Daniel (hebreo) 9:5 - Qheshwa Biblia DC

⁵ Noqayku juchalliyku, millay imasta ruwayku, sajra kajta ruwayku, qanta mana kasuspataj kausayku. Kamachisqasniykimanta, imatachus ruwanaykuta nisqasniykimantawan karunchakuyku.

DIOSPA QHELQACHISQAN DEUTEROCANONICAL

⁵ Noqaykurí juchallerqayku, millayta ruwarqayku, qanta mana kasuspataj kawsarqayku. Jinallataj kamachisqaykimanta, imatachus ruwanaykuta nisqaykimantawan karunchakorqayku.

DIOSPA QHELQACHISQ

⁵ Noqaykurí juchallerqayku, millayta ruwarqayku, qanta mana kasuspataj kawsarqayku. Jinallataj kamachisqaykimanta, imatachus ruwanaykuta nisqaykimantawan karunchakorqayku.

Daniel (hebreo) 9:5 ပူးပေါင်းရင်းမြစ်များ

2 Reyes 18:12

Señor Diosninkoj palabranta mana kasusqankurayku, aswampis paypa trato ruwasqanta p'akisqankuraykutaj, imastachus Señorpa kamachin Moisés paykunaman kamacherqa chay tukuyta mana uyarerqankuchu, nitaj ruwarqankuchu.

2 Reyes 21:15

Noqaj ñaupaqeypi tukuy ima sajrata ruwasqankuwan anchataña phiñachiwanku, ñaupa tatasninku Egiptomanta llojsimusqankumantapacha kunankama.

Salmos 106:6

Noqaykupis tatasniyku jina juchallikorqayku, sajrasman tukorqayku, millay kajtataj ruwarqayku.

Salmos 119:102

Kamachisqasniykimanta mana karunchakunichu, imaraykuchus qanmin yachachiwanki.

Salmos 119:176

Chinkasqa oveja jina purerqani; kamachiykita mask'away, imaraykuchus kamachisqasniykitaqa mana qonqanichu.

Salmos 18:21

Noqaqa Señorpa ñanninta qhaterqani. Ni jayk'aj Diosniymantaqa karuncharqanichu.

Isaías 53:6

Tukuyninchej ovejas jina chinkaraporqanchej, sapa ujpis ñanninkutakama riporqanku. Chaywampis Señorqa tukuyninchejpa juchasninchejta payman q'epiricherqa.

Isaías 59:13

Chaykunaqa kashan: Oqharikuy, Señorpa contranta llullakuy, Diosninchejmanta t'aqakuy, waj runaj contranta rimay, churanakuy, sonqonchejpi qhasi palabrasta jap'iy. Llulla palabrasta ima sonqonchejpi jap'erqanchej.

Isaías 64:4

Mana jayk'ajpis chaytaqa uyarerqankuchu, manataj pipis qan jina Diostaqa rikojchu kanku, qampi atienekojkunapaj ajinata ruwapojtaqa.

Jeremías 14:20

Señor, juchayoj kasqaykuta yachakuykuña, jinallataj ñaupa tatasniyku juchallikusqankutapis. Contraykipi juchallikorqayku.

Jeremías 14:7

Señor, juchasniykupis ch'ataykuwachuyku, ruway ari sutiyki may jatunchasqa kasqanrayku! Ashkha kutista qanmanta t'aqakorqayku, contraykipi juchallikorqayku.

Jeremías 3:25

May p'enqasqas k'umuykukunachej ari, manaña allimpajchu qhawasqas kanchej, imaraykuchus wawasmantapacha kunankama, noqanchej ñaupa tatasninchejpis juchallerqanchej Señor Diosninchejpa contrampi, manataj payta kasorqanchejchu.

Jeremías 30:14

Tukuy munapayasojkuna qonqapusorqanku; manañataj pipis qanmanta llakikunchu. Noqa qantaqa nanaykucherqayki enemigosniykipis kayman jina, manchay sinch'ita jasut'erqayki may chhika sajra ruwasqasniykimanta, mana yupay atina juchasniykimanta ima.

Jeremías 44:3

Chay millay juchasta ruwasqasninkurayku, phiñachiwarqanku waj dioskunasllata yupaychaspa, inciensosta q'osñichispa; chay dioskunaqa mana imatapis ruwanankuchu karqa, paykunawan qankunawan, nitaj ñaupa tatasniykichejwampis.

Lamentaciones 1:18

Señorqa cheqampuni, noqarí paypa contranta oqharikorqani. Kunanqa, runakuna, tukuy qhawaychej, rikuychejtaj imaynachus nanayniy kasqanta. Llimphu sipaskunasniywan, waynakunasniywan karuman apachisqas kanku.

Lamentaciones 1:20

Qhawariy, Señor, llakiyniyta. Sonqoyqa phataj jinaña kashan. Sonqoyqa tijrasqa jina kashan, imaraykuchus anchatapuni contraykipi phiñakorqani. Llajta punkuspeqa espadawan wawasta wañurachinku, llajta ukhupitaj wañuy sayaykun.

Lamentaciones 3:42

Noqaykoqa qampa contraykita oqharikorqayku, manataj cheqantachu purerqayku. Chaymanta qanqa mana perdonawaykuchu.

Ezequiel 5:6

Payrí leyesniypa contrampi, kamachisqasniypa contrampi ima oqharikorqa, muyuynimpi kashanku chay ayllusmanta, llajtasmantapis astawanraj. Leyesniyta mana kasunkuchu, nitaj kamachisqasniytapis junt'ankuchu.

Ezequiel 6:9

Chay nacioneswan ayqekojkunaqa noqamanta yuyarikuwanqanku. Yuyarikullanqankutaj imaynatachus noqa paykunata ñak'arichisqayta noqawan mana allinta purisqankurayku, lantista yupaychanankupaj noqamanta karunchakuspa. Paykuna kikinku p'enqachikonqanku tukuy sajra ruwayninkumanta, tukuy ima khuchiriosta ruwasqankumanta ima.

Daniel (hebreo) 9:11

Israelita runakunaqa, yachachisqasniykita tukuyninku mana kasorqankuchu. Kamachiyniykita kasunankuta qonqakaporqanku. Chayrayku kunanqa, kamachiyki Moisespa leynimpi juramentowan qelqasqa kashan chay maldicionqa pataykuman urmamuwayku, imaraykuchus contraykipi juchalliyku.

Daniel (hebreo) 9:15

Señor Diosniyku, qan rikucherqanki jatun atiyniykita, aylluykita Egiptomanta orqhomuspa. Ajina ruwasqaykiwanqa, sutiyki jatumpaj qhawasqa kashan chay p'unchaykunamantapacha kunankama. Noqaykutaj juchalliyku, sajra kajtataj ruwayku.

Daniel (hebreo) 9:9

Señor Diosniyku, qampi kashan khuyakoyqa, juchasta pampachaypis. Noqaykoqa contraykita sayarerqayku.

Oseas 1:2

Señor kay jinata parlayta qallarerqa imastachus Oseasnejta willayta munasharqa chayta: Israel jallp'aqa qhenchachakun noqamanta t'aqakusqanrayku. Ajinallatataj qampis riy warmillikamuy uj sajra purej qhencha warmiwan, wawallikuytaj chay warmiwan, jinamanta qhencha warmej wawasnin kanqanku; nispa.

Malaquías 3:7

Kamachiyniykunamanta qankuna karunchakorqankichej, ñaupa tatasniykichej jina, manataj kamachisqasniyta kasuyta munankichejchu. Noqa, Tukuy Atiyniyoj Señormin niykichej: Noqaman kutirimuychej, noqataj qankunaman kutirimusaj. Qankunatajrí ninkichej: Imarayku qanman kutirimusqaykuri?

Hebreos 3:12

Hermanos, ama qankunamanta pipis mana creej, sajra sonqoyoj kachunchu, kausaj Diosmanta ama t'aqasqa kanampaj.