Daniel (hebreo) 2:44 - Qheshwa Biblia DC

⁴⁴ Chay reykuna kamachishajtinkutaj, janaj pachapi kaj Dios uj reinota sayarichenqa, chaytaj mana jayk'ajpis t'unasqachu kanqa manataj mayqen reinopis payta atipanqachu. Tukuynin waj reinosta tukuchenqa, chay atipaj reinotajrí wiñaypaj sayanqa.

DIOSPA QHELQACHISQAN DEUTEROCANONICAL

⁴⁴ Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

DIOSPA QHELQACHISQ

⁴⁴ Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Daniel (hebreo) 2:44 ပူးပေါင်းရင်းမြစ်များ

Génesis 49:10

Ni pi qhechonqachu Judaj atiyninta, ni makimpi kashaj chay tojnuntapis, chay tojnuyoj chayamunankama, pitachus tukuy llajtas kasonqanku.

2 Samuel 7:13

Payqa uj yupaychana wasita jatarichipuwanqa, noqataj wiñaypaj reinonta sayachisaj.

2 Samuel 7:16

Mirayniykita reinoykitawanqa Noqa waqaychasaj wiñaypaj, ajinallatataj reinoykipis wiñaypaj qhepakonqa.

Salmos 145:13

Rey kasqaykeqa wiñaypaj, kamachiyniykeqa tukuy runa mitaspaj.

Isaías 60:12

Chayrayku mayqen nacionchá, chayri ima llajtachá qanta mana kasuyta munanqachu chayqa, chinkachisqa, ch'inyachisqataj kanqa.

Ezequiel 37:25

Kamachiy Jacobman qorqani chay jallp'api tiyakonqanku, ñaupa tatasninku tiyakorqanku chaypi. Chay jallp'api paykuna wiñaypaj tiyakonqanku, wawasninku, paykunaj mirayninku ima. Kamachiy Davidtaj paykunaj kuraj kamachejninku kanqa wiñaypaj wiñaynintinkama.

Daniel (hebreo) 2:28

Chay tukuywampis janaj pachapi uj Dios tiyan. Payqa sut'ita rikuchin pakaypi kaj tukuy imasta. Paymin rey Nabucodonosormanqa sut'ita rikuchin, imaschus jamoj p'unchaykunapi chayamunanta. Kayqa, reyman willasaj mosqoyninta, imaschus rikhurerqa puñushajtin chayta.

Daniel (hebreo) 2:34

Chanta qhawashajtillayki, orqomanta uj rumi, mana pejpa kachaykamusqallan urmamorqa, chay lantej chakisninman qomuspataj t'unaykorqa.

Daniel (hebreo) 2:35

Chay rato ujllata chay fierropis, t'urupis, broncepis, qolqepis, qoripis ñut'usqas karqanku, imaynatachus chajra oqharina tiempopi trigo trillakojtin q'oshñilla jatarin ajinata. Chanta wayrataj oqharerqa mana imata puchuchispa. Lantita t'unaykorqa chay rumitajrí, uj jatun orqoman tukorqa, tukuynin jallp'amantaj junt'aykorqa.

Daniel (hebreo) 2:37

Tukuynin reyesmanta aswan atiyniyoj reymin qan kanki. Janaj pachapi kaj Diosqa qosunki reinota, atiyta, kallpata ima, jatumpaj qhawasqa kanaykipaj, tukuynejpi runas tiyakunku chaykunata kamachinaykipaj. Chantapis uywasta, p'isqosta, qampa makiykiman churan kamachinaykipaj. Chayrayku chay qori umaqa qan kanki.

Daniel (hebreo) 2:43

Ajinaqa, imaynatachus qan rikorqanki fierrota t'uruwan chajrusqata, kikinta chay p'unchaykunapi reinosqa chajrukonqanku casarakuykunanejta; manataj ujllaman tukuyta atenqankuchu, imaynatachus fierroqa t'uruwan mana chajrukuyta atinmanchu ajinata.

Daniel (hebreo) 4:3

May jatuchaj kanku t'ukunapaj jina ruwasqasnin, milagro ruwasqasnimpis! Rey kaynenqa manapuni tukukonqachu, atiynintaj miraymanta waj miraynintinkama kanqa.

Daniel (hebreo) 4:34

Jasut'i p'unchaykuna junt'akojtin, noqa Nabucodonosorqa, janaj pachata qhawarerqani, loco kayniymantataj thañisqa kasqayta reparakorqani. Chaypacha, Jatun Diosta yupaycharqani, kay palabraswantaj wiñaypaj kausayniyojta jatuncharqani: Paypa atiynenqa wiñaypajpuni. Llajtakunata kamachinantaj miraypa miraynintimpaj kanqa.

Daniel (hebreo) 6:26

Kaytataj kamachini, tukuynin reinoypi, Danielpa Diosnintaqa respetachunku, payllamantaj k'umuykuchunku. Paymin kausaj Diosqa. Payllapuni wiñaypaj wiñaynintinkama. Reinonqa mana jayk'ajpis t'unasqachu kanqa, nitaj atiynimpis tukukonqachu.

Daniel (hebreo) 6:27

Paymin salvajqa, kacharichejtaj. T'ukuna k'acha imasta rikuchin, janaj pachapi, jinallataj kay pachapipis. Paymin Danielta salvarqa leonespa sillusninmantaqa.

Daniel (hebreo) 7:27

Kay jallp'api tukuynin llajtaspa reinosninku, atiyninku, jatun kayninkupis, jatun atiyniyoj Diospa ajllakusqan aylluman qopusqa kanqanku. Chay kamachinantaj wiñaypaj sayanqa, kay pachapi kaj tukuynin llajtakunataj paytaqa sirvenqanku, kasukonqankutaj.

Daniel (hebreo) 8:25

Ch'aukiyanapaj may churasqa kasqanrayku, ñaupajman renqa ch'aukiyaypi. Sonqompi may jatun kasqanta yuyakonqa. Sonqo tiyaypi kasqankuta creekoj runakunata ashkhata wañurachenqa. Kurajkunaj kurajnimpa contrampi sayaykonqa. Chay kuraj kajtaj, chay sajra reyta atipaspa chinkachenqa. Chaytataj ruwanqa mana runaj makinwanchu.

Hageo 2:22

Mundopi atiykunata t'unaykusaj, tiyanasninkutataj urmarachisaj. Urmarachillasajtaj guerraman purina carrosta, chay carrospi purejkunatawan. Caballospis wañullanqankutaj lloq'ajkunasnintin, sapa uj wañonqa hermanompa espadanwan t'ojsisqa.

Hageo 2:7

Tukuy nacionesta kharkatichisaj, tukuy nacionestaj tiyapusqanta apamonqanku, temploytaj gloriawan junt'a kanqa. Tukuy Atiyniyoj Señorqa ajinata nin: Qolqepis, qoripis noqajta.

San Mateo 28:18

Jesustaj qayllaykuspa, paykunata parlapayarqa: Noqa tukuy atiyniyoj kani, janaj pachapi, kay pachapipis.

San Juan 12:34

Runastaj payman kuticherqanku: Noqayku leypi yacharqayku, Cristoqa wiñaypaj kausananta; imaraykutaj qan Runaj Churin oqharisqa kanqa nishanki? Pitaj chay Runaj Churinri?

Hebreos 12:28

Chayrayku noqanchejpis mana kuyurej reinota jap'ispaña, graciasta qona, Diostataj yupaychana tukuy sonqo, jatumpitaj payta jap'ina. Chaykunata Diosqa munan.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Apocalipsis 2:27

Fierro varawantaj chaykunata kamachenqa, mankasta jinataj t'unarakanqa. Noqapis ajinallatataj chay atiyta Tataymanta jap'erqani.