Daniel (hebreo) 7:28 - Qheshwa Biblia DC

²⁸ Kaypi tukukun chay parlawasqanqa. Noqa Danieltaj, may llakisqa tarikorqani, uyaypis waj jinaman tukorqa, manataj pimampis willarqanichu kay rikusqaytaqa.

DIOSPA QHELQACHISQAN DEUTEROCANONICAL

²⁸ Kaypi willawasqan tukukun. Noqa Danielrí chay imakunapi yuyarispa, may phutisqa kasharqani, uyaypis waj jinaman tukorqa. Chaywanpis imatachus tukuy rikusqayta sonqollaypi jallch'arqani.

DIOSPA QHELQACHISQ

²⁸ Kaypi willawasqan tukukun. Noqa Danielrí chay imakunapi yuyarispa, may phutisqa kasharqani, uyaypis waj jinaman tukorqa. Chaywanpis imatachus tukuy rikusqayta sonqollaypi jallch'arqani.

Daniel (hebreo) 7:28 ပူးပေါင်းရင်းမြစ်များ

Génesis 37:10

Joseqa ajinata mosqokusqanta tatanman, wauqesninmanwan willajtintaj tatanqa k'amerqa, nispa: Imatataj niyta munanki kay mosqokusqaykiwanrí? Noqa, mamayki imachu qanman k'umuykuykuman kasqa?

Génesis 37:11

Wauqesnenqa chaymanta astawan chhoqonakorqanku, tatantaj anchata chay mosqokusqampi yuyasharqa.

Daniel (hebreo) 10:16

Chay rato, uj runaman rijch'akoj simiyta llankhariwarqa. Chanta, ñaupaqeypi kasharqa chayman nerqani: Señor, kay mosqoypi jina rikusqayqa mayta llakichiwan, mana kallpayojmantaj tukuchiwan.

Daniel (hebreo) 10:8

Sapallay kasharqani chay jina rikhuriwajta qhawaspa. Manchay q'ellumantaj tukorqani, reparakorqanitaj kallpay pisiyawasqanta.

Daniel (hebreo) 11:27

Chaypacha iskayninku reyes, mana allin kajta ruwanakuyta munaspalla, khuska tiyarikonqanku mikhunankupaj. Chaypitaj llullata purajmanta ninakonqanku. Manataj mayqenninkupis yuyasqankuta junt'anqankuchu. Manaraj chaypajqa horachu kanqa.

Daniel (hebreo) 12:13

Qantaj, Daniel, purillaypuni tukukuykama, chanta samarikunkitaj. Qhepa p'unchaykunapitaj jatarikunki t'inkaykita jap'ikapunaykipaj.

Daniel (hebreo) 12:9

Paytaj kutichiwarqa: Daniel, ñanniykita rillaypuni, kay imasqa pakayllapirajpuni kanqanku, tukuykuy p'unchay chayamunankama.

Daniel (hebreo) 4:16

Yuyaynin waj jinaman tijrakuchun, animalpa yuyayninman jinataj kutichun. Chay mana allin kaynintaj qanchis wata junt'a kachun.

Daniel (hebreo) 4:19

Chantá Danielqa, pitachus suticharqanku Beltsasar nisqata, pay uj ratota t'ukurerqa, umanman yuyaykuna jamojtin may maycharisqa karqa. Noqa reytajrí, payta nerqani: Beltsasar, ama llakikuychu chay mosqoyniymantaqa, ni sut'inchayninmantapis. Beltsasartaj kutichispa nerqa: Way, mosqoyniykipi imatachus niyta munan chay tukoyqa urmachun pikunachus chejnisunku chaykunaj patanman!

Daniel (hebreo) 7:15

Noqa Daniel, reparakorqani manchachikorqanitaj. Chay tukuyta rikusqaymanta llakikuspa, qayllaykorqani, chaynejpi sayarasharqanku chaykunaman, paykunamanta ujnin kajmanta mañakorqani, chay tukuy rikusqasniyta sut'inchanawanta. Paytaj sut'inchanawampaj uyariwarqa, niwarqataj: Kay tawantin jatuchej fiero animalkunaqa, tawa reykuna kanku, paykunataj mundontimpi runakunata apaykachanqanku.

Daniel (hebreo) 8:1

Rey Belsasar kinsa watataña kamachishajtin, noqa Daniel ñaupaj rikusqaymanta qhepata ujtawan rikullarqanitaj.

Daniel (hebreo) 8:17

Chanta Gabrielqa qayllaykamuwarqa. Noqataj mancharikuywan pampakama k'umuykorqani, paytaj niwarqa: Runa, yachay, chay mosqoypi jina rikhurisojqa niyta munan, p'unchaykunaj tukukuyninmanta.

Daniel (hebreo) 8:27

Noqa Danieltaj, reparakorqani kallpay pisiyawasqanta, ashkha p'unchaykunataj onqosqa tarikorqani. Chaymanta jatarikuspa uyarillarqanipuni nacionta kamachejpa ruwanasninmanta. Noqataj mayta t'ukusharqani chay jinata rikusqaymanta, mana unanchayta atispa.

Marcos 9:15

Chay kikimpacha, runasqa Jesusta rikuspa t'ukorqanku; usqhayta rispataj napaykorqanku.

San Lucas 2:19

Kay tukuy imastataj Mariaqa unanchaspa sonqompi waqaycharqa.

San Lucas 2:51

Chantá kutiporqa tatasninwan Nazaretman; chaypitaj paykunata kasuspa karqa. Kay tukuy imastataj mamanqa sonqompi waqaycharqa.

San Lucas 9:44

Allinta uyarichej kayta, amataj qonqaychejchu. Runaj Churinta enemigosnin runaswan jap'ichenqanku.