Daniel (hebreo) 5:4 - Qheshwa Biblia DC

⁴ Tukuynin ujyarqanku vinota, chanta lantisninkutataj yupaycharqanku. Chay lantisninkoqa qorimanta, qolqemanta, broncemanta, fierromanta, k'aspimanta, rumimanta ima ruwasqas karqanku.

DIOSPA QHELQACHISQAN DEUTEROCANONICAL

⁴ Ajinata vinota ujyashaspataj, paykuna machasqamanta lantinkukunata jatunchasharqanku, mayqenkunachus qorimanta, qolqe metalmanta, broncemanta, fierromanta, k'ullumanta, rumimanta ima ruwasqa karqanku, chaykunata.

DIOSPA QHELQACHISQ

⁴ Ajinata vinota ujyashaspataj, paykuna machasqamanta lantinkukunata jatunchasharqanku, mayqenkunachus qorimanta, qolqe metalmanta, broncemanta, fierromanta, k'ullumanta, rumimanta ima ruwasqa karqanku, chaykunata.

Daniel (hebreo) 5:4 ပူးပေါင်းရင်းမြစ်များ

1 Reyes 1:49

Adoniaspa wajyachisqasnenqa sinch'ita mancharikorqanku, sapa ujninkutaj ñanninkutakama riporqanku.

Isaías 42:17

Pikunachus lantispi atienekojkunaqa p'enqaypi rikhurenqanku. Chay jich'asqa lantista, diosniyku kankichej nejkunaqa.

Isaías 42:8

Noqaj suteyqa Señor. Wajkunamanqa mana atiyniyta qosajchu; nitaj yupaychasqa kayniytapis lantismanqa qosajchu.

Daniel (hebreo) 1:8

Danieltaj umachakorqa, reypa mikhunanwan ujyananwantaj mana ch'ichichakuyta. Palaciopi sirvejkunaj kurajninmanta mañakorqa, reypa wakichisqa mikhunamantaqa ama payman mikhuchinankuta.

Daniel (hebreo) 4:37

Kunan ari, noqa Nabucodonosor, yupaychani, honrani, jatunchanitaj janaj pachapi kaj Reyta, imaraykuchus ruwaynenqa, cheqapuni, cheqantaj. Jatunyakojkunatataj pay k'umuykachachiyta atin.

Daniel (hebreo) 5:23

Aswampis, janaj pachapi kaj Señorpa contrampi asiykukorqanki, kamacherqankitaj templomanta vasosta orqhomunankuta, chay vasospitaj vinota ujyarqankichej wajyarakorqanki chaykunawan khuska, yupaychankitaj waj dioskunata, qorimanta, qolqemanta, broncemanta, fierromanta, k'aspimanta, rumimanta ima ruwasqa dioskunata. Chay dioskunaqa mana rikunkuchu, mana uyarinkuchu, nitaj imatapis yachankuchu. Manataj jayk'ajpis Diostaqa yupaychankichu, paypa makimpi kausayniyki kashan, tukuy ima ruwanaykipis paymanta kashan.

Daniel (hebreo) 5:3

Chay vasosta apamorqanku. Chay vasospitaj ujyarqanku rey, chanta warmisninku, paywan tantakusqas karqanku chay waj warmikunapis, jinallataj chay qhochukuman wajyasqas karqanku chaykunawan ujyarqanku.

Daniel (hebreo) 5:5

Chay rato uj runa maki rikhurimorqa, k'anchaypitaj dedonwan qelqayta qallarerqa, reypata palaciompa yuraj perqampi. Reytaj chay qelqaj makita rikuytawanqa, q'elluman tukorqa, chanta, manchachikuspa kharkatiterqa chakisninmanta umankama.

Amós 6:7

Qankuna ñaupajta presos apachisqas kankichej, ajinamanta tukukonqa sumaj mikhunasmanta ch'ajwanaykichejqa.

Habacuc 2:19

Ay!, qanmanta, imaraykuchus k'aspimanta lantista rijch'ariy ninkichej, mana parlaj rumistataj sayarikuy ninkichej. Chaykunaqa imamantapis willaykuyta atiwasunmanchu? Mana, imaraykuchus mana kausayniyojchu kanku qoriwan chayri qolqewan qhatasqas kaspapis.

Hechos 17:29

Diospa mirayninmanta kanchej chayqa, mana yuyananchejchu tiyan Diosqa rijch'akusqanta qori, qolqe, rumi lantiman ima. Chaykunaqa, runaj yuyayninman jinalla ruwasqas kanku.