Daniel (hebreo) 7:27 - Qheshwa Biblia DC

²⁷ Kay jallp'api tukuynin llajtaspa reinosninku, atiyninku, jatun kayninkupis, jatun atiyniyoj Diospa ajllakusqan aylluman qopusqa kanqanku. Chay kamachinantaj wiñaypaj sayanqa, kay pachapi kaj tukuynin llajtakunataj paytaqa sirvenqanku, kasukonqankutaj.

DIOSPA QHELQACHISQAN DEUTEROCANONICAL

²⁷ Chantá kay pachapi kamachinapaj atiywan, kallpawan, jatunchasqa kaywan ima Patapi Kaj Diospa ayllunman qosqa kanqa. Paypa kamachiynenqa wiñaypaj kanqa, jinataj kay pachapi kaj chhika suyukuna payta kasonqanku, munaynintataj ruwanqanku, nispa.

DIOSPA QHELQACHISQ

²⁷ Chantá kay pachapi kamachinapaj atiywan, kallpawan, jatunchasqa kaywan ima Patapi Kaj Diospa ayllunman qosqa kanqa. Paypa kamachiynenqa wiñaypaj kanqa, jinataj kay pachapi kaj chhika suyukuna payta kasonqanku, munaynintataj ruwanqanku, nispa.

Daniel (hebreo) 7:27 ပူးပေါင်းရင်းမြစ်များ

Salmos 145:13

Rey kasqaykeqa wiñaypaj, kamachiyniykeqa tukuy runa mitaspaj.

Salmos 22:27

Tukuy laya runas, tukuy llajtas, tukuy kay pachamanta runas, Señormanta yuyarikuychej, payman jamuychej, qonqorikuychejtaj ñaupaqempi.

Salmos 72:11

Tukuy reyes ñaupaqempi qonqorikuchunku. Tukuy nacionestaj kamachisqanta ruwanku.

Salmos 86:9

Señor, tukuy nacionesta qan sayachinki, tukuyninkutaj qanta yupaychasonqanku, sutiykitataj jatunchanqanku.

Isaías 14:2

Ashkha naciones israelitastaqa yanapanqanku, jallp'ankumantaj pusaponqanku. Chay runastataj israelitasqa Señorpa jallp'ampi kamachisninkupaj jap'enqanku. Chanta israelitasñataj pikunachus ñak'aricherqanku, chaykunata presochanqanku, munayninkupitaj apaykachanqanku, paykunata llakichej kanku chaykunata.

Isaías 54:3

Lloq'emantaj pañamantaj jatunyanki; mirayniykeqa nacionesta jap'ikaponqanku. Chay saqerasqa ch'in llajtasman junt'anqanku.

Isaías 9:7

Kamachisqanta, chanta sonqo tiyakuyta qosqampis manapuni tukukonqachu Davidpa reinompi, jinallataj paypa reinompipis. Kamachiynenqa sumaj sayasqa kanqa, cheqa kajpi, maychus kajta ruwaypitaj kunanmantapacha wiñaypajtaj. Kaytaqa Tukuy Atiyniyoj Señormin sinch'i munayninrayku ruwanqa.

Daniel (hebreo) 2:44

Chay reykuna kamachishajtinkutaj, janaj pachapi kaj Dios uj reinota sayarichenqa, chaytaj mana jayk'ajpis t'unasqachu kanqa manataj mayqen reinopis payta atipanqachu. Tukuynin waj reinosta tukuchenqa, chay atipaj reinotajrí wiñaypaj sayanqa.

Daniel (hebreo) 4:34

Jasut'i p'unchaykuna junt'akojtin, noqa Nabucodonosorqa, janaj pachata qhawarerqani, loco kayniymantataj thañisqa kasqayta reparakorqani. Chaypacha, Jatun Diosta yupaycharqani, kay palabraswantaj wiñaypaj kausayniyojta jatuncharqani: Paypa atiynenqa wiñaypajpuni. Llajtakunata kamachinantaj miraypa miraynintimpaj kanqa.

Daniel (hebreo) 6:26

Kaytataj kamachini, tukuynin reinoypi, Danielpa Diosnintaqa respetachunku, payllamantaj k'umuykuchunku. Paymin kausaj Diosqa. Payllapuni wiñaypaj wiñaynintinkama. Reinonqa mana jayk'ajpis t'unasqachu kanqa, nitaj atiynimpis tukukonqachu.

Daniel (hebreo) 7:14

Paymantaj atiyta qorqanku, chanta k'anchayniyoj kayta, llajtasta kamachiytapis. Tukuy nacionesmanta kaj runakuna, tukuy parlaymanta kaj runakunataj payta sirverqanku. Atiynintaj kikillampuni kanqa, kamachinantaj mana jayk'ajpis t'unasqachu kanqa.

Daniel (hebreo) 7:18

Chay qhepatataj reinoqa, jatun atiyniyoj Diospa ayllunman qosqa kanqa, paypatataj kanqa wiñaynintimpaj.

Daniel (hebreo) 7:22

Chanta Ancianoqa chayamuspa jatun atiyniyoj Diospa ayllunta cheqanyacherqa, imaraykuchus p'unchaykuna junt'akorqankuña Diospa ayllun reinoman yaykupunampajqa.

Abdías 1:21

Chay atipajkunaqa Sión orqoman llojsenqanku chaymantapacha juzganankupaj Esaupa chay orqosniyoj lugaresnimpa contrampi, Señorlla kamachenqa.

Zacarías 14:9

Chay p'unchaypeqa Señorlla kamachenqa tukuynin jallp'api. Chaypacha uj k'ata Señorlla kanqa, uj k'atallataj sutimpis kanqa.

San Lucas 1:33

Payqa wiñaypaj israelitasta kamachenqa, mana jayk'aj tukukuyniyoj reinompi.

San Juan 12:34

Runastaj payman kuticherqanku: Noqayku leypi yacharqayku, Cristoqa wiñaypaj kausananta; imaraykutaj qan Runaj Churin oqharisqa kanqa nishanki? Pitaj chay Runaj Churinri?

1 Corintios 15:24

Chaypaj qhepanta tukukuy jamonqa, maypachachus Cristo tukuy kamachiyta, tukuy atiyta, tukuy kallpata ima qhechojtin, chaypacha reinota Dios Tataman jaywaponqa.

Apocalipsis 11:1

Paytaj qowarqa uj soqosota varaman rijch'akojta, niwarqataj: Sayariy, varawantaj midiy Diospa templonta, altarta, chaypi yupaychajkunatawan.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Apocalipsis 17:14

Kaykunaqa Corderoj contrampi maqanakonqanku. Corderotaj paykunata atipanqa. Payqa señorkunaj Señornin, reyespa Reynintaj. Paywan kajkunarí wajyasqas, ajllasqas, junt'ajkunataj kanku.

Apocalipsis 19:16

P'achampi moqon patanejpi escribisqa sutiyoj karqa: reykunaj Reynin, señorkunaj Señornintaj.

Apocalipsis 20:4

Tronostataj rikorqani. Chaykuna patapitaj tiyaykukorqanku pikunachus atiyta jap'erqanku juzganankupaj, chaykuna. Uman qholusqakunaj almasnintapis rikullarqanitaj, pikunachus Jesusmanta, Diospa palabranmantawan willarqanku, chaykunata. Paykunaqa phiña animalta mana yupaycharqankuchu, nitaj lantintapis, nitaj frentesninkupi, nitaj makisninkupipis marcata jap'erqankuchu. Chaykunaqa kausarqanku, kamacherqankutaj Cristowan waranqa watata.

Apocalipsis 22:5

Chaypitaj tuta mana astawan kanqañachu. Manataj k'anchanaj k'anchayninta necesitanqankuñachu, nitaj intej k'anchaynintapis. Diosqa Señortaj k'anchaykonqa paykunata; wiñay wiñaypajtaj paykuna kamachenqanku.