Daniel (hebreo) 4:17 - Qheshwa Biblia DC

¹⁷ Chay jina ruwakunanta kamachinku allinta qhawaj santo angelkunaqa, tukuyninku runakuna yachanankupaj jatumpi kaj Diosqa atiyniyoj kasqanta llajtata kamachinku chaykunaj patampi; pay atiyninta qosqanta kamachinampaj pimanchus qoyta munasqanman; uj naciompi kuraj kanampajtaj churasqanta aswan pisi yachayniyoj runata.

DIOSPA QHELQACHISQAN DEUTEROCANONICAL

¹⁷ 17 (14) Diospa angelninkuna ajina kananta kamachinku, tukuy runakuna yachanankupaj janaj pachapi kaj Tata Dios tukuy suyukunata kamachinanpaj atiyniyoj kasqanta. Yachallachunkutaj paymin kamachina atiyta qosqanta, pimanchus qoyta munasqanman, jinallataj uj suyupi kuraj kaj kananpaj churasqanta aswan pisipaj qhawasqa runata, nispa.

DIOSPA QHELQACHISQ

¹⁷ 17 (14) Diospa angelninkuna ajina kananta kamachinku, tukuy runakuna yachanankupaj janaj pachapi kaj Tata Dios tukuy suyukunata kamachinanpaj atiyniyoj kasqanta. Yachallachunkutaj paymin kamachina atiyta qosqanta, pimanchus qoyta munasqanman, jinallataj uj suyupi kuraj kaj kananpaj churasqanta aswan pisipaj qhawasqa runata, nispa.

Daniel (hebreo) 4:17 ပူးပေါင်းရင်းမြစ်များ

1 Reyes 21:25

Cheqamantapuni mana ujpis karqachu Acab jinaqa sajrallatapuni ruwaspa Señorpa ñaupaqempi enqhaykukojqa; imaraykuchus Jezabel warmin paytaqa ruwachicherqa.

2 Crónicas 28:22

Chay jina llakiywan mat'isqa kashaspapis, Señorpa contrampi juchallillarqapuni. Ajina rey Acazqa karqa.

Salmos 103:19

Señorqa janaj pachapi tiyananta churan, rey kasqanraykutaj tukuyninta kamachin.

Salmos 12:8

Sajra runasqa tukuynejta muyuykachanku, mundontintaj sajra runastaqa jatunchanku.

Salmos 9:16

Señorqa runaswan rejsichikun, cheqanta ruwaspa. Sajra runataj kikin ch'ipa ruwasqallanwantaj ch'ipaykuchikun.

Éxodo 9:16

Chaywampis cheqamanta churayki, qampi atiyniyta rikuchinaypaj, qannejta sutiy willasqa kanampaj tukuy mundontimpi.

Isaías 6:3

Purajmantataj ninakorqanku: Santo, santo, santo Tukuy Atiyniyoj Señorqa; tukuy kay pachaqa lliphipiyninwan junt'a kashan, nispa.

Isaías 6:8

Chaymantataj Señorta nishajta uyarerqani: Pitataj kachasajri? Pitaj palabrasniykuta willamonqari?, nispa. Chantá noqataj nerqani: Kaypi kani Señor, noqata kachaway ari, nispa.

Ezequiel 25:17

Paykunamantaqa aynita ruwaspa ruwakusaj. K'ajaj phiñakuywan paykunata jasut'isaj. Chay jinata ruwajtiy chaypacharaj noqa Señor kasqayta rejsiwanqanku.

Ezequiel 7:24

Noqa Señor waj nacionesmanta sajra runasta pusamusaj, paykuna llajtapi wasista jap'ikaponqanku. Atiyniyojkunaj jatunchakuyninta chinkachisaj, yupaychanasninku cheqastataj mana allinman tukuchisaj.

Daniel (hebreo) 11:21

Paypa cuentanmantataj uj millay runa sayarenqa, paytaj mana reypaj jina qhawasqachu kanqa. Chaytaj sajra yuyayninta mana sut'inchaspalla ch'aukiyaywan rey kanampaj sat'ikonqa.

Daniel (hebreo) 2:21

Paymin tiemposta, watastapis waj jinaman tukuchin, reyesta qhechun sayachinta. Yachayta qon yachayniyojkunaman, aswan rejsiytataj tukuy imata rejsejkunaman.

Daniel (hebreo) 4:2

Munani qankuna yachanaykichejta, chay chhika t'ukuna imasta may jatumpi kaj Diosqa noqawan ruwasqanta.

Daniel (hebreo) 4:25

Reyníy, runakunamanta t'aqasqa kanki, animalkunawantaj kausanki. Qhorasta mikhunki bueyes jina, chhullataj cuerpoykita joq'onqa. Ajinata kausanki qanchis watas junt'ata, rejsinaykikama patapi kaj Dios atiyniyoj kasqanta, llajtakunata kamachishanku tukuy chaykunaj patampi kasqanta, paytaj churasqanta kamachinankupaj munayninman jina.

Daniel (hebreo) 7:25

Jatun atiyniyoj Diospa contranta rimanqa, Diospa ayllunta ñak'arichispa chinkachinayanqa. Diospa kamachiyninta, fiestastapis waj jinaman tukuchiyta munanqa. Diospa aylluntaj makimpi kanqa, kinsa tiempos khuskanniyojkama.

Romanos 13:1

Tukuy runakunaqa kamachejkunata kasuchunku; imaraykuchus ateyqa Diosllamanta jamun, kamachejkunapis Diospa churasqallantaj kanku.

1 Timoteo 5:21

Kayta kamachiyki Diospa ñaupaqempi, Señor Jesucristoj ñaupaqempipis, ajllasqa angelespa ñaupaqempi ima. Kay imasta jallch'anaykita munani ama ñaupajmantapacha pitapis sajrapaj qhawaspa, nitaj pimampis kutikuspa.

Apocalipsis 4:8

Chay tawantin animalesqa sapa ujninku sojta lijrasniyoj muyuyninkupi, tukuy ukhunkupitaj ñawiswan junt'asqas karqanku; manataj tuta p'unchay samajchu kanku, nispa: Santo, Santo, Santo, Señor Dios Tukuy Atiyniyoj, pichus karqa, kantaj, jamonqataj.

1 Samuel 2:8

Dioslla wajchastaqa pampamanta oqharin, mañakoj runatapis q'opamantaña orqhomun, wiraqochi runastawan tiyaykuchinampaj, uj sumajpaj qhawasqa tiyanasta qonampaj, imaraykuchus Señorllamin dueñoqa, kay jallp'aj ura chukusninmanta, chaykunamantaj kay pachata churaykorqa.