Daniel (hebreo) 5:22 - Qheshwa Biblia DC

²² Belsasar, qantaj Nabucodonosorpa wawan kashaspa, allinta yachashaspataj imakunachus payman jamusqankuta, mana llamp'u sonqoyojchu kausarqanki.

DIOSPA QHELQACHISQAN DEUTEROCANONICAL

²² Qantajrí, kuraj kamachej Belsasar, Nabucodonosorpa churin kashaspa, tataykiwan imachus kasqanta yacharqanki. Chaywanpis mana k'umuykorqankichu.

DIOSPA QHELQACHISQ

²² Qantajrí, kuraj kamachej Belsasar, Nabucodonosorpa churin kashaspa, tataykiwan imachus kasqanta yacharqanki. Chaywanpis mana k'umuykorqankichu.

Daniel (hebreo) 5:22 ပူးပေါင်းရင်းမြစ်များ

2 Crónicas 33:23

Manataj Señorpa ñaupaqempeqa k'umuykukorqachu imaynatachus tatan Manasés k'umuykukorqa jinataqa, manachayqa aswan juchasta yapaykukorqa.

2 Crónicas 36:12

Ruwasqasnenqa mana walejkunachu karqa Diospa ñaupaqempi. Profeta Jeremiaspa ñaupaqempi mana k'umuykukorqachu Señorpa palabranta payman parlashajtin.

Salmos 119:46

Kamachisqasniykimanta reyespa ñaupaqempi, mana p'enqakuspa parlasaj.

Éxodo 10:3

Chaymantaqa Moiseswan Aaronwan rispa faraonman willamorqanku: Ajinata nimusunki Señorqa, hebreospa Diosnin: Mayk'ajkamataj mana sonqoykita ñaupaqeypi llamp'uyachinkichu? Saqellayña israelitasniy llojsinankuta noqata yupaychanawankupaj.

Isaías 13:11

Señorqa nin: Kay pachata juchanmanta jasut'isaj, sajra runasta millay juchasninkumanta. Sajra runaspa machu machuykachayninkuta ch'inyachisaj; May kasqankuta yuyakojkunata k'umuykachachisaj.

Isaías 14:13

Qanqa sonqoykipi nej kanki: Cieloman wicharisaj, Diospa qoyllurkunasninmanta aswan patapi, kamachinaypaj tiyanayta churasaj orqospi, patanejpi, maypichus dioskuna tantakunku chaypi.

Isaías 26:10

Sajra runasta khuyanki chaypis, paykunaqa mana yachankuchu imachus cheqan kajtaqa; allinta ruwaj runaspa jallp'ampi paykunaqa sajra imasta ruwanku. Paykunaqa Señorqa jatun kayninta mana reparankuchu.

Daniel (hebreo) 5:18

Tukuy Atiyniyoj Dios, Nabucodonosor tataykiman qorqa reinota, jatun atiyta, gloriata, jatumpaj qhawasqa kayta ima.

San Mateo 14:4

Juanqa Herodesman nerqa: Mana atinkichu warmiykipaj jap'ikapuyta.

San Mateo 21:32

Juanqa ñaupajta jamorqa cheqa kajta yachachej. Qankunataj paypa nisqanta mana creerqankichejchu. Impuestota orqhojkunataj, millay puriyniyoj warmis ima, payta creerqanku. Qankunarí, kay imasta rikushaspapis manapuni creerqankichejchu, Diosman kutirikunaykichejpaj.

San Lucas 12:47

Jaqay kamacheqa patronnimpa munayninta yachashaspa mana wakichikorqachu, nitaj munayninta ruwarqachu; chayrayku manchay jasut'isqa kanqa.

San Juan 13:17

Chay imastachus entiendespa ruwayta yachankichej chayqa, kusikuyniyoj kankichej.

Santiago 4:17

Pichus yachan allinta ruwana kasqanta, yachashaspataj mana ruwanchu chayqa, juchallikun.

Santiago 4:6

Payqa astawan khuyakuwanchej. Chayrayku escrituras nin: Diosqa jatunchakojkunata qhesachan, k'umuykukojkunatataj yanapan.