Daniel (hebreo) 9:21 - Qheshwa Biblia DC

²¹ Ajinata mañakushajtiy, ñaupajta mosqoypi jina rikhuriwarqa Gabriel, phawamorqataj maypichus noqa kasharqani chayman, tardempi Diosman uywata wañuchispa rikhuchikuta jaywana chay horastaña.

DIOSPA QHELQACHISQAN DEUTEROCANONICAL

²¹ Ajinata mañakushajtiy, ñawpajpiña mosqoypi jina rikusqay Gabriel phawaspa jamorqa, maypichus noqa kasharqani, chayman. Chay karqa ch'isiyaykuyta Diosman uywata ñak'aspa jaywana phanita jina.

DIOSPA QHELQACHISQ

²¹ Ajinata mañakushajtiy, ñawpajpiña mosqoypi jina rikusqay Gabriel phawaspa jamorqa, maypichus noqa kasharqani, chayman. Chay karqa ch'isiyaykuyta Diosman uywata ñak'aspa jaywana phanita jina.

Daniel (hebreo) 9:21 ပူးပေါင်းရင်းမြစ်များ

1 Reyes 18:29

Khuskan p'unchaypis pasarqaña, paykunatajri phinkiykachaspa aswan jatunmanta qhaparishallarqankupuni, jaywana rato chayamunankama, manataj ima parlayllapis uyarikorqachu, nitaj pipis kutichej nitaj uyarejpis karqachu.

1 Reyes 18:36

Chanta q'olachispa jaywana rato chayamojtin, profeta Eliasqa chimpaykuspa nerqa: Abrahampata, Isaacpata, Israelpatawan Señor Diosnin, kunan yachachunku qan Israelpa Señor Diosnin kasqaykita, noqataj kamachiyki kasqayta, qampa kamachisqaykiwantaj kay tukuy imasta ruwasqayta.

Salmos 103:20

Ángeles, Señorniykichejta yupaychaychej, qankuna kallpayojkuna, kamachisqasninta junt'ajkuna, nisqasninta kasukunaykichejpaj qhajlla kajkuna.

Salmos 104:4

Wayras kachasniyki kanku. Ninaj qallusnin qanta kasusunku.

Salmos 141:2

Mañakususqayqa ñaupaqeykipi inciensoj q'apaynin jina kachun. Qanman makisniyta oqharisqaytaj inti yaykuy horasta jaywana jina kachun.

Éxodo 29:39

Ujnin kajta tutamanta jaywanki, ujnin kajtataj ch'isiyaykuyta.

Isaías 6:2

Paypa patampitaj Serafín nisqa ángeles kasharqanku, sapa ujnintaj sojta lijrasniyojkama karqanku, iskay lijrasninkuwanqa uyasninkuta pakakorqanku, iskaywantaj chakisninkuta, iskaywantaj phawarqanku.

Ezequiel 1:11

Iskay lijrasnin pataman oqharisqas karqanku. Chaykunataj puntapura tinkunasqas karqanku, iskaywantaj ukhusninta qhataykorqanku.

Ezequiel 1:14

Chay kausajkunataj kayman jaqayman usqhay usqhayta correykacharqanku lliuj lliujpis kankuman jina.

Ezequiel 14:14

Kay kinsa runaschus chay llajtapi kashankuman Noé, Daniel, Job ima chayqa, paykunalla kinsantinku salvasqas kankuman cheqa runas kasqankurayku. Noqa Señormin chayta nini.

Daniel (hebreo) 10:10

Chay rato, uj maki jap'iykuwaspa aysariwarqa, thalariwaspa qonqorisqata, makisniytataj pampaman churasqasta saqewarqa.

Daniel (hebreo) 10:16

Chay rato, uj runaman rijch'akoj simiyta llankhariwarqa. Chanta, ñaupaqeypi kasharqa chayman nerqani: Señor, kay mosqoypi jina rikusqayqa mayta llakichiwan, mana kallpayojmantaj tukuchiwan.

Daniel (hebreo) 10:18

Runaman rijch'akojqa, ujtawan llankharillawarqataj, mosoj kallpata qowaspa; niwarqataj: Ama manchachikuychu, amataj llakikuychu. Diosmin munakusunki. Umachakuy, kallpachakuytaj! Pay parlashawajtillanraj, reparakorqani watejmanta umachakushasqayta; chanta nerqani: Señorníy, parlaway, kallpayta kutichipuwankiña.

Daniel (hebreo) 8:16

Ulai nisqa mayumantataj runa parlamojta uyarerqani, nejta: Gabriel, chay runaman mosqoynimpi rikusqanta sut'inchay.

Daniel (hebreo) 8:18

Pay parlashawajtillanraj yuyayniy chinkawarqa, sinch'i puñuywan jina pampapi uyamanta wijch'usqa rikhurerqani, chanta, paytaj aysarispa sayarichiwarqa, chanta niwarqa: Sumajta willasqayki, Diospa phiñakuynin tukukojtinkama imachus jamonqa chayta, imaraykuchus chay rikhurisojqa tiempoj tukukuyninmanta willashan.

San Mateo 27:46

Chaypacha Jesusqa sinch'ita qhaparerqa: Elí, Elí, lama sabactani?, nispa. Kayrí niyta munan: Diosníy, Diosníy, imaraykutaj saqerpariwankiri?

San Lucas 1:19

Angeltaj kuticherqa: Noqa Gabriel kani, Diospa kamachimpi; pay kachamuwan willasunaypaj kay sumaj noticiasta.

San Lucas 1:26

Sojta killanmantaj, Dios kachamorqa ángel Gabrielta, Galileapi Nazaret llajtaman, manaraj qharita rejsej María sutiyojman; pichus casaranampaj parlapayasqa karqa, José sutiyoj, Rey Davidpa ayllunmanta kaj qhariwan.

Hechos 10:3

Uj kuti, chaupi p'unchay pasayta, mosqoypi jina sut'ita rikorqa Diospa angelninta, maypichus kasharqa chayman yaykumojta. Parlapayaspataj: Cornelio, nerqa.

Hechos 10:9

Q'ayantintaj kachas ñanta rishajtinku, Jopeman qayllashajtinkuña, Pedro chaupi dianejta, wasi pataman wicharerqa Diosmanta mañakoj.

Hechos 12:7

Chayllaman Señorpa angelnin rikhurimorqa, chay ukhumantaj k'anchay junt'aykorqa. Angeltaj Pedrota wajtanninmanta kuyurichispa rijch'aricherqa, nerqataj: Usqhayta jatariy, nispa. Chay kikimpi cadenas makisninmanta urmararqa.

Hechos 3:1

Uj kuti Pedrowan Juanwan temploman wicharisharqanku kinsa kaj hora kashajtin. Chay horaqa karqa Diosmanta mañakuna hora.

Hebreos 1:14

Manachu tukuynin espíritus kamachis kanku, Diospa kachamusqasnin, salvacionta chayaqepaj jap'ejkunata yanapanankupaj?

Hebreos 1:7

Cheqamanta Dios angelesninmantaqa nerqa: Pichus angelesninta espiritusta ruwan, kamachisnintapis nina larwaykunata jina.

Apocalipsis 9:17

Chay jinamanta uj rikhuriypi caballosta rikorqani, chaykunapi lloq'asqa kajkunatapis. Paykunaj pechoquerasninkoqa ninamanta karqanku, jacinto rumimanta, azufremantawan. Caballospa umasninkutaj, leonespa umasnin jina karqanku. Simisninkumantataj nina q'osñi, azufretaj llojsimusharqa.