Daniel (hebreo) 5:21 - Qheshwa Biblia DC

²¹ Runakunamanta karunchasqa karqa, uj uywaman jinataj tukorqa, k'ita burroswan khuska kausarqa. Wakas jina qhorata mikhorqa, chhullastaj payta joq'orqa, rejsinankama patapi kaj Dioslla atiyniyoj kasqanta kamachej runakunaj patampi, kamachejkunata churasqantataj pitachus munasqanta.

DIOSPA QHELQACHISQAN DEUTEROCANONICAL

²¹ Runakuna chawpimanta qharqosqa karqa. Yuyayninpis uywaj yuyayninman jina tukorqa, k'ita burrokunawan khuskataj kawsarqa. Buey jina qhorata mikhorqa, chhullataj payta joq'orqa. Ajina karqa rimarinankama: Patapi Kaj Diosllamin tukuy atiyniyoj tukuy suyukunata kamachinanpaj. Jinallataj payllamin pitachus munasqanta churan runakunata kamachinanpaj, nispa.

DIOSPA QHELQACHISQ

²¹ Runakuna chawpimanta qharqosqa karqa. Yuyayninpis uywaj yuyayninman jina tukorqa, k'ita burrokunawan khuskataj kawsarqa. Buey jina qhorata mikhorqa, chhullataj payta joq'orqa. Ajina karqa rimarinankama: Patapi Kaj Diosllamin tukuy atiyniyoj tukuy suyukunata kamachinanpaj. Jinallataj payllamin pitachus munasqanta churan runakunata kamachinanpaj, nispa.

Daniel (hebreo) 5:21 ပူးပေါင်းရင်းမြစ်များ

Job 39:5

K'ita burrota pitaj kacharisqata uywanri? Pitaj nin jina gustonkupi purinankutari?

Ezequiel 17:24

Tukuynin sach'as kajkuna yachanqanku noqa Señor kasqayta, jatunchakoj sach'asta noqa urmachisqayta, juch'uypaj qhawasqa sach'atataj wiñachisqaytataj, q'omer sach'ata ch'akichisqayta, ch'akisqa sach'achatataj q'omeryachisqayta. Noqa Señormin nini, junt'asajtaj.

Daniel (hebreo) 4:17

Chay jina ruwakunanta kamachinku allinta qhawaj santo angelkunaqa, tukuyninku runakuna yachanankupaj jatumpi kaj Diosqa atiyniyoj kasqanta llajtata kamachinku chaykunaj patampi; pay atiyninta qosqanta kamachinampaj pimanchus qoyta munasqanman; uj naciompi kuraj kanampajtaj churasqanta aswan pisi yachayniyoj runata.

Daniel (hebreo) 4:22

Wiñarqa atiyniyojtaj karqa chayqa, qan rey, kanki chay sach'aqa. Rey kasqaykipi jatunyasqaykeqa yapakun janaj pachaman chayanankama, kamachisqaykitaj tukuynin jallp'api, uj cantomanta ujnin cantokama jatunyan.

Daniel (hebreo) 4:25

Reyníy, runakunamanta t'aqasqa kanki, animalkunawantaj kausanki. Qhorasta mikhunki bueyes jina, chhullataj cuerpoykita joq'onqa. Ajinata kausanki qanchis watas junt'ata, rejsinaykikama patapi kaj Dios atiyniyoj kasqanta, llajtakunata kamachishanku tukuy chaykunaj patampi kasqanta, paytaj churasqanta kamachinankupaj munayninman jina.

Daniel (hebreo) 4:26

Sach'a k'ulluta saphisnintawan saqenapaj kamachisqaqa niyta munan, rey kayniykeqa kutimpusunanta, maypachachus rejsinki Dioslla atiyniyoj kasqanta chaypacha.

Daniel (hebreo) 4:34

Jasut'i p'unchaykuna junt'akojtin, noqa Nabucodonosorqa, janaj pachata qhawarerqani, loco kayniymantataj thañisqa kasqayta reparakorqani. Chaypacha, Jatun Diosta yupaycharqani, kay palabraswantaj wiñaypaj kausayniyojta jatuncharqani: Paypa atiynenqa wiñaypajpuni. Llajtakunata kamachinantaj miraypa miraynintimpaj kanqa.

Daniel (hebreo) 4:35

Paypa ñaupaqempi mana imapis kankuchu kay jallp'a patapi tukuy tiyakojkunaqa. Pay ruwan munayninman jina, janaj pachapi, jinallataj kay pachapipis. Mana pipis kanchu Diospa atiyninman sayaykojqa, manallataj pipis payta tapurinmanchu, imarayku jinata ruwanki?, nispa.

Daniel (hebreo) 4:37

Kunan ari, noqa Nabucodonosor, yupaychani, honrani, jatunchanitaj janaj pachapi kaj Reyta, imaraykuchus ruwaynenqa, cheqapuni, cheqantaj. Jatunyakojkunatataj pay k'umuykachachiyta atin.

Daniel (hebreo) 5:18

Tukuy Atiyniyoj Dios, Nabucodonosor tataykiman qorqa reinota, jatun atiyta, gloriata, jatumpaj qhawasqa kayta ima.