Daniel (hebreo) 3:17 - Qheshwa Biblia DC

¹⁷ Noqayku yupaychayku chay Diosniyku salvayta atiwasqayku nina larwashaj hornomanta, tukuy laya sajrata ruwayta yuyashawayku rey kayniykipi chaykunamantapis salvawasqaykupuni.

DIOSPA QHELQACHISQAN DEUTEROCANONICAL

¹⁷ Noqayku yupaychayku, chay Diosniykumá nina lawrashaj hornoman wijch'uykuwasqaykumanta qhespichiyta atiwayku. Jinallataj qan mana allin kajta ruwanawaykuta yuyashanki, chaymantapis kacharichiwasqayku.

DIOSPA QHELQACHISQ

¹⁷ Noqayku yupaychayku, chay Diosniykumá nina lawrashaj hornoman wijch'uykuwasqaykumanta qhespichiyta atiwayku. Jinallataj qan mana allin kajta ruwanawaykuta yuyashanki, chaymantapis kacharichiwasqayku.

Daniel (hebreo) 3:17 ပူးပေါင်းရင်းမြစ်များ

Génesis 17:1

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

Génesis 18:14

Señorpajqa kanmanchu imallapis mana ruway atinaqa? Watapaj kunan jinallataj kutimuspa watukusqayki, chaypaj Saraqa wawayojña kanqa.

Job 34:29

Sichus Dios samarikun chayqa, pitaj Payta juchachanqari? Sichus uyanta pakaykun chayqa, pitaj Payta qhawarenqari? Payqa tukuy nacionesta qhawamushan, jinallataj sapa uj runaj ruwasqasnintapis.

Job 5:19

Sojta kutita ñak'ariymanta orqhosonqa, qanchis kajpitaj sajraqa mana chayamullasonqapischu.

Salmos 115:3

Diosninchejqa janaj pachapi kashan; Pay tukuy munasqanta ruwarqa.

Salmos 37:39

Allin runaspaj Señormanta yanapay jamun. Llakiy tiempopi paymin jark'akojninkoqa.

Salmos 37:40

Señortaj ayqenankupaj yanapan. Sajra runasmanta ayqechin, Chay sajra runasmanta salvan, imaraykuchus paypi pakakuyta mask'arqanku.

Salmos 73:20

Imaynatachus mosqoymanta uj runa rijch'arin, ajinata qan rijch'arejtiyki, Señor, qhasi rijch'ayniykuta qhesachanki.

Isaías 12:2

Diosmin salvawajneyqa; payman noqaqa atienekuni, manañataj manchachikusajchu. Señormin pakakunayqa kallpaytaj. Paylla noqataqa salvawan.

Isaías 54:14

Cheqan kajwan sumaj sayachisqa kanki; ñak'ariymanta karunchakunki, manañataj manchachikunkichu, imaraykuchus manchachikoyqa manaña qanman qayllamusonqachu.

Jeremías 1:8

Ama pitapis manchachikuychu. Noqaqa qanwan kasaj waqaychanasuypaj. Noqa Señor chayta nini.

Jeremías 15:20

Noqa kay ayllupaj bronce perqata jina churasqayki. Maqanakusonqanku chaypis, mana atipasonqankuchu, imaraykuchus noqa qanwan salvasunaypaj kashani, kacharichisunaypajtaj. Noqa Señor chayta niyki, noqa kacharichisqayki sajra runaspa atiyninmanta, nispa.

Daniel (hebreo) 3:26

Kayta nispataj, Nabucodonosorqa horno punkuman qayllaykorqa, qhaparerqataj: Sadrac, Mesac, Abed-nego, may jatumpi Diospa kamachisnin, llojsimpuychej, jampuychejtaj kayman!, nispa. Kinsantin llojsimorqanku nina chaupimanta.

Daniel (hebreo) 4:35

Paypa ñaupaqempi mana imapis kankuchu kay jallp'a patapi tukuy tiyakojkunaqa. Pay ruwan munayninman jina, janaj pachapi, jinallataj kay pachapipis. Mana pipis kanchu Diospa atiyninman sayaykojqa, manallataj pipis payta tapurinmanchu, imarayku jinata ruwanki?, nispa.

Daniel (hebreo) 6:16

Chanta reyqa kamacherqa Danielta pusamunankuta, leonespa t'oqonmantaj payta choqaykunankuta. Manaraj chay wañuypaj juchachasqan junt'akushajtin, reyqa Danielta nerqa: Sumajtapuni sirvishanki chay Diosniyki qanta salvasuchun.

Daniel (hebreo) 6:23

Chanta reyqa mayta kusikorqa, kamacherqataj t'oqomanta Danieltaqa orqhompunankuta. Orqhomuspataj, mana ima nanachisqatapis paypi tarerqankuchu, imaraykuchus Diosnimpi confiakorqa.

Daniel (hebreo) 6:27

Paymin salvajqa, kacharichejtaj. T'ukuna k'acha imasta rikuchin, janaj pachapi, jinallataj kay pachapipis. Paymin Danielta salvarqa leonespa sillusninmantaqa.

Miqueas 7:7

Jinapis noqaqa Señorllapi suyasaj, payllapitaj confiakusaj salvawajniy Diospi, imaraykuchus Pay uyariwanqa.

San Lucas 1:37

Diospajqa mana imapis mana atikojqa kanchu.

Hechos 20:24

Chaykunataqa mana manchachikunichu, nitaj wañuytapis; astawanqa kausayniyta tukuchiyta munani Señor Jesucristo kamachiwasqanta junt'aspa, willaspataj Diospa evangelionmanta, yanapayninmantawan.

Hechos 21:13

Chaymantataj Pablo niwarqayku: Imaraykutaj chay jinatapuni waqaspa sonqoyta nanachishawankichejri? Noqaqa wakichisqa kani, mana watachikunallaypajchu, astawanqa, Jerusalempi wañunaypaj Señor Jesuspa sutinrayku.

Romanos 8:31

Ima nisuntaj kaymantari? Sichus Dios noqanchejwan kashan chayqa, pitaj contranchejpi kanmanri?

2 Corintios 1:10

Dios jark'awarqayku chay jina jatun wañuymanta. Kunampis jark'awayku; suyaykutaj qhepamampis jark'anawaykuta.

Hebreos 7:25

Chayrayku payqa atin wiñaypaj salvayta, paynejta Diosman qayllakojkunata. Payqa kausallanqapuni paykunapaj Diosmanta mañapuspa.

1 Samuel 17:37

Señorqa librawarqa leonmanta, chayri osomantapis, kikillantataj librawanqa kay filisteoj makinmantapis, nispa. Chaypacha Saulqa nerqa: Riy ari, Señortaj qanwan kachun, nispa.

1 Samuel 17:46

Kunampacha qanta Señorqa makisniyman jaywawanqa, kunampacha wañuchisqayki, umaykitataj qholusaj, tukuy filisteospa aychasnintataj chay aycha mikhu p'isqosman, jinataj chay monte sajra animalesman qarasaj. Jinamanta tukuy runas yachanqanku Israel ukhupi uj Dios kasqanta.