Daniel (hebreo) 4:27 - Qheshwa Biblia DC

²⁷ Chayrayku, kay nisusqayta kasuway: Rey kayniykipi cheqanta ruway, amataj aswan juchalliychu. Sajra kausayniykita saqespa, pisipachikoj wajcha runakunata yanapay. Ichapis ajinamantaqa kausakunki mana ima llakiyniyoj, tukuy imapipis allillan risonqa aswan unaykamataj.

DIOSPA QHELQACHISQAN DEUTEROCANONICAL

²⁷ 27 (24) Chayrayku kamachejníy, yuyaychasqayta kasuway: Kamachej jina cheqanta ruway, amataj astawan juchalliychu. Mana allin kajta ruwayta saqespa, wajcha runakunamanta khuyakuy. Ichapis ajinamanta astawan unayta mana ima llakiyniyoj kawsakunki, tukuy imapipis allillan risonqa, nispa.

DIOSPA QHELQACHISQ

²⁷ 27 (24) Chayrayku kamachejníy, yuyaychasqayta kasuway: Kamachej jina cheqanta ruway, amataj astawan juchalliychu. Mana allin kajta ruwayta saqespa, wajcha runakunamanta khuyakuy. Ichapis ajinamanta astawan unayta mana ima llakiyniyoj kawsakunki, tukuy imapipis allillan risonqa, nispa.

Daniel (hebreo) 4:27 ပူးပေါင်းရင်းမြစ်များ

Génesis 11:4

Chaymantataj ninakorqanku: Kunanqa ruwanachej uj llajtata, uj torretawan, chay janaj pachaman chayanampaj. Ajinamanta noqanchej sumaj atiyniyoj nisqas kananchejpaj, amataj tukuynejman ch'eqerananchejpaj.

Salmos 119:46

Kamachisqasniykimanta reyespa ñaupaqempi, mana p'enqakuspa parlasaj.

Proverbios 11:2

Jatunchakoyqa mana allimpi qhawasqa kayta apamun; yachaytajrí llamp'u sonqoyojkunapi kashan.

Proverbios 16:6

Juchataqa, munakuywan cheqa kaywantaj perdonana; Señorta manchachikuspataj runaqa juchamanta t'aqakun.

Proverbios 28:13

Pichus juchanta pakajtaqa mana allinchu renqa, pichus juchanta willakojqa, chaymanta t'aqakojtaj khuyakuyta tarenqa.

Isaías 10:13

Asiria rey nisqanrayku kaytaqa kallpaywan ruwani yachayniywan ruwani yuyayniyoj kasqayrayku; nacionespa jallp'asninkuta qhechuni, tukuy kapuyninkuta qhechumuni, reyesninkutapis may wapu kayniywan atiparparini.

Isaías 47:10

Qanqa sajra ruwasqasniykiman atienekuspa nerqanki: Mana pipis rikuwanchu, nispa. Qantaqa imatachus yachasqaykiwan, yachaynillaykiwantaj ch'aukiyasunku. Qantaj sonqoykipi nerqanki: Noqalla kani. Noqamanta astawan wajqa mana kanchu.

Isaías 47:8

Chayrayku, kunanqa uyariy kayta, k'anchilla warmi. Kamachinaykipi kunanqa sumaj sumajta tiyarishanki, sonqoykipitaj nishayki: Noqalla kani. Noqamanta astawan wajqa mana kanchu. Mana noqaqa viudachu kasaj, manataj wawasniypis wañonqankuchu, nispa.

Jeremías 29:7

Llank'aychej, maypichus wijch'usqas karqankichej chay llajtaj allinnimpaj, chay llajtaraykutaj Señormanta mañapuychej, imaraykuchus llajta allimpi kajtenqa qankunapis allillampitaj kankichej.

Jeremías 38:20

Jeremías kuticherqa: Jinapis jatun reyníy, mana paykunaj makinkuman urmankichu. Kasukuy reyníy, Señorpa nisqanta noqaqa willayki. Allinmin risonqa, kausayniykitataj salvanki.

Ezequiel 18:7

Mana pitapis ñak'arichinchu, manunman prenda saqesqanta qopun, mana pimantapis suwanchu, yarqhachikojman t'antata qon, mana p'achayojmantaj pachallichin.

Ezequiel 29:3

Kunanqa kay jinata parlay: Señorqa kay jinata nin: Egipto llajtapi kamachej faraón, sierpe, mayusniyki chaupipi winkhuraj, nishankitaj: Nilo mayoqa noqajta, noqa ruwarqani, nispa. chayrayku noqaqa contraykipi sayarini.

Ezequiel 29:9

Egipto jallp'aqa ch'inyachisqa kanqa, ch'in pampaman tukuchisqataj. Chantá runas yachanqanku noqa Señor kasqayta, Qantaj nerqanki: Nilo mayoqa noqajta, noqa ruwarqani, nispa.

Joel 2:14

Ichapis yuyaychakunman qankunata mana jasut'iyta, aswantataj bendicionninta apachimusunkichejman. Ajinamanta poqoj granosmanta, vinomantataj ofrendasta Tukuy Atiyniyoj Diosniykichejman jaywanaykichejpaj.

Amós 6:13

Qankunaqa qhasi mana kajta kusikunkichej: Atiytaqa kallpanchejwan tarinchej, nispa.

Jonás 3:9

Ichapis Diosninchej jinamanta juchasninchejta pampachanman, k'ajaj phiñakuynintaj tiyaykunaman, jinamanta mana wañusunchu, nispa.

Habacuc 1:11

Jatun muyoj wayra jina pasanku, rejsinkutaj kallpallankuta uj diosninkuta jina.

Sofonías 2:15

Chaymin jatunchakoj llajtaqa, paykunallaman confiakuspa kausarqanku, nerqankutaj: Mundontimpi mana waj llajta noqanchej jina atiyniyojqa kanchu. Kunanrí, imaraykutaj ch'impacha, k'ita animalespa puñunankutaj tarikunri? Chayninta pasajkunaqa silbarispa qhesachaspataj qhawarenqanku.

San Mateo 3:8

Allinta kausaychej ari, Diosman kutirikusqaykichejmanta poqoyta rikuchispa.

San Lucas 11:41

Kapuyniykichejmanta wajchasman qoychej. Tukuy imaykichejtaj llimphu kanqa.

Hechos 24:25

Pablota parlajta uyarispataj cheqan kajta ruwanamanta, ama qhenchachakunamanta, jamoj juicio p'unchaymanta ima, Felixqa mancharikorqa, Pablotataj nerqa: Kunanqa ripullayña, waj p'unchaypi wajyachillasqaykitaj.

Hechos 26:20

Damascopiraj willayta qallarerqani, chaymantá Jerusalempi, qhepantataj tukuy Judeapi; chaymantarí gentiles ukhupi ima, paykuna sajra kausayta saqespa Diosman kutirikunankuta; sumaj ruwanasta ruwaspa rikuchinankupaj Diosman kutirisqankuta.

Hechos 8:22

Chay juchaykita saqespa Diosman kutiriy, Señormanta mañakuspa, ichapis sonqoykipi sajra yuyayniykita pampachapusonqa.

2 Corintios 5:11

Chayrayku noqayku Señorta rejsiyku manchachikuna kasqanta, runasmantaj Willayku unanchachiyta munaspa. Chaywampis, Dios yachan pichus kasqaykuta. Jinallataj suyani qankunapis yachanaykichejta concienciaykichejman jina.

Gálatas 5:13

Qankunaqa hermanos, libres kanaykichejpaj wajyasqas kankichej, amataj aychaj munaynimpajchu kachun, manachayqa ujkuna ujkuna yanapanakuychej munakuywan.

Gálatas 5:22

Espíritoj ruwasqasninrí kaykuna: Munakuy, kusiy, sonqo tiyasqa kay, pacienciayoj kay, khuyakuy, k'acha kay, fe, llamp'u sonqo kay, maychus kajta kausakuy ima. Kaykunaj contrampeqa mana ima leypis kanchu.

Gálatas 5:6

Cristo Jesuspeqa ni mayqen allinchu ni circuncidasqapis kay, nitaj mana circuncidasqapis. Manachayqa creeylla, maykenchus tukuy imata munakuynejta ruwan.

Efesios 4:28

Pichus suwajqa, amaña suwachunchu; manachayqa makinwan allin kajta llank'achun, mana kapuyniyojman imachus pisisqanta qonampaj.

Deuteronomio 24:13

Inti chinkaykuyta prendanta qopunkichejpacha, p'achanwan qhataykukuspa allinta puñukunampaj. Paytaj bendicisonqachej. Chay ruwasqaykichejtaj Señor Diosniykichejpa ñaupaqempi allimpaj qhawasqa kanqa.

Deuteronomio 32:27

Chaytari mana ruwayta atinichu, enemigosniy wapuykachaspa ama ninankupaj: Mana Señorchu kaytaqa ruwashan, manachayqa noqanchej kaytaqa atiyninchejwan ruwashanchej, nispa.

Deuteronomio 8:17

Ama sonqoykichejpi yuyankichejchu: Noqanchejpa atiyninchejrayku sumajta llank'asqanchejrayku kay tukuy qhapajyayqa tiyapuwanchej, nispa.

1 Pedro 4:8

Ñaupajtaqa qankuna ukhupi munakuy kachun, imaraykuchus munakoyqa ashkha juchata pampachan.