Daniel (hebreo) 9:4 - Qheshwa Biblia DC

⁴ Señor Diosniymanta mañakorqani, kay imastataj willakorqani: Señor, may jatun Diosníy, trato ruwasqaykitaqa junt'ankipuni, munakuyniykitataj rikuchinki qanta munakusojkunaman, kamachisqasniykita junt'ajkunamampis.

DIOSPA QHELQACHISQAN DEUTEROCANONICAL

⁴ Chantá Tata Dioswan parlarikuspa, juchallisqaykuta rimarerqani: May jatun Tata Diosníy, qan may atiyniyojtaj kanki. Trato ruwasqaykitaqa junt'ankipuni, munakuyniykitataj qanta munakusojkunaman rikuchinki, jinallataj kamachisqaykita junt'ajkunaman ima.

DIOSPA QHELQACHISQ

⁴ Chantá Tata Dioswan parlarikuspa, juchallisqaykuta rimarerqani: May jatun Tata Diosníy, qan may atiyniyojtaj kanki. Trato ruwasqaykitaqa junt'ankipuni, munakuyniykitataj qanta munakusojkunaman rikuchinki, jinallataj kamachisqaykita junt'ajkunaman ima.

Daniel (hebreo) 9:4 ပူးပေါင်းရင်းမြစ်များ

Esdras 10:1

Diosta yupaychana wasin punkumpi, Esdras qonqoriykukuspa mañakushajtin, waqaspa juchasninta willakushajtintaj, israelitasmanta ashkha ukhu, qharis warmis ima waqarallarqankutaj jik'un jik'unta, qayllanman muyuykamuspa.

Nehemías 1:5

Nerqanitaj: Señor, janaj pachapi kaj Diosníy, qanqa jatun Dios atiyniyoj manchachikunataj kanki. Qanqa trato ruwasqaykitaqa sumajta jallch'anki. Jinataj munakusojkunatapis, kamachiykita junt'ajkunatapis mana jayk'aj saqenkichu.

Nehemías 9:32

Chayraykumari, noqaykoj Diosniyku, jatun Dios, atiyniyoj manachachikunataj kanki. Qanqa trato ruwasqaykipi munakuyniykitapis mana saqenkichu, ama qonqapuychu tukuy llakiykuna qhatirisqanmanta reyesniykuta, kurajkunasniykuta, sacerdotesniykuta, profetasniykuta, ñaupa tatasniykuta, jinataj tukuy aylluntinta, Asiriamanta reykunaspa tiemponmantapacha kunankama.

Salmos 32:5

Mana imata pakaspa, tukuy juchayta, sajra ruwasqasniytawan willakorqayki. Nerqani juchasniyta willakusunayta, qantaj Señor perdonawarqanki.

Éxodo 20:6

Khuyakuyniytaqa waranqa waranqasman rikuchini, pikunachus munakuwanku, kamachisqasniytataj kasuwanku chaykunaman.

Jeremías 3:13

Juchayoj kasqaykita reparakuy, Señor Diosniykita mana kasoj kasqaykita, mana rejsisqakunawan tukuy ch'ampa sach'as uraspi qhenchachakusqaykita, kamachiykunasniyta mana kasusqaykita ima. Noqa Señormin chayta nini.

Jeremías 32:23

Chay qonayki jallp'aman yaykuspa jap'ikapuytawan mana kasusorqankuchu, nitaj chay yachachiykunasta qosqasniykita qhaterqankuchu, nitaj ruwarqankuchu ni imata chay kamachisqasniykimantaqa. Chayraykumin kay tukuy ñak'ariykunastaqa apachimorqanki.

Daniel (hebreo) 6:10

Danieltaj chay papelpi rey Darío sutinta qelqaykusqanta uyarispa, wasinman riporqa. Puñunan wasimpa ventanasninta kicharerqa, chay ventanastaj Jerusalenta qhawariypi karqanku, chaypi qonqorikorqa Diosmanta mañakunampaj, payta yupaychanampajtaj. Chay jinata ruwarqa kinsa kutita sapa p'unchay, yachasqa kasqanman jina.

Daniel (hebreo) 9:3

Señor Diosman k'umuykukorqani majakuspa, mañakuspa, ayunakuspa ima. Qhashqa p'achata churakuspataj ushphas patapi tiyaykukorqani.

San Lucas 1:72

Dios khuyarqa, tatasninchejta yuyarikuspa, sumaj tratonta paykunawan ruwasqanmanta.

Romanos 8:28

Yachanchej, Diosta munakojkunataqa tukuy ima allimpaj yanapasqanta, paypa munayninman jina wajyasqasta.

Deuteronomio 5:10

Khuyakuyniytaqa waranqa waranqasman rikuchini, pikunachus munakuwanku, kamachisqasniytataj kasuwanku chaykunaman.

Deuteronomio 7:12

Sichus qankuna Señorpa kamachisqasninta uyarispa waqaychankichej, junt'ankichejtaj chayqa, Señor Diosniykichej qankunaman junt'allanqataj trato ruwasqanta, khuyakuynintataj rikuchisonqachej, ñaupa tatasniykichejman qosaj nisqasninman jina.

Deuteronomio 7:21

Chayrayku paykunaj ñaupaqenkupeqa amapuni manchachikunkichejchu, imaraykuchus Señor Diosniykichejqa qankunawan kashan, Payqa jatun Dios, manchachikunataj.

Deuteronomio 7:9

Chayrayku yachaychej ari, Señor Diosniykichejqa Pay sapallan Dios kasqanta. Yachallaychejtaj cheqan Dios kasqanta. Ima trato ruwasqantapis junt'asqanta may chhika miraykunaskama. Payta munakojkunaman, kamachiykunasnintataj junt'ajkunaman.

Santiago 1:12

Kusikuyniyojmin tentacionta atipaj runaqa; imaraykuchus chay tentacionta atipasqanman jina jap'inan tiyan wiñay kausay pilluta, mayqentachus Dios nerqa qonanta payta munakojkunaman.

Santiago 2:5

Munasqa hermanosníy, uyariychej kay pachamanta wajchasta. Manachu Dios ajllarqa fepi qhapaj kanankupaj, jap'inankupajtaj reinota chayaqepaj jina, Dios nisqanman jina payta munakojkunaman?