Daniel (hebreo) 3:6 - Qheshwa Biblia DC

⁶ Tukuy pikunachá mana qonqorikonqankuchu, nitaj chay lantita yupaychanqankuchu chaykunaqa, chay rato uj larwashaj hornoman wijch'uykusqas kanqanku.

DIOSPA QHELQACHISQAN DEUTEROCANONICAL

⁶ Tukuy pikunachá mana pampakama k'umuykuspa lantita yupaychanqankuchu, chaykuna chaypachapacha lawrashaj uj jatun hornoman wijch'uykusqa kanqanku, nispa.

DIOSPA QHELQACHISQ

⁶ Tukuy pikunachá mana pampakama k'umuykuspa lantita yupaychanqankuchu, chaykuna chaypachapacha lawrashaj uj jatun hornoman wijch'uykusqa kanqanku, nispa.

Daniel (hebreo) 3:6 ပူးပေါင်းရင်းမြစ်များ

Génesis 19:28

Chaymanta qhawarerqa Sodomata Gomorratawan, chay tukuynin valletawan. Rikorqataj chay tukuyninmanta manchay q'osñilla llojsimushajta hornomanta jina.

Éxodo 20:5

Ama qonqorikunkichu chaykunaman, ama yupaychankichu; imaraykuchus noqamin Señor Diosniykeqa kani, sinch'i, Dios celoso, noqata chejniwajkunaj juchasninkuta jasut'ej, tatasninkoj juchasninkuta wawasninkupi jasut'ini, chantá allchhisninkupi, nieto allchhisninkupi ima.

Isaías 44:17

Chay puchoj llant'amantataj uj lantita ruwakun, chaypa ñaupaqenman qonqoriykukuspataj yupaychan. Mañakuntaj: Libraway ari, imaraykuchus qanqa diosniy kanki, nispa.

Jeremías 29:22

Judamanta wijch'usqas Babiloniapi kashanku chaykunamanta mayqellampis maldiciyta munankuman chayqa nichunku: Imaynatachus Sedequiaswan, jinataj Acabwampis Señor ruwarqa, ajinata qanwampis ruwachun, piskunatachus Babiloniamanta reyqa ninawan kankaykorqa, imaraykuchus Israelpi millay imasta ruwarqankichej: Runa masiykichejpa warmisninwan qhenchachakorqankichej, tukuy llullerastataj sutiypi nerqankichej mana noqaj kamachisqallay. Noqa yachani, rikuykichejtaj. Noqa Señor chayta niykichej.

Daniel (hebreo) 2:5

Reytaj paykunaman kutichispa nerqa: Sichus qankuna mana willawankichejchu imatachus mosqokusqayta, ima niytatajchus chay mosqoyniy munasqanta chaypachaqa, allinta yachaychej kayta: Qankuna t'unasqas rikhurinkichej, wasisniykichejtaj thuñisqas kanqanku.

Daniel (hebreo) 3:11

Pillapis mana jinata ruwajta uj larwashaj hornoman wijch'uykusqa kananta ninki.

Daniel (hebreo) 3:15

Kunanqa, kasukunkichejchu, pututu waqajtinkama, tukuy tocanasta ch'ajwarejta uyariytawankama qonqorikunkichejchu, noqa ruwacherqani chay lantitapis yupaychankichejchu? Sichus payta mana yupaychankichejchu chayqa, kunampacha uj nina larwashaj hornoman wijch'uykusqas kankichej. Chaypacha, ima diostaj qankunata salvayta atisunkichejri?

Daniel (hebreo) 3:21

Kinsantin waynasta, jatun kargonkupi churakoj kanku chay p'achasninkuwan kashajtinkuraj wataykorqanku. Chantá larwashaj nina hornoman wijch'uykorqanku.

Daniel (hebreo) 3:7

Ajinataj ari, ashkha tantakamorqanku chay runakunaqa, tocanasta ch'ajwarejta uyariytawankama qonqorikorqanku, yupaycharqankutaj chay qorimanta ruwasqa lantita.

Daniel (hebreo) 5:19

Payman atiyta qosqanrayku, tukuy ayllusmanta, nacionkunamanta, tukuy laya parlayniyoj runakuna payman k'umuykorqanku, kharkatiterqankutaj paypa ñaupaqempi. Paytaj wañucherqa chayri, kausananta saqerqa pitachus munasqanta. Wakinta jatuncharqa, wakintataj k'umuykachacherqa.

Daniel (hebreo) 6:7

Tukuynin kurajkuna, tukuynin kamachejkunataj tantakorqanku nacionnintinmanta, chaypitaj unanchakorqanku reymanta uj kamachiy llojsinanta, chanta tukuyman willarachisqa kananta. Chay kamachiytaj kay jina kachun: Kinsa chunka p'unchay junt'ata, ama pipis mañakuchunchu ni mayqen diosmanta, nitaj mayqen runamantapis, mana chayqa qanllamanta mañakuchun. Pichus mana kasukonqa chayqa, leonkunaj t'oqonman wijch'usqa kachun.

San Mateo 13:50

K'ajaj hornomantaj wijch'uykonqanku. Chaypitaj manchay waqay, kiru k'arukuytaj kanqa.

San Mateo 4:9

Nerqataj Jesusman: Noqa kay tukuy imata qosqayki, qonqorikuspachus k'umuykukuwanki chayqa.

Marcos 6:27

Herodestaj chay kikimpacha uj soldadota kacharqa, Juampa umanta apamunampaj.

Apocalipsis 14:11

Ñak'ariyninkoj q'osñintaj wiñaypaj wicharin. Chay phiña animalta, lantintapis yupaychajkunaqa, mana tuta p'unchay samankuchu, nillataj sutimpa marcanta churachikojkunapis.

Apocalipsis 9:2

Ukhu pacha pujyutataj kicharerqa, pujyoj q'osñintaj wicharimorqa uj jatun hornoj q'osñin jina. Intitaj, wayrapis laqhayaykorqa chay pujyoj q'osñinrayku.