Daniel (hebreo) 6:20 - Qheshwa Biblia DC

²⁰ Qayllaykuspataj reyqa Danielqa wajyarqa may llakisqa, nerqataj: Daniel, kausaj Diospa sirvejnin, mana sayk'uspa sirvinki chay Diosniyki salvasuyta aterqachu leonesmantaqa?

DIOSPA QHELQACHISQAN DEUTEROCANONICAL

²⁰ 20 (21) Chantá may llakisqa qayllaykuspa, Danielta wajyarqa: Daniel, kawsaj Diospa kamachin, pitachus tukuy sonqo kasuspa yupaychanki, chay Diosniyki leonkunamanta kacharichisuyta aterqachu? nispa.

DIOSPA QHELQACHISQ

²⁰ 20 (21) Chantá may llakisqa qayllaykuspa, Danielta wajyarqa: Daniel, kawsaj Diospa kamachin, pitachus tukuy sonqo kasuspa yupaychanki, chay Diosniyki leonkunamanta kacharichisuyta aterqachu? nispa.

Daniel (hebreo) 6:20 ပူးပေါင်းရင်းမြစ်များ

Génesis 18:14

Señorpajqa kanmanchu imallapis mana ruway atinaqa? Watapaj kunan jinallataj kutimuspa watukusqayki, chaypaj Saraqa wawayojña kanqa.

1 Crónicas 16:11

Señorman qayllaykuychej, atiyninman qayllaykuychej; tukuy tiempopi Señorman qayllaykuychej.

Salmos 119:112

Tukuy sonqoywan kunanqa kamachisqasniykita junt'asaj nini, wiñaypa wiñayninkama.

Salmos 146:2

Kausanaykama Señorta yupaychasaj. Kanaykamaqa Diosniyman takisaj.

Salmos 73:23

Chaywampis, qanwampuni karqani. Paña makiymanta jap'iwarqanki.

Daniel (hebreo) 3:15

Kunanqa, kasukunkichejchu, pututu waqajtinkama, tukuy tocanasta ch'ajwarejta uyariytawankama qonqorikunkichejchu, noqa ruwacherqani chay lantitapis yupaychankichejchu? Sichus payta mana yupaychankichejchu chayqa, kunampacha uj nina larwashaj hornoman wijch'uykusqas kankichej. Chaypacha, ima diostaj qankunata salvayta atisunkichejri?

Daniel (hebreo) 3:17

Noqayku yupaychayku chay Diosniyku salvayta atiwasqayku nina larwashaj hornomanta, tukuy laya sajrata ruwayta yuyashawayku rey kayniykipi chaykunamantapis salvawasqaykupuni.

Daniel (hebreo) 6:16

Chanta reyqa kamacherqa Danielta pusamunankuta, leonespa t'oqonmantaj payta choqaykunankuta. Manaraj chay wañuypaj juchachasqan junt'akushajtin, reyqa Danielta nerqa: Sumajtapuni sirvishanki chay Diosniyki qanta salvasuchun.

Daniel (hebreo) 6:19

Sut'iyamojtinkama sayarerqa, usqhaytataj correrqa leonespa t'oqonman.

Daniel (hebreo) 6:26

Kaytataj kamachini, tukuynin reinoypi, Danielpa Diosnintaqa respetachunku, payllamantaj k'umuykuchunku. Paymin kausaj Diosqa. Payllapuni wiñaypaj wiñaynintinkama. Reinonqa mana jayk'ajpis t'unasqachu kanqa, nitaj atiynimpis tukukonqachu.

Daniel (hebreo) 6:27

Paymin salvajqa, kacharichejtaj. T'ukuna k'acha imasta rikuchin, janaj pachapi, jinallataj kay pachapipis. Paymin Danielta salvarqa leonespa sillusninmantaqa.

Oseas 12:6

Ajinaqa ari, Israel kutirikuy Diosniykiman; ruwasqasniyki kachun munakuypi cheqa kajpitaj, Diosniykipitaj confiakullaypuni.

Números 11:23

Señortaj payman kuticherqa: Atiyneyqa pisichu? Kunanqa rikunki kay parlasqayta junt'asajchus manachus chayta.

San Lucas 1:37

Diospajqa mana imapis mana atikojqa kanchu.

San Lucas 18:1

Jesustaj uj rijch'anachinawan yachacherqa, Diosmantaqa mañakunapuni kasqanta mana sayk'uspa.

Hechos 6:4

Ajinamanta noqaykoqa Diosmanta mañakuspa palabrata willaspataj kasqaykupuni.

Romanos 2:7

Allinta ruwaspa sayajkunaman wiñay kausayta qonqa; pikunachus mask'anku janaj pacha k'anchayta, jatun kayta, mana jayk'aj wañuyta ima.

2 Corintios 1:10

Dios jark'awarqayku chay jina jatun wañuymanta. Kunampis jark'awayku; suyaykutaj qhepamampis jark'anawaykuta.

Colosenses 4:2

Mana sayk'uyta Diosmanta mañakuychej, mana puñuspataj qhawaychej graciasta qospa.

2 Timoteo 1:12

Chayrayku ñak'arishani kay tukuy imaspi. Chaymantaqa mana p'enqakunichu, imaraykuchus allinta yachani pipichus creesqayta, atiyniyojtaj kasqanta waqaychanampaj chay imatachus qowasqanta jamoj p'unchaykama.

Hebreos 7:25

Chayrayku payqa atin wiñaypaj salvayta, paynejta Diosman qayllakojkunata. Payqa kausallanqapuni paykunapaj Diosmanta mañapuspa.

Santiago 1:25

Pichus allinta qhawakun chayqa allinchasqa, kacharichej leypitaj sayaykun; manataj uyarisqanta qonqapojllachu kaspa, leypa kamachisqanta junt'an chayqa, chay runaqa kusikuyniyojmin ruwasqampi.

Judas 1:24

Kunanqa yupaychay kachun atiyniyojman, pichus pay k'atalla atin mana juchayojta qankunata waqaychayta; ajinallatataj atin qankunata janaj pacha k'anchayninman mana juchayojta, may kusiywan pusayta.