Daniel (hebreo) 7:14 - Qheshwa Biblia DC

¹⁴ Paymantaj atiyta qorqanku, chanta k'anchayniyoj kayta, llajtasta kamachiytapis. Tukuy nacionesmanta kaj runakuna, tukuy parlaymanta kaj runakunataj payta sirverqanku. Atiynintaj kikillampuni kanqa, kamachinantaj mana jayk'ajpis t'unasqachu kanqa.

DIOSPA QHELQACHISQAN DEUTEROCANONICAL

¹⁴ Chantá payman qosqanku tukuy atiyta may jatunchasqa kananpaj, tukuy kaj chhikata kamachinanpaj ima, ajinamanta tukuy suyukunamanta kajkuna, tukuy parlayniyoj kajkuna ima kamachiyninpi kanankupaj. Chaymantapachataj wiñaypaj kamachenqa, kamachinantaj mana jayk'ajpis tukukonqachu.

DIOSPA QHELQACHISQ

¹⁴ Chantá payman qosqanku tukuy atiyta may jatunchasqa kananpaj, tukuy kaj chhikata kamachinanpaj ima, ajinamanta tukuy suyukunamanta kajkuna, tukuy parlayniyoj kajkuna ima kamachiyninpi kanankupaj. Chaymantapachataj wiñaypaj kamachenqa, kamachinantaj mana jayk'ajpis tukukonqachu.

Daniel (hebreo) 7:14 ပူးပေါင်းရင်းမြစ်များ

Salmos 102:22

Tukuy runas naciones tantakuspa, Señorta yupaychajtinku.

Salmos 103:19

Señorqa janaj pachapi tiyananta churan, rey kasqanraykutaj tukuyninta kamachin.

Salmos 145:13

Rey kasqaykeqa wiñaypaj, kamachiyniykeqa tukuy runa mitaspaj.

Salmos 146:10

Sión, Señorniykeqa wiñaypaj kamachenqa, Diosniykeqa wiñay wiñaypaj reypuni kanqa. Señorqa yupaychasqa kachun.

Salmos 45:6

Tiyanaykeqa, Diosníy, wiñaypaj. Kamachisqaykeqa cheqampuni.

Salmos 72:11

Tukuy reyes ñaupaqempi qonqorikuchunku. Tukuy nacionestaj kamachisqanta ruwanku.

Salmos 72:17

Reypa sutintaj wiñaypajpuni kachun, allin kaynintaj inti jina unaypaj kachun. Tukuy ayllus mundontimpi kajkuna, paynejta bendicisqas kachunku. Kusikuyniyojmin nispa tukuy ayllus kutichachunku.

Salmos 8:6

Makiykej ruwasqasninta kamachinampaj churarqanki, tukuy imastataj makisninman jaywarqanki:

Isaías 16:5

Chaypacha khuyakuywan kamachina tiyanata sayachenqa, chaypitaj Davidpa mirayninmanta uj rey tiyaykonqa. Payqa tukuy sonqowan cheqanchanqa, cheqan kajtataj sayachenqa, maychus kajtataj usqhayta ruwanqa.

Isaías 60:12

Chayrayku mayqen nacionchá, chayri ima llajtachá qanta mana kasuyta munanqachu chayqa, chinkachisqa, ch'inyachisqataj kanqa.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Isaías 9:7

Kamachisqanta, chanta sonqo tiyakuyta qosqampis manapuni tukukonqachu Davidpa reinompi, jinallataj paypa reinompipis. Kamachiynenqa sumaj sayasqa kanqa, cheqa kajpi, maychus kajta ruwaypitaj kunanmantapacha wiñaypajtaj. Kaytaqa Tukuy Atiyniyoj Señormin sinch'i munayninrayku ruwanqa.

Daniel (hebreo) 2:35

Chay rato ujllata chay fierropis, t'urupis, broncepis, qolqepis, qoripis ñut'usqas karqanku, imaynatachus chajra oqharina tiempopi trigo trillakojtin q'oshñilla jatarin ajinata. Chanta wayrataj oqharerqa mana imata puchuchispa. Lantita t'unaykorqa chay rumitajrí, uj jatun orqoman tukorqa, tukuynin jallp'amantaj junt'aykorqa.

Daniel (hebreo) 2:37

Tukuynin reyesmanta aswan atiyniyoj reymin qan kanki. Janaj pachapi kaj Diosqa qosunki reinota, atiyta, kallpata ima, jatumpaj qhawasqa kanaykipaj, tukuynejpi runas tiyakunku chaykunata kamachinaykipaj. Chantapis uywasta, p'isqosta, qampa makiykiman churan kamachinaykipaj. Chayrayku chay qori umaqa qan kanki.

Daniel (hebreo) 2:44

Chay reykuna kamachishajtinkutaj, janaj pachapi kaj Dios uj reinota sayarichenqa, chaytaj mana jayk'ajpis t'unasqachu kanqa manataj mayqen reinopis payta atipanqachu. Tukuynin waj reinosta tukuchenqa, chay atipaj reinotajrí wiñaypaj sayanqa.

Daniel (hebreo) 3:4

Chay lantita sayarichiyta qallarichinampaj churasqa karqa chayqa, jatunmanta qhaparispa kamacherqa: Tukuynej llajtasmanta, nacionesmanta, tukuy laya parlayniyojkunataj uyariychej, nispa.

Daniel (hebreo) 4:3

May jatuchaj kanku t'ukunapaj jina ruwasqasnin, milagro ruwasqasnimpis! Rey kaynenqa manapuni tukukonqachu, atiynintaj miraymanta waj miraynintinkama kanqa.

Daniel (hebreo) 6:26

Kaytataj kamachini, tukuynin reinoypi, Danielpa Diosnintaqa respetachunku, payllamantaj k'umuykuchunku. Paymin kausaj Diosqa. Payllapuni wiñaypaj wiñaynintinkama. Reinonqa mana jayk'ajpis t'unasqachu kanqa, nitaj atiynimpis tukukonqachu.

Daniel (hebreo) 7:18

Chay qhepatataj reinoqa, jatun atiyniyoj Diospa ayllunman qosqa kanqa, paypatataj kanqa wiñaynintimpaj.

Daniel (hebreo) 7:27

Kay jallp'api tukuynin llajtaspa reinosninku, atiyninku, jatun kayninkupis, jatun atiyniyoj Diospa ajllakusqan aylluman qopusqa kanqanku. Chay kamachinantaj wiñaypaj sayanqa, kay pachapi kaj tukuynin llajtakunataj paytaqa sirvenqanku, kasukonqankutaj.

Abdías 1:21

Chay atipajkunaqa Sión orqoman llojsenqanku chaymantapacha juzganankupaj Esaupa chay orqosniyoj lugaresnimpa contrampi, Señorlla kamachenqa.

San Mateo 11:27

Tatayqa, tukuy imata noqaman qowarqa. Mana pipis Churinta rejserqachu, Dios Tatalla rejserqa; Dios Tatatapis nillataj pipis rejserqachu, Churillan paytaqa rejserqa; pimantajchus Chureqa rejsichiyta munanman, chaylla.

San Mateo 28:18

Jesustaj qayllaykuspa, paykunata parlapayarqa: Noqa tukuy atiyniyoj kani, janaj pachapi, kay pachapipis.

San Lucas 1:33

Payqa wiñaypaj israelitasta kamachenqa, mana jayk'aj tukukuyniyoj reinompi.

San Lucas 10:22

Tukuy imata Tatay qowarqa. Mana pipis yachanchu pichus Churi kasqanta. Chaytaqa Dios Tatalla yachan. Nitaj pipis yachanchu pichus Tata kasqanta, manachayqa Churilla yachan; pimantajchus Churi rejsichiyta munan chaylla.

San Juan 12:34

Runastaj payman kuticherqanku: Noqayku leypi yacharqayku, Cristoqa wiñaypaj kausananta; imaraykutaj qan Runaj Churin oqharisqa kanqa nishanki? Pitaj chay Runaj Churinri?

San Juan 3:35

Dios Tataqa Churinta munakun; chayrayku tukuy imata makinman churarqa.

Hebreos 12:28

Chayrayku noqanchejpis mana kuyurej reinota jap'ispaña, graciasta qona, Diostataj yupaychana tukuy sonqo, jatumpitaj payta jap'ina. Chaykunata Diosqa munan.

1 Pedro 3:22

Jesucristotaj janaj pachaman riporqa, chaypitaj Diospa pañampi tiyasqa kashan. Paypa munaynimpi kanku angelkuna, kamachejkuna, atiykunapis.

Apocalipsis 1:6

Cristoqa reyesta, sacerdotestataj kamachimpaj Dios Tatampaj churawarqanchej. Payman janaj pacha k'anchay, atiytaj, wiñay wiñaypaj kachun. Amén.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Apocalipsis 17:14

Kaykunaqa Corderoj contrampi maqanakonqanku. Corderotaj paykunata atipanqa. Payqa señorkunaj Señornin, reyespa Reynintaj. Paywan kajkunarí wajyasqas, ajllasqas, junt'ajkunataj kanku.

Apocalipsis 3:21

Atipajtaqa noqawan tronoypi tiyachisaj. Noqapis atiparqani, chayrayku Tataypa tronompi tiyaykukorqani.