Daniel (hebreo) 4:19 - Qheshwa Biblia DC

¹⁹ Chantá Danielqa, pitachus suticharqanku Beltsasar nisqata, pay uj ratota t'ukurerqa, umanman yuyaykuna jamojtin may maycharisqa karqa. Noqa reytajrí, payta nerqani: Beltsasar, ama llakikuychu chay mosqoyniymantaqa, ni sut'inchayninmantapis. Beltsasartaj kutichispa nerqa: Way, mosqoyniykipi imatachus niyta munan chay tukoyqa urmachun pikunachus chejnisunku chaykunaj patanman!

DIOSPA QHELQACHISQAN DEUTEROCANONICAL

¹⁹ 19 (16) Chantá Beltsasar sutiwan sutichasqa Daniel t'ukushaj qhepakorqa, tukuy imaymana yuyaykuna umanman jamojtintaj, mayta mancharikorqa. Noqa Nabucodonosortajrí, payta nerqani: Beltsasar, mosqokusqay imatachus niyta munasqanmanta ama manchariychu, nispa. Chantá Beltsasar kutichispa, niwarqa: Ay wiraqochíy, mosqokusqayki imatachus niyta munasqanqa qanta chejnisojkunapaj kachun.

DIOSPA QHELQACHISQ

¹⁹ 19 (16) Chantá Beltsasar sutiwan sutichasqa Daniel t'ukushaj qhepakorqa, tukuy imaymana yuyaykuna umanman jamojtintaj, mayta mancharikorqa. Noqa Nabucodonosortajrí, payta nerqani: Beltsasar, mosqokusqay imatachus niyta munasqanmanta ama manchariychu, nispa. Chantá Beltsasar kutichispa, niwarqa: Ay wiraqochíy, mosqokusqayki imatachus niyta munasqanqa qanta chejnisojkunapaj kachun.

Daniel (hebreo) 4:19 ပူးပေါင်းရင်းမြစ်များ

Génesis 31:35

Jinajtintaj Raquelqa tatanman nerqa: Tatáy, ama phiñakuychu, ñaupaqeykipi mana sayarisqaymanta, kunan killay jamushawan, chayrayku mana jatariyta atinichu. Jinamanta Labanqa lantisninta mask'aspa manapuni tarikaporqachu.

Génesis 40:12

Josetaj nerqa: Chay mosqoyniykeqa niyta munan: Kinsa ramasnenqa kinsa días; kinsa diamantawan faraón umaykita oqharisonqa, niyta munan, ñaupaj imatachus ruwarqanki chayllamantaj kutiykuchisonqa, jinamanta ujtawan faraonman vinota jaywallankitaj.

1 Reyes 18:7

Abdiastaj ñanta rishaspa, Eliaswan tinkukorqa; payta rejsispataj pampaman k'umuykurorqa, nerqataj: Manachu qanqa wiraqochiy Elías kanki?

Éxodo 32:32

Noqa mañakuyki paykunaj juchankuta pampachanaykita, mana chay juchankuta pampachanki chayqa, kunampacha libroykipi escribisqayki sutiyta orqhopuway.

Jeremías 29:7

Llank'aychej, maypichus wijch'usqas karqankichej chay llajtaj allinnimpaj, chay llajtaraykutaj Señormanta mañapuychej, imaraykuchus llajta allimpi kajtenqa qankunapis allillampitaj kankichej.

Jeremías 4:19

Nanaywan q'ewiykachakuni; sonqoy aswan sinch'ita tiseqeyarin. Sonqoy t'impushan, mana ch'in kakuymanchu. Pututoj waqayninta uyarini, maqanakupi qhaparqachaytawan.

Daniel (hebreo) 1:7

Palaciopi sirvejkunaj kurajninkutaj paykunata waj sutiswan suticharqa: Danieltaqa Beltsasar nisqata, Ananiastarí Sadrac nisqata, Misaelta Misac nisqata, Azariastataj Abed-nego nisqata.

Daniel (hebreo) 2:26

Chaypacha reyqa, Beltsasar nisqata suticharqanku chay Danielta nerqa: Qan atiwajchu niwayta imatachus mosqokusqayta, chay mosqoyniytaj imatachus niyta munasqanta?, nispa.

Daniel (hebreo) 2:37

Tukuynin reyesmanta aswan atiyniyoj reymin qan kanki. Janaj pachapi kaj Diosqa qosunki reinota, atiyta, kallpata ima, jatumpaj qhawasqa kanaykipaj, tukuynejpi runas tiyakunku chaykunata kamachinaykipaj. Chantapis uywasta, p'isqosta, qampa makiykiman churan kamachinaykipaj. Chayrayku chay qori umaqa qan kanki.

Daniel (hebreo) 4:24

Kayqa niyta munan, reyníy, contraykipi patapi kaj Dios kay jasut'ita wakichisqanta.

Daniel (hebreo) 5:12

Pitachus reyqa suticharqa Beltsasar nisqata chay Danielpi, tukuy atiyniyoj espíritu karqa, tukuy imata rejsinampaj, mosqoykunapis imatachus niyta munasqanta yachanampajtaj. Chanta, mana yachay atina palabrasta sut'inchanampaj, pejtusqa imasta allichanampajtaj. Chayrayku reyqa Danielta kunan wajyachimuchun, paytaj sut'inchanqa chay perqapi qelqasqa palabras imatachus niyta munasqanta.

Daniel (hebreo) 5:18

Tukuy Atiyniyoj Dios, Nabucodonosor tataykiman qorqa reinota, jatun atiyta, gloriata, jatumpaj qhawasqa kayta ima.

Daniel (hebreo) 5:19

Payman atiyta qosqanrayku, tukuy ayllusmanta, nacionkunamanta, tukuy laya parlayniyoj runakuna payman k'umuykorqanku, kharkatiterqankutaj paypa ñaupaqempi. Paytaj wañucherqa chayri, kausananta saqerqa pitachus munasqanta. Wakinta jatuncharqa, wakintataj k'umuykachacherqa.

Daniel (hebreo) 7:15

Noqa Daniel, reparakorqani manchachikorqanitaj. Chay tukuyta rikusqaymanta llakikuspa, qayllaykorqani, chaynejpi sayarasharqanku chaykunaman, paykunamanta ujnin kajmanta mañakorqani, chay tukuy rikusqasniyta sut'inchanawanta. Paytaj sut'inchanawampaj uyariwarqa, niwarqataj: Kay tawantin jatuchej fiero animalkunaqa, tawa reykuna kanku, paykunataj mundontimpi runakunata apaykachanqanku.

Daniel (hebreo) 7:28

Kaypi tukukun chay parlawasqanqa. Noqa Danieltaj, may llakisqa tarikorqani, uyaypis waj jinaman tukorqa, manataj pimampis willarqanichu kay rikusqaytaqa.

Daniel (hebreo) 8:27

Noqa Danieltaj, reparakorqani kallpay pisiyawasqanta, ashkha p'unchaykunataj onqosqa tarikorqani. Chaymanta jatarikuspa uyarillarqanipuni nacionta kamachejpa ruwanasninmanta. Noqataj mayta t'ukusharqani chay jinata rikusqaymanta, mana unanchayta atispa.

Habacuc 3:10

Orqosqa kharkatitinku rikususpa, parapis patamanta ima jina jich'akun, chantá mama qochaj ukhu pachampis manchayta ch'ajwarin patampi jatuchej olas oqharikojtin.

1 Samuel 1:15

Mana jinachu, wiraqochíy, nispa Anaqa kuticherqa: Mana ujyarqanichu ima vinotapis, nitaj poqosqa ujyanastapis, manachayqa sinch'i llakisqa kashani; chay llakiyniytataj Señorpa ñaupaqempi waqashani sonqoy tiyaykunampaj.

1 Samuel 24:8

Chay ratopacha Davidqa qhepanta jusk'umanta llojsimuspa qhaparerqa: Reyníy, reyníy!, nispa. Saul qhepaman qhawarejtintaj Davidqa tukuy munakuywan pampaman k'umuykorqa.

1 Samuel 26:15

Davidtaj kuticherqa: Manachu qanqa kanki, pitachus Israel ukhupi ni pitawan kikinchachiyta atinapaj jina runa? Imaraykutaj mana jark'arqankichu Señor reyniykitari? Kay llajtamanta uj runa, wañuchiyta munaspa jaraman yaykumorqa.

1 Samuel 3:17

Elitaj taporqa: Imatataj Señorqa nisorqari? Mañayki mana uj chhikanta pakarispa willanawaykita. Sichus Señor nisusqanmanta imata pakawanki chayqa, Dios sinch'ita jasut'isuchun!