacionesman ch'eqerachisonqachej, uj chhikallaña qhepakunkichej chay jallp'aspi. Maykunamanchus Señor pusasonqachej, chaypitaj qankunaqa runaj makinwan ruwasqa dioskunata yupaychankichej, k'aspismanta, rumismanta ruwasqa lantista; mana rikojkunata, mana uyarejkunata, mana mikhojkunata, mana muskhejkunata ima.