Daniel (hebreo) 4:1 - Qheshwa Biblia DC

¹ Noqa rey Nabucodonosorqa, munani tukuynin runakuna sonqo tiyaykusqa kanankuta, chanta ñaupajmantaj rinankuta, tukuy llajtakunamanta, nacionkunamanta kajkuna, tukuy laya parlayniyojkunataj.

DIOSPA QHELQACHISQAN DEUTEROCANONICAL

¹ 1 (3.31) Kuraj kamachej Nabucodonosor uj cartata qhelqachispa, tukuynin kamachisqan suyukunaman apacherqa. Kay jinata chay cartapi willarqa: Noqa kuraj kamachej Nabucodonosor tukuy suyukunapi tiyakojkunata napaykuykichej: Qankunapaj allin kawsay kachun, nispa.

DIOSPA QHELQACHISQ

¹ 1 (3.31) Kuraj kamachej Nabucodonosor uj cartata qhelqachispa, tukuynin kamachisqan suyukunaman apacherqa. Kay jinata chay cartapi willarqa: Noqa kuraj kamachej Nabucodonosor tukuy suyukunapi tiyakojkunata napaykuykichej: Qankunapaj allin kawsay kachun, nispa.

Daniel (hebreo) 4:1 ပူးပေါင်းရင်းမြစ်များ

1 Crónicas 12:18

Chaypacha chay kinsa chunka runaspa kamachejninku Amasaiman Espíritu jamorqa, paytaj qhaparerqa: Isaej wawan David qanwan sonqo tiyasqa kay kachun! Sonqo tiyasqa kay qampi kachun! Sonqo tiyasqa kay qanwan kachun, jinataj yanapasojkunawampis, qanta Dios yanapasusqanrayku! Davidtaj paykunata jap'erqa soldadosnimpa kamachejkunamantaj tukucherqa.

Esdras 4:17

Chaypacha rey Artajerjesqa, kutichispa qelqarqa kay jinata: Rahum kamachej, Simsai qelqaj, chanta, Samariapi tiyakunku chay wakin kamachej masisniykita, jinallataj Eufrates mayoj inti yaykuynimpi tiyakojkunatapis, napaykamuykichej.

Esdras 5:7

Chay cartapitaj nerqanku: Rey Darío, qanta napaykamuyku, walejlla kanaykita munaspa. Kayta willamuyku qanman: Judá jallp'asta watumuyku, jatun Diospa wasintapis riyku. Chay waseqa mosojmanta ruwakushan, jatuchaj sumaj ch'eqosqa rumiswan. Kunanqa perqasman tablasta churaykushankuña. May usqhayta ruwarqoshanku. Chay ruwayninkoqa ñaupajmampuni rishan.

Ester (hebreo) 3:12

Chaymantaqa ñaupaj kaj killapi chunka kinsayoj p'unchaypi, reypa tukuy qelqerisninta tantacherqa. Paykunaqa Amán imatachus sapa uj kurajkunaman kamachisqanta qelqarqanku, reypa kamachisninman, sapa llajtapi kuraj kaj kamachejkunaman, sapa llajtaj qelqayninman jina, parlayninkupikamataj. Chayta qelqarqanku reypa sutimpi, reypa sortejanwantaj ñit'iykuspa.

Ester (hebreo) 8:9

Chaypacha reypa tukuy qelqerisnenqa wajyachisqas karqanku, Sivas nisqa kinsa kaj killapi, iskay chunka kinsayoj p'unchaynimpi. Chay qelqerisqa imatachus Mardoqueoj nisqasninta qelqarqanku: Judiosman, suyuspi kamachejkunaman, sapa llajtaspi kamachejkunaman, waj kurajkunamanwan. Chaypacha iskay chunka qanchisniyoj suyusman, Indiamanta Etiopiakama. Chantapis chay qelqasqa apachisqa karqa sapa llajtasman imaynatachus qelqayta yachasqankuman jina, parlayninkuman jinataj. Chanta judiosmampis parlayninkuman jina, qelqayninkuman jinataj.

Daniel (hebreo) 3:29

Kunanqa noqa kamachini, pillapis kay waynakunaj Diosninkoj contrampi sajrata parlanqa chayqa, wañuchispa ukhuntaqa khuchuraspa choqarasqa kachun, wasintaj phirisqa kachun. Mayqen nacionmantapis kachun, chayri mayqen parlayniyojpis kachun, imaraykuchus mana waj dios kanchu chay jinata salvajqa.

Daniel (hebreo) 3:4

Chay lantita sayarichiyta qallarichinampaj churasqa karqa chayqa, jatunmanta qhaparispa kamacherqa: Tukuynej llajtasmanta, nacionesmanta, tukuy laya parlayniyojkunataj uyariychej, nispa.

Daniel (hebreo) 6:25

Chanta rey Darioqa, qelqarqa tukuy nacionespi kaj runakunaman, tukuy llajtasman, kay pachapi kaj tukuy parlayniyojkunamantaj, kay jinata nispa: Munani qankuna sonqo tiyasqas kakunaykichejta, tukuy imapitaj allin risunaykichejta.

Daniel (hebreo) 6:27

Paymin salvajqa, kacharichejtaj. T'ukuna k'acha imasta rikuchin, janaj pachapi, jinallataj kay pachapipis. Paymin Danielta salvarqa leonespa sillusninmantaqa.

Daniel (hebreo) 7:14

Paymantaj atiyta qorqanku, chanta k'anchayniyoj kayta, llajtasta kamachiytapis. Tukuy nacionesmanta kaj runakuna, tukuy parlaymanta kaj runakunataj payta sirverqanku. Atiynintaj kikillampuni kanqa, kamachinantaj mana jayk'ajpis t'unasqachu kanqa.

Zacarías 8:23

Jaqay tiempopeqa chunka waj llajtamanta runas, uj judío runaj p'achanmanta jap'iykukorqanku. Qankunawan riyta munayku, imaraykuchus uyariyku qankunawan Dios qasqanta, nispa!

Hechos 2:6

Sonajtintaj runas tantakamorqanku, t'ukorqankutaj apostolesta sapa ujninku parlayninkupi parlajta uyarispa.

Romanos 1:7

Kay cartata escribimuykichej Roma llajtapi tiyakojkunaman, Diospa munakusqasnin. Sumaj kausayman wajyasqas kankichej. Khuyakuy, sonqo tiyakuytaj qankunapaj kachun Dios Tatanchejmanta, Señor Jesucristomantawan.

Efesios 1:2

Dios Tatanchejpata, Señor Jesucristojtawan khuyakuynin, sonqo tiyakuynintaj qankunawan kachun.

1 Timoteo 1:2

Kay cartata escribimuni Timoteoman, creeypi cheqan kaj wawayman: Qanwan kachun yanapay, khuyakuy, sonqo tiyakuy, Dios Tatanchejmanta, Cristo Señorninchejmantawan.

1 Pedro 1:2

Qankunata Dios Tata ajllakorqa ñaupajmantapacha yuyasqanman jina, Santo Espiritunejta llimphuchaspa, Jesucristota kasunaykichejpaj, yawarninwantaj ch'ajchusqas kanaykichejpaj. Khuyakuy, sonqo tiyasqa kayta, qankunapi yapakuchun.