Daniel (hebreo) 5:23 - Qheshwa Biblia DC

²³ Aswampis, janaj pachapi kaj Señorpa contrampi asiykukorqanki, kamacherqankitaj templomanta vasosta orqhomunankuta, chay vasospitaj vinota ujyarqankichej wajyarakorqanki chaykunawan khuska, yupaychankitaj waj dioskunata, qorimanta, qolqemanta, broncemanta, fierromanta, k'aspimanta, rumimanta ima ruwasqa dioskunata. Chay dioskunaqa mana rikunkuchu, mana uyarinkuchu, nitaj imatapis yachankuchu. Manataj jayk'ajpis Diostaqa yupaychankichu, paypa makimpi kausayniyki kashan, tukuy ima ruwanaykipis paymanta kashan.

DIOSPA QHELQACHISQAN DEUTEROCANONICAL

²³ Aswanqa janaj pachapi kaj Tukuyta Kamachej Diospa contranpi oqharikorqanki, kamacherqankitaj Templonmanta apamusqa vasokunata orqhomunankuta. Chantá chay vasokunapi warmiykikunawan, chantá waj warmiykikunawan, jinataj pikunatachus raymiman wajyarakorqanki, chaykunawan khuska vinota ujyarqankichej. Chay jawataj waj dioskunata, qorimanta, qolqe metalmanta, broncemanta, fierromanta, k'ullumanta, rumimanta ruwasqa dioskunata yupaycharqanki. Chay dioskunaqa mana rikunkuchu, manataj uyarinkuchu, nitaj imatapis yachankuchu. Diostatajrí mana jayk'ajpis yupaycharqankichu, pejpa makinpichus kawsayniyki, tukuy ruwasqayki ima kashan, chay Diosta.

DIOSPA QHELQACHISQ

²³ Aswanqa janaj pachapi kaj Tukuyta Kamachej Diospa contranpi oqharikorqanki, kamacherqankitaj Templonmanta apamusqa vasokunata orqhomunankuta. Chantá chay vasokunapi warmiykikunawan, chantá waj warmiykikunawan, jinataj pikunatachus raymiman wajyarakorqanki, chaykunawan khuska vinota ujyarqankichej. Chay jawataj waj dioskunata, qorimanta, qolqe metalmanta, broncemanta, fierromanta, k'ullumanta, rumimanta ruwasqa dioskunata yupaycharqanki. Chay dioskunaqa mana rikunkuchu, manataj uyarinkuchu, nitaj imatapis yachankuchu. Diostatajrí mana jayk'ajpis yupaycharqankichu, pejpa makinpichus kawsayniyki, tukuy ruwasqayki ima kashan, chay Diosta.

Daniel (hebreo) 5:23 ပူးပေါင်းရင်းမြစ်များ

Génesis 14:19

Bendicerqataj Abramta kay jinata nispa: Patapi kaj Dios bendicisuchun, pichus janaj pachata, kay pachatawan ruwaj;

Génesis 2:7

Chaymanta Señor Dios runata ruwarqa ñut'u jallp'amanta, senqanmantaj kausay samayta samaykorqa. Ajinamanta runaqa kausayta qallarerqa.

2 Reyes 14:10

Yachani edomitasta atipasqaykita, chaytaj sonqoykipi runaykachachishasunki. Chaywan kusikuy ari, jinapis wasillaykipi qhepakuy. Imapajtaj sajra kajta mask'akunki, qampajwan Judá llajtaykipajwanri?, nispa.

Job 12:10

Tukuy kausajkunaj kausaynenqa Diospa makimpi kashan, jinallataj tukuy runaspa kausaynimpis.

Job 31:4

Chayri Diosqa manachu imatachus ruwasqayta rikumuwan, nitaj qhawamuwanchu imaynatachus purisqaytaqa?

Salmos 104:29

Uyaykita pakanki chayqa, mancharikunku. Samayninkuta qhechupojtiykitaj wañupunku, jallp'allamantaj tukupunku.

Salmos 115:16

Janaj pachaqa Diosninchejpata, jallp'atataj runaman qorqa.

Salmos 139:3

Qan yachanki purisqayta samarikusqaytapis, yachankitaj tukuy ruwasqayta.

Salmos 146:4

Samaynin tukukun, jallp'amantaj tukunku, chay pachataj tukuy yuyasqanku chinkapun.

Proverbios 20:24

Señorpatamin runaj puriynenqa; ni pipis yachakunchu payman imaynachus rinanta.

Isaías 13:11

Señorqa nin: Kay pachata juchanmanta jasut'isaj, sajra runasta millay juchasninkumanta. Sajra runaspa machu machuykachayninkuta ch'inyachisaj; May kasqankuta yuyakojkunata k'umuykachachisaj.

Isaías 14:13

Qanqa sonqoykipi nej kanki: Cieloman wicharisaj, Diospa qoyllurkunasninmanta aswan patapi, kamachinaypaj tiyanayta churasaj orqospi, patanejpi, maypichus dioskuna tantakunku chaypi.

Isaías 2:12

Chaypachaqa Tukuy Atiyniyoj Señorpa p'unchaynin jamonqa, runaykachajkunaj contrampi, jatunmanta qhawaykachajkunaj contrampi, may kasqankuta yuyakojkunaj contrampi, chinkachisqa kanampaj;

Isaías 33:10

Señorqa nin: Kunanqa sayarikusaj; oqharisqa, may jatunchasqataj kasaj, nispa.

Isaías 37:19

Chay llajtaspa dioskunasninkutaqa ninaman enqhaykorqanku, imaraykuchus chaykunaqa cheqamanta manapuni dioskunachu karqanku, mana chayqa runaj, ruwasqallan, k'aspimanta, rumimanta ima; chayrayku chaykunataqa t'unararqanku.

Isaías 37:23

Pipaj qanqa rimankiri, pimantataj alqochakunkiri? Pejpa contrantataj chhika jatunmanta qhaparinki, jatun jatunmanta qhawaykachaspari? Israelpa Santo Diosnimpa contranta ruwanki.

Isaías 42:5

Pichus janaj pachata ruwaj, jatunman aysajtaj, kay jallp'ata ruwaj, chaypi poqojkunata ima; chay jallp'a patapi tiyaj runasman kausayta qoj; pichus chay jallp'api purejman samayta qoj, Señor Diosqa ajinata nin:

Jeremías 10:23

Señor, yachani runaqa kausayninmanta mana dueñochu kasqanta, nitaj kausaynimpi maymanchus rinantapis kamachiyta atisqanta.

Jeremías 48:26

Moabta machaykuchiychej, imaraykuchus Señorpa contrampi oqharikorqa. Chaypacha Moabqa ajtuykusqampi sunt'enqa, tukuytaj paymanta asiykukonqanku.

Jeremías 50:28

Babiloniamanta ayqempojkunaqa Sión orqoman willaspa chayamunku, imaynatachus Señor Diosninchej Babiloniaman aynita kutichisqanrayku, imaynatachus Diosta yupaychana wasita ruwasqanman jina.

Jeremías 50:29

Wajtamuychej tukuy wach'inasniyojkunata, Babiloniata jap'ej yaykunankupaj. Llajtaj tukuy muyuynimpi jarakuychej ama pipis ayqenampaj. Imatachus ruwasqasninman jina qopuychej, imaraykuchus paypis ruwasqanan jina ruwaychej. Payqa noqawan ayñanakullawampuni, noqa Israelpa Señor Santo Diosninwan.

Ezequiel 28:17

May k'achitu kasqaykirayku sonqoykipi jatunchakorqanki. May jatun k'anchayniykiwan yachayniykita, chhika millayman tukucherqanki. Noqataj jallp'aman wijch'umorqayki reykuna rikusunampaj p'enqaypi rikhurichispa.

Ezequiel 28:5

Jatun yachayniykiwan tratosta ruwaspa, kapuyniykita ashkhayacherqanki. Chay jina ashkha kapuyniykiraykutaj sonqoykipi jatunchakorqanki.

Ezequiel 31:10

Chaynejta Señorqa kay jinata nin: Chay sach'aqa chay jina jatuntapuni wiñaspa, puntampis phuyuskama taripajtin, sonqompi jatun kasqanrayku anchatapuni jatunchakorqa.

Daniel (hebreo) 11:12

Chay jinata atipasqanrayku mayta payqa jatunchakonqa, chanta may ashkha runastawanraj wañurachenqa, atiynintaj mana unaypajchu kanqa.

Daniel (hebreo) 4:37

Kunan ari, noqa Nabucodonosor, yupaychani, honrani, jatunchanitaj janaj pachapi kaj Reyta, imaraykuchus ruwaynenqa, cheqapuni, cheqantaj. Jatunyakojkunatataj pay k'umuykachachiyta atin.

Daniel (hebreo) 8:11

Janaj pachapi kajkunaj kurajnimpa contrampi ima sayaykorqa. Sapa p'unchay Diosman jaywana kajtapis chinkacherqa. Diosta yupaychana cheqatataj thuñerqa.

Habacuc 2:4

Kay jinatamin qelqanayki kashan: Sajrata ruwajkunaqa mayta runaykachanku. Chaywampis cheqan runasqa Diospi creesqankurayku kausanqanku.

Hechos 17:25

Nitaj Diosqa imapipis runaj yanapayninta suyanchu. Paytaj tukuyman kausayta qon, samayta, tukuy imastawan.

1 Corintios 8:4

Chay mikhunata lantikunaman jaywasqamantaqa, yachanchej jina, lanteqa mana imachu kay pachapeqa. Yachallanchejtaj uj k'ata Dioslla kasqanta.

1 Timoteo 3:6

Iglesiapi kamachejqa mana kananchu tiyan pichus mana unaymanta pachachu cristiano. Pajtataj jatunchakuspa, supay jina juchaman urmanman.

Hebreos 4:13

Tukuy ruwasqa kajqa, paypa ñaupaqempi, mana pakasqa kayta atinchu; astawanqa, tukuy imapis sut'i, rikusqastaj kanku paypa ñawisnimpaj, paymantaj kausayninchejmanta willakunanchej tiyan.

Apocalipsis 9:20

Chay waj runas mana wañorqankuchu chay jasut'iykunawan; nitaj chaywampis makisninkoj ruwasqasninmanta Diosman kutirikorqankuchu, supaykunata yupaycharqanku, lantistawan, qorimanta ruwasqasta, qolqemanta, broncemanta, rumimanta, k'aspismanta ima. Chaykunaqa mana qhawayta atinkuchu, nitaj uyariyta, nitaj puriytapis.

Jueces 16:23

Filisteospa kurajkunasnin tantakorqanku kusikunankupaj atipasqankumanta jinataj Dagón diosninkuman uywa ñak'asqasta jaywanankupajwan. Takerqankutaj: “Diosninchej jaywawarqanchej enemigonchej Sansonta”.

1 Samuel 17:26

Chaypacha David tapurerqa chay ladompi kajkunata: Imatataj qonqanku kay filisteo runata wañuchejman, Israelta k'umuykachachejta qhechojmanri? Pitaj kasqa Diosta mana rejsej runari, kausaj Diospa soldadosnimpa contrampi sayaykojri?, nispa.

1 Samuel 17:36

Ajinata kay kamachiykeqa wañuchej leontapis, chayri osotapis. Kay Diosta mana rejsej runatapis kikillantataj ruwasaj, kausaj Diospa soldadosnimpa contrampi sayaykusqanrayku.