Daniel (hebreo) 9:13 - Qheshwa Biblia DC

¹³ Tukuy kay jasut'eqa chayamuwayku, Moisespa leynimpi qelqasqa kasqanman jina. Noqaykurí, mana mask'asorqaykuchu, Señor Diosniyku, manataj sajra kausayniykuta saqerqaykuchu, nillataj cheqa kajtapis qhaterqaykuchu.

DIOSPA QHELQACHISQAN DEUTEROCANONICAL

¹³ Tukuy kay llakeyqa Moisespa kamachisqanpi qhelqasqa kasqanman jina qhatiriwayku. Noqaykurí, mana qanta mask'arqaykuchu, manataj sajra kawsayniykuta saqerqaykuchu, nillataj cheqan kajtapis qhaterqaykuchu.

DIOSPA QHELQACHISQ

¹³ Tukuy kay llakeyqa Moisespa kamachisqanpi qhelqasqa kasqanman jina qhatiriwayku. Noqaykurí, mana qanta mask'arqaykuchu, manataj sajra kawsayniykuta saqerqaykuchu, nillataj cheqan kajtapis qhaterqaykuchu.

Daniel (hebreo) 9:13 ပူးပေါင်းရင်းမြစ်များ

2 Reyes 22:16

Ajinata Señorqa nin: Kunanqa tukuy imastachus chay libropi qelqasqata Judamanta rey leerqa chay tukuynin sajrata, kay llajtaman, tiyakojkunamanwan apachimusaj.

Job 36:13

Sonqonkupi puraj uyasqa paykunallapajtaj k'ajaj phiñakuyta tantanku, presochasqasña kashaspapis mana yanapata mañakunkuchu.

Salmos 119:18

Ñawisniyta kichariy qhawanaypaj chay jina k'acha kamachisqasniykita.

Salmos 119:27

Yuyayta qoway kamachisqasniykita qhatinaypaj; sumaj ruwasqasnillaykipi yuyayta munani.

Salmos 119:73

Qan, Señor, makisniykiwan ruwawarqanki, sumaj yuyayta qoway kamachisqasniykita yachanaypaj.

Salmos 85:4

Salvawajniyku Dios, salvawayku kunampis ari, amañataj noqaykupaj phiñasqa kaychu.

Isaías 31:1

Ay, Egiptoman uraykojkuna yanapachikunankurayku, caballosninkuman atienekojkuna, ashkha carretaspi atienekojkuna, caballospi wapu rejkunapi atienekojkuna, manataj Israelpa Santo Diosninta qhawarinkuchu.

Isaías 42:9

Ñaupajmanta willasqasniy imaynatachus tukuynin junt'akusqanta; kunantaj mosoj imasta willashani. Manaraj sut'iman llojsishajtin noqaqa willasqaykichej.

Isaías 43:22

Qantaj Jacobpa miraynin Israel, mana qhaparikuwarqankichu, mana chayqa noqawan amichikorqanki.

Isaías 64:6

Tukuyniyku millay ch'ichis kayku, tukuy ima ruwasqaykupis millay ch'ichi thanta jina. Noqaykoqa sach'a laqhes jina t'akakuyku, sajra ruwasqasnillaykutaj wayra jina apawayku.

Isaías 64:7

Sutiykita oqharejqa mana pipis kanchu, rijch'arispa sutiykimanta yuyarikojpis manallataj kanchu. Chayrayku qanqa uyaykita noqaykumanta pakaykukunki, sajra ruwasqasniykupi qawejta qhawallawayku.

Isaías 9:13

Chay tukuywampis israelitasqa manapuni jasut'ejninkuman kutirerqankuchu, Tukuy Atiyniyoj Señortaqa manapuni mask'arqankuchu.

Jeremías 2:30

Qhasillata wawasniykichejta jasut'erqani, yachachiykunasta paykunaqa mana kasuyta munarqankuchu. Kikin qankuna millay phiña leones jina, profetasniykichejta wañucherqankichej.

Jeremías 30:14

Tukuy munapayasojkuna qonqapusorqanku; manañataj pipis qanmanta llakikunchu. Noqa qantaqa nanaykucherqayki enemigosniykipis kayman jina, manchay sinch'ita jasut'erqayki may chhika sajra ruwasqasniykimanta, mana yupay atina juchasniykimanta ima.

Jeremías 31:18

Efraimpa ayllunmanta kajkuna waqaspa willakojta uyarini: Noqa, mana amansasqa novillo waka jina karqani, jinapis qan kasukuyta yachachiwarqanki, qanman kutirichipuway. Qanmin Señor Diosniy kanki.

Jeremías 44:23

Kay sajra ñak'areyqa waj dioskunaman inciensota q'osñichisqaykichejrayku jamushasunkichej, jinamanta Señorpa contrampi juchallispa mana paypa yachachiykunasninta, leykunasnintapis kasusqaykichejrayku, nitaj nisqasninta junt'asqaykichejrayku ima.

Jeremías 44:27

Noqa qhawashani ñak'ariykunasta apachimunaypaj, mana allin kajkunatachu. Judamanta tukuy Egiptopi tiyakushajkuna, cheqamanta tukuyninku maqanakupi, yarqhaywantaj wañuchisqas kanqanku.

Jeremías 5:3

Señor, qanqa cheqan runasta mask'ashanki. Jasut'erqanki, manataj nanachikorqankuchu; t'unaykorqankipis, manataj yachayta munarqankuchu. Ancha k'ullukojkunas kanku, rumismanta aswan sinch'istaj, manapuni allin ñanman kutirimuyta munarqankuchu.

Lamentaciones 5:21

Wajyakapuwayku ari Señor, noqaykutaj qanman jampusqayku. Kay p'unchayniykutaqa mosojyachiy ari, ñaupajta karqa ajinata.

Ezequiel 16:43

Sipas kasqaykimanta qonqakaporqanki sajra imasta ruwaspa, millay juchapi purispataj phiñachiwarqanki. Chayrayku, noqaqa chay purisqaykiman jina jasut'isqayki. Manapuni yuyarqankichu manchayta k'achanchakusqaykimantapis. Noqa Señormin chaytaqa nini.

Daniel (hebreo) 9:11

Israelita runakunaqa, yachachisqasniykita tukuyninku mana kasorqankuchu. Kamachiyniykita kasunankuta qonqakaporqanku. Chayrayku kunanqa, kamachiyki Moisespa leynimpi juramentowan qelqasqa kashan chay maldicionqa pataykuman urmamuwayku, imaraykuchus contraykipi juchalliyku.

Oseas 7:10

Israelpa runaykachasqanqa paypa contrallampitaj sut'inchashan. Chaywampis paykunaqa mana kutirikorqankuchu nitaj Señor Diosninkuta mask'arqankuchu.

Oseas 7:14

Qhaparqachanku camankupi kashaspa manataj sonqowanchu wajyakuwanku. Trigota jinataj vinota mañakuspa nanarachikunku. Contraypi oqharikorqanku!

Oseas 7:7

Arí, tukuy paykunamanta ruphaykushanku imaynatachus uj horno kamachejkunasninta q'olaykushanman jinata. Tukuy reykunasninku urmarqanku, manañataj ni ujpis kanchu qhaparikuwajkunaqa.

San Lucas 24:45

Chaymantataj sut'incharqa, allinta unanchanankupaj Diospa palabranta; nispa: Ajina escribisqa kashan, jinatapuni Cristoqa ñak'arinan karqa; chantataj wañusqakuna ukhumanta kausarimunan karqa kinsa p'unchayninman.

San Juan 10:35

Sichus paykunata dioskuna nispa suticharqa chayqa, pikunamanchus Diospa palabran jamorqa chay Escrituraqa, mana pantanmanchu.

San Juan 6:45

Profetaspa escribisqasnimpitaj jinata nishan: Dios tukuyninman yachachenqa. Jinataj, Dios Tatamanta uyarejkuna, paymanta yachakojkunataj noqaman jamunku.

San Juan 8:32

Cheqa kajta rejsinkichej, cheqa kajtaj kacharichisonqachej.

Deuteronomio 29:4

Kunankama Señorqa entiendej sonqota manaraj qosunkichejchu, ni ñawista chay imasta rikunaykichejpaj, nitaj ningristapis uyarinaykichejpaj.

Santiago 1:5

Mayqellampis qankunamanta mana yachayniyoj kanman chayqa, Diosmanta mañakuchun. Dios qon tukuyman ashkhamanta mana k'amispalla. Cheqamanta chay yachayqa payman qosqa kanqa.