Daniel (hebreo) 9:3 - Qheshwa Biblia DC

³ Señor Diosman k'umuykukorqani majakuspa, mañakuspa, ayunakuspa ima. Qhashqa p'achata churakuspataj ushphas patapi tiyaykukorqani.

DIOSPA QHELQACHISQAN DEUTEROCANONICAL

³ Chayta yachaspa, noqa Tukuyta Kamachej Diosmanta mañakorqani, ayunarqani ima. Qhashqa p'achata churakuspataj, ushpha patapi tiyakorqani.

DIOSPA QHELQACHISQ

³ Chayta yachaspa, noqa Tukuyta Kamachej Diosmanta mañakorqani, ayunarqani ima. Qhashqa p'achata churakuspataj, ushpha patapi tiyakorqani.

Daniel (hebreo) 9:3 ပူးပေါင်းရင်းမြစ်များ

2 Samuel 12:16

Chaypacha Davidqa wawanrayku Señormanta mañarqa, ayunaspataj, ch'isisnintin pampapi sirisqa puñorqa.

Esdras 10:6

Chaymanta Esdrasqa Diosta yupaychana wasimanta riporqa Eliasibpa wawan Johanampa wasinman rinampaj. Chaypitaj mana imata mikhuspa, nitaj imatapis ujyaspa tutantin karqa, may phutisqataj kasharqa presochasqasmanta kutirimojkuna juchallisqankumanta.

Esdras 8:21

Chay qhepata Ahavá mayu qayllapi ayunota ruwanaykuta nerqani juchasniykumanta Diosniykoj ñaupaqempi k'umuykukunaykupaj, paymanta mañakunaykupaj, allillanta pusanawaykuta, familiasniykuta, jinallataj tukuy kapuwajniykutapis.

Esdras 9:5

Chay horaspi phutiyniymanta kutirerqani, chaywampis llik'isqa p'achaywanraj qonqoriykukuspa makisniyta Señor Diosniymanta oqharispa mañakuyta qallarerqani kay jinata: Diosníy, Diosníy, nispa. May p'enqaypi tarikuni, musphaykachashallani. Mana yachanichu imaynata qanman qayllaykusuyta. Pantasqaykoqa may jatumpuni, juchasniykutaj janaj pachakama chayamun.

Nehemías 9:1

Israelitasqa chay kikin killallapitaj iskay chunka tawayoj p'unchaykunasnimpi tantakorqanku ayunanankupaj; qhashqa p'achastataj churakorqanku, jinataj jallp'atapis umankuman jich'akorqanku.

Ester (hebreo) 4:16

Qanqa mashkhachus Susa llajtapi judíos tarikunku chaykunata tantaykuy, noqaraykutaj ayunaychej kinsa diasta, tuta p'unchay ama mikhuychejchu, nitaj ujyaychejchu, noqapis kay kamachisniy sipaskunawan ayunallasqaykutaj; chaymantaraj reypaman yaykusaj, amapis leyman jinachu kachun. Wañunay kanqa chaypis wañusaj.

Job 42:6

Chayrayku kunanqa noqa kikiyta chejnikuni, qanmantaj kutirimuyki kay qhelli jallp'api, ushpha patapitaj.

Salmos 35:13

Chaywampis paykuna onqosqa kashajtinku, noqa llakiy qhashqa p'achawan p'achallikorqani. Mana mikhuspa llakisqa kasqayta rikucherqani, sonqoy ukhupitaj Señormanta mañakullarqanipuni.

Isaías 22:12

Chayrayku, Tukuy Atiyniyoj Señorqa wajyasorqachej, mayta llakikuspa waqanaykichejpaj, umaykichejtataj ruthunaykichejpaj, qhashqa p'achastataj churakunaykichejpaj.

Jeremías 33:3

Mañakuway, uyarisqaykitaj, willasqaykitaj jatuchaj imasta, mana yachasqayki imastataj yachachisqayki.

Ezequiel 36:37

Atiyniyoj Señorqa kay jinata nin: Israel aylloqa mask'awanqaraj aswan imasta ruwapunaypaj. Chayrayku aswan ashkhata runasninta mirachisaj, ovejas miranku ajinata.

Daniel (hebreo) 6:10

Danieltaj chay papelpi rey Darío sutinta qelqaykusqanta uyarispa, wasinman riporqa. Puñunan wasimpa ventanasninta kicharerqa, chay ventanastaj Jerusalenta qhawariypi karqanku, chaypi qonqorikorqa Diosmanta mañakunampaj, payta yupaychanampajtaj. Chay jinata ruwarqa kinsa kutita sapa p'unchay, yachasqa kasqanman jina.

Daniel (hebreo) 9:2

Ñaupaj kaj watata rey kashajtin, noqa Daniel, Diospa palabranta leekusharqani profeta Jeremiaspa librompi, qanchis chunka watas junt'akuna kasqanta Jerusalén urmanampaj, profeta Jeremiasman Señorpa nisqanman jina.

Daniel (hebreo) 9:20

Diosmanta mañakushallarqanipuni, juchasniyta willakuspa, jinallataj Israel aylluypa juchasninta willaspa, Señor Diosniypa ñaupaqempi majakuspa ajllakusqan lomanrayku.

Daniel (hebreo) 9:4

Señor Diosniymanta mañakorqani, kay imastataj willakorqani: Señor, may jatun Diosníy, trato ruwasqaykitaqa junt'ankipuni, munakuyniykitataj rikuchinki qanta munakusojkunaman, kamachisqasniykita junt'ajkunamampis.

Joel 1:13

Qankuna, altarpi sirvejkuna sacerdotes, qhasqa pachata churakuspa nanaywan waqaychej, imaraykuchus Diosniykichejpa templompi ofrendata qonapajqa, manaña kanchu ch'aki mikhuykuna, nitaj vinopis.

Joel 2:12

Kunanqa Señor nin: Noqaman tukuy sonqo kutirimuychej. Ayunota ruwaychej, qhaparikuychej, waqaychejtaj!

Jonás 3:5

Chay llajtapi tiyajkunataj Diospi creerqanku, qhaparikorqankutaj ayunota ruwaspa, llakiy p'achastataj churakorqanku jatunmanta juch'uykama.

San Mateo 17:21

Kay laya supaytaqa, Diosmanta mañakuspa, ayunaspataj qharqoyta atinchej.]

San Lucas 2:37

Pusaj chunka tawayoj wata viudaña karqa. Templomantaqa mana llojsejchu, tuta p'unchay sirvispa, ayunaspa, Diosmantataj mañakuspa.

Hechos 10:30

Corneliotaj nerqa: Tawa p'unchayña kashan, kay horata jina, kay wasipi ayunasharqani, chaupi p'unchayta jina. Diosmanta mañakushajtiy, chayllaman uj qhari ñaupaqeypi rikhurerqa lliphipej p'achayoj.