Daniel (hebreo) 2:47 - Qheshwa Biblia DC

⁴⁷ Chanta Danielman nerqa: Cheqamanta Diosniykichejqa aswan jatun tukuynin dioskunamanta. Paymin reykunaj Señornenqa, tukuy pakaypi kajta sut'inchajtaj. Qan aterqanki kay pakaypi kaj imasta sut'inchayta.

DIOSPA QHELQACHISQAN DEUTEROCANONICAL

⁴⁷ Chantá Danielta nerqa: Cheqapuni Diosniykichejqa tukuy dioskunaj Tukuyta Kamachej Diosnin, tukuy kamachejkunaj kuraj kamachejninkutaj, tukuy pakaypi kajta sut'inchaj ima, imaraykuchus qan pakasqa kajta sut'inchayta aterqanki, nispa.

DIOSPA QHELQACHISQ

⁴⁷ Chantá Danielta nerqa: Cheqapuni Diosniykichejqa tukuy dioskunaj Tukuyta Kamachej Diosnin, tukuy kamachejkunaj kuraj kamachejninkutaj, tukuy pakaypi kajta sut'inchaj ima, imaraykuchus qan pakasqa kajta sut'inchayta aterqanki, nispa.

Daniel (hebreo) 2:47 ပူးပေါင်းရင်းမြစ်များ

Génesis 41:39

Josemantaj nerqa: Mana pipis kanchu qan jina sumaj yuyayniyoj, yachayniyoj runa. Dios qanmanqa yachachisunki kay tukuy imas kananmanta.

2 Reyes 5:15

Naamantaj tukuy paywan rejkunawan Diospa runampaman kutirerqa, Eliseoj ñaupaqenman yaykuspataj nerqa: Kunanqa yachani ari, mundontimpi mana waj Diosqa kanchu, manachayqa Israelllapi tiyan. Kunantaj mañakuyki, kay kamachiykimanta uj t'inkata jap'ikunawaykita, nispa.

Job 12:19

Sacerdotesta ruwanankumanta wijch'un, pikunachus kamachiyninkupi sumajta sayashajkunatapis urmachin.

Salmos 136:2

Graciasta qoychej dioskunaj Diosninman, khuyakuynin wiñaypaj kasqanrayku.

Salmos 136:3

Graciasta qoychej señorkunaj Señorninman, khuyakuynin wiñaypaj kasqanrayku.

Salmos 72:11

Tukuy reyes ñaupaqempi qonqorikuchunku. Tukuy nacionestaj kamachisqanta ruwanku.

Salmos 82:1

Diosninchej dioskunaj tantakuyninkupi kashan, paykunata juchachanampaj.

Salmos 96:4

Diosqa may jatunmin, yupaychanapaj jinapuni, tukuy dioskunamanta nisqaqa, aswan manchachikuna.

Ezequiel 26:7

Imajtinchus kay jinata Señorqa nin: Wichaynejmanta, Babilonia rey Nabucodonosor Tiroj contrampi jatarichimusaj, payqa reyespa reynin, caballoswan, carretaswan, caballospi rejkunawan, ashkha soldadoswantaj ashkha llajtasmanta jamorqanku.

Daniel (hebreo) 11:36

Wichaynejpi kaj reyqa tukuy ima munasqanta ruwanqa. Jatunchakuynenqa maypuni kanqa. Tukuy dioskunajpata kurajnin kasqanta creekonqa. Cheqa Diospa contrantataj manchay sajrata parlanqa. Tukuy imataj paypajqa allin renqa, Dios paypaj jasut'ita apachimunankama. Diosqa imaynatachus ruwanan karqa chaytaqa junt'anqapuni.

Daniel (hebreo) 2:19

Chay tutapi Danielman, chay mana yachay atina pakasqa mosqoyqa sut'inchasqa karqa uj rikuypi, chaymanta janaj pachapi kaj Diosta Daniel yupaycharqa, kay palabraswan: Diospa sutenqa wiñaynintinkama yupaychasqa kachun, imaraykuchus yachayqa, atiypis paypata kanku.

Daniel (hebreo) 2:22

Dios sut'ita rikuchin pakaypi kaj imasta, mana yachay atina imastapis. Laqhapi kaj imastapis pay rikun. K'anchayqa paypimin kashan.

Daniel (hebreo) 2:28

Chay tukuywampis janaj pachapi uj Dios tiyan. Payqa sut'ita rikuchin pakaypi kaj tukuy imasta. Paymin rey Nabucodonosormanqa sut'ita rikuchin, imaschus jamoj p'unchaykunapi chayamunanta. Kayqa, reyman willasaj mosqoyninta, imaschus rikhurerqa puñushajtin chayta.

Daniel (hebreo) 2:29

Arí rey, qanqa puñunaykipi kasharqanki, yuyayniykimantaj chayamusorqa imaschus qhepa p'unchaykunapi kanqa chay imasmanta. Pakaypi kaj imasta sut'inchaj Diostaj rikuchisunki, imaschus jamoj p'unchaykunapi kanqa chaykunata.

Daniel (hebreo) 2:30

Noqamampis kay mana yachay atina pakasqa kajta Dios rikuchiwarqa. Manamin tukuy runasmanta aswan yachayniyoj kasqayraykuchu, mana chayqa reyman sut'ita willanaypaj, imatachus niyta munasqanta chay mosqoynin, ajinamanta reyqa yachanampaj imastachus sonqompi yuyaychakusharqa chay imasmanta.

Daniel (hebreo) 2:37

Tukuynin reyesmanta aswan atiyniyoj reymin qan kanki. Janaj pachapi kaj Diosqa qosunki reinota, atiyta, kallpata ima, jatumpaj qhawasqa kanaykipaj, tukuynejpi runas tiyakunku chaykunata kamachinaykipaj. Chantapis uywasta, p'isqosta, qampa makiykiman churan kamachinaykipaj. Chayrayku chay qori umaqa qan kanki.

Daniel (hebreo) 3:15

Kunanqa, kasukunkichejchu, pututu waqajtinkama, tukuy tocanasta ch'ajwarejta uyariytawankama qonqorikunkichejchu, noqa ruwacherqani chay lantitapis yupaychankichejchu? Sichus payta mana yupaychankichejchu chayqa, kunampacha uj nina larwashaj hornoman wijch'uykusqas kankichej. Chaypacha, ima diostaj qankunata salvayta atisunkichejri?

Daniel (hebreo) 3:28

Chay ratopi Nabucodonosor jatunmanta qhaparerqa: Yupaychasqa kachun Sadracpata, Mesacpata, Abed-negojpatawan Diosninkoqa. Pay angelninta kachamorqa salvanampaj. Paykunaqa mana junt'arqankuchu reypa kamachisqanta. Astawampis wañuyta munarqanku manapuni munaspa, paykunaj Diosninkumanta waj diosman qonqorikuyta, yupaychaytataj!

Daniel (hebreo) 3:29

Kunanqa noqa kamachini, pillapis kay waynakunaj Diosninkoj contrampi sajrata parlanqa chayqa, wañuchispa ukhuntaqa khuchuraspa choqarasqa kachun, wasintaj phirisqa kachun. Mayqen nacionmantapis kachun, chayri mayqen parlayniyojpis kachun, imaraykuchus mana waj dios kanchu chay jinata salvajqa.

Daniel (hebreo) 4:17

Chay jina ruwakunanta kamachinku allinta qhawaj santo angelkunaqa, tukuyninku runakuna yachanankupaj jatumpi kaj Diosqa atiyniyoj kasqanta llajtata kamachinku chaykunaj patampi; pay atiyninta qosqanta kamachinampaj pimanchus qoyta munasqanman; uj naciompi kuraj kanampajtaj churasqanta aswan pisi yachayniyoj runata.

Daniel (hebreo) 4:25

Reyníy, runakunamanta t'aqasqa kanki, animalkunawantaj kausanki. Qhorasta mikhunki bueyes jina, chhullataj cuerpoykita joq'onqa. Ajinata kausanki qanchis watas junt'ata, rejsinaykikama patapi kaj Dios atiyniyoj kasqanta, llajtakunata kamachishanku tukuy chaykunaj patampi kasqanta, paytaj churasqanta kamachinankupaj munayninman jina.

Daniel (hebreo) 4:32

Runakunamantaqa t'aqasqa kanayki tiyan, uywakunawantaj kausanayki tiyan. Bueyes jina qhorata mikhunki qanchis watas junt'ata, rejsinaykikama jatumpi kaj Dioslla atiyniyoj kasqanta, jallp'api tukuynin nacionkunaj patampi, payllataj kamachejkunata churasqanta pikunatachus munasqanta.

Daniel (hebreo) 5:11

Reinoykipi tiyan uj runa, santo Diospa espiritunwan pusaykachasqan. Tatayki rey kashajtin, chay runaqa rejsisqa karqa sut'i yuyayniyoj kasqanta, sumaj yuyayniyoj dioskuna jina yachayniyojtaj kasqantawan. Chayrayku tatayki Nabucodonosorqa payta churarqa, naciompi tukuy yachaysapakunata, yatirikunata, sumaj yachayniyojkunata, k'anchaj qoyllurkunamanta yachajkunatawan kamachinampaj.

Amós 3:7

Señorqa manamin imatapis ruwanchu manaraj imatapis ñaupajta profetasninman willaspaqa.

1 Corintios 14:25

Ajinapi sonqon ukhupi ima jucha kasqantapis yachakonqa, qonqorikuspataj Diosmanta mañakonqa, cheqamantapuni Dios qankuna ukhupi kashasqa, nispa.

Deuteronomio 10:17

Señor Diosniykichejqa dioskunaj Diosnin, señorkunaj Señornin. Payqa jatun Dios, atiyniyoj manchachikunataj. Tukuyta kikin munakuyllawan qhawan. Ni ima t'inkaswampis rantichikunchu.

1 Timoteo 6:15

K'ata Diosqa maychus tiempompi rikuchenqa Jesucristoj jamuyninta. Paymin yupaychasqa kachun. Payqa kamachejkunaj kamachejnin, señorkunaj Señornintaj.

Josué 22:22

Tukuy dioskunaj Diosnin Señor yachan, mana Señorpa contrampichu, nitaj paymanta t'aqakunaykuraykuchu kay altarta ruwasqaykuta. Pay yachan imaynachus kasqaykuta, qankunamampis yachachisunkichej. Sichus Señorpa contranta, paymanta t'aqakunaykurayku chay imasta ruwayku chayqa, kunampacha wañurachiwayku.

Apocalipsis 17:14

Kaykunaqa Corderoj contrampi maqanakonqanku. Corderotaj paykunata atipanqa. Payqa señorkunaj Señornin, reyespa Reynintaj. Paywan kajkunarí wajyasqas, ajllasqas, junt'ajkunataj kanku.

Apocalipsis 19:16

P'achampi moqon patanejpi escribisqa sutiyoj karqa: reykunaj Reynin, señorkunaj Señornintaj.