Daniel (hebreo) 2:21 - Qheshwa Biblia DC

²¹ Paymin tiemposta, watastapis waj jinaman tukuchin, reyesta qhechun sayachinta. Yachayta qon yachayniyojkunaman, aswan rejsiytataj tukuy imata rejsejkunaman.

DIOSPA QHELQACHISQAN DEUTEROCANONICAL

²¹ Paymin imachus kay pachapi kananta munayninman jina apaykachan. Kuraj kamachejkunata churantaj, orqhontaj. Paymin yachayniyojkunaman yachayta qon, tukuy imata yachajkunamanpis astawan yachayta qon.

DIOSPA QHELQACHISQ

²¹ Paymin imachus kay pachapi kananta munayninman jina apaykachan. Kuraj kamachejkunata churantaj, orqhontaj. Paymin yachayniyojkunaman yachayta qon, tukuy imata yachajkunamanpis astawan yachayta qon.

Daniel (hebreo) 2:21 ပူးပေါင်းရင်းမြစ်များ

1 Reyes 10:24

Tukuy runastaj Salomompa uyanta rikuyta munaj kanku, uyarinankupaj chay chhika yachayta Dios payman qosqanta.

1 Reyes 3:28

Israelmanta tukuynin runastaj astawan manchachikorqanku, rey chay jina k'achatapuni justiciata ruwasqanta uyarispa, imaraykuchus paykuna rikorqanku Diospa yachaynin paypi kasqanta justiciata ruwanampaj.

1 Reyes 4:29

Salomonmantaj Diosqa ashkha yachayta, yuyayta, sumaj sonqotawan qorqa, imaynachus mar qocha cantopi, t'iyu kashan jinatapuni.

1 Crónicas 22:12

Señor sumaj yuyayta qosuchun, jinataj allin yachayniyoj kaytapis, maypachachus Israelta kamachishajtiyki, chaypacha Señor Diosniykej leyninta junt'anaykipaj.

1 Crónicas 29:30

Tukuy kamachisqanmanta, atiyninmanta, chay t'ukuna imas, payta qhatirisqasninmanta, jinataj Israel aylluta chay waj nacionestawan.

Ester (hebreo) 1:13

Chaymanta reyqa leyesmanta yachajkunata tapurerqa. Reyqa tapunampuni kaj, runaj cheqan ruwanasninmanta yachajkunata.

Job 12:18

Diosqa sajra reyestapis mana kamachejkunasniyojta asqerparin, q'alasllata presosta puririchin.

Éxodo 31:6

Payta yanapanampaj ajllani Dan ayllumanta Ahisamacpa wawan Aholiabta. Tukuy yachayniyojkunamantaj aswan yachakuyta qorqani tukuyninku qanman kamachisqasuyta ruwanankupaj: Dioswan tinkukuna toldota, Diospa leyninwan kaj cajonta, kirpantapis, Dioswan tinkukuna toldopi kashan chaykunatapis mesata, imasninchus chay patapi kashan chaykunatapis qori purumanta k'anchachinata tukuy imasnintinta, incienso altarta, ruphachina rikuchiku altarta, imaschus chay altarpi kashan chaykunatawan; mayllakuna ch'illamita, maypichus sayasqa kashan chaytawan;

Daniel (hebreo) 1:17

Kay tawa waynasmantaj Dios qorqa sumaj yachaysapa umata, tukuy laya librosmanta yachayta, tukuy sumaj yachaytataj. Chantapis Daniel yachallarqataj rikuykunata, mosqoykunatawan sut'inchayta.

Daniel (hebreo) 10:1

Persiamanta kaj Ciro, kinsa watataña rey kashajtin, Daniel Beltsasar nisqa, uj palabrata uyarisqa; chay palabrataj cheqapuni karqa. Imatachus niyta munasqataj mana yachayta atinapaj jinachu karqa. Chay tukuywampis, Danielqa, sumajta chay palabrastaqa unancharqa, yacharqataj imatachus niyta munasqanta.

Daniel (hebreo) 11:6

Wakin watas tukukuyta, iskayninku uj tratota ruwanqanku: Uray ladopi kaj reyqa warmi wawanta qonqa casarakunampaj wichay ladopi kaj reyman, iskaynin naciones ch'ajwaykunaman ama yuykanankupaj. Chay yuyaychakusqantaj qhasiman tukonqa, imaraykuchus chay warmi, qhari wawampis, qosampis, jinallataj uywasqasnimpis wañurachisqas kanqanku.

Daniel (hebreo) 2:23

Tatasniypa Diosnin, qanman graciasta qoyki, yupaychaykitaj. Qan yachayniyojta ruwawanki, kallpachawankitaj. Kunantaj sut'ita rikuchiwanki imatachus mañakususqaykuta. Rikuchiwaykuñataj imatachus rey yachayta munasharqa chaytapis.

Daniel (hebreo) 2:9

Chayraykumá kunanqa imatachus mosqokusqayta mana willawankichejchu chayqa, tukuyniykichej uj rej juchachayllata jap'ikunkichej. Uj yuyayllaman tukunkichej llullakuspa mana kajta kutichinawaykichejpaj, chaykama tiempo pasananta suyaspa. Qankuna niwaychej imatachus mosqokusqaytaqa. Chaytachus willawankichej chayqa, atillankichejtaj willawayta chay mosqoyneyqa imatachus niyta munasqantapis.

Daniel (hebreo) 4:17

Chay jina ruwakunanta kamachinku allinta qhawaj santo angelkunaqa, tukuyninku runakuna yachanankupaj jatumpi kaj Diosqa atiyniyoj kasqanta llajtata kamachinku chaykunaj patampi; pay atiyninta qosqanta kamachinampaj pimanchus qoyta munasqanman; uj naciompi kuraj kanampajtaj churasqanta aswan pisi yachayniyoj runata.

Daniel (hebreo) 4:22

Wiñarqa atiyniyojtaj karqa chayqa, qan rey, kanki chay sach'aqa. Rey kasqaykipi jatunyasqaykeqa yapakun janaj pachaman chayanankama, kamachisqaykitaj tukuynin jallp'api, uj cantomanta ujnin cantokama jatunyan.

Daniel (hebreo) 4:32

Runakunamantaqa t'aqasqa kanayki tiyan, uywakunawantaj kausanayki tiyan. Bueyes jina qhorata mikhunki qanchis watas junt'ata, rejsinaykikama jatumpi kaj Dioslla atiyniyoj kasqanta, jallp'api tukuynin nacionkunaj patampi, payllataj kamachejkunata churasqanta pikunatachus munasqanta.

Daniel (hebreo) 7:25

Jatun atiyniyoj Diospa contranta rimanqa, Diospa ayllunta ñak'arichispa chinkachinayanqa. Diospa kamachiyninta, fiestastapis waj jinaman tukuchiyta munanqa. Diospa aylluntaj makimpi kanqa, kinsa tiempos khuskanniyojkama.

San Lucas 21:15

Noqa yachayta qosqaykichej parlanaykichejpaj; chay parlasqaykichejtataj enemigosniykichejqa, mana atipayta, nitaj kutichikuytapis atenqankuchu.

Romanos 13:1

Tukuy runakunaqa kamachejkunata kasuchunku; imaraykuchus ateyqa Diosllamanta jamun, kamachejkunapis Diospa churasqallantaj kanku.

1 Corintios 1:30

Qankunaqa Diosrayku Cristo Jesuspi kashankichej; Cristotaj noqanchejpajqa yachay, cheqan kay, t'aqasqa kay, kacharichisqataj kay; imaraykuchus escribisqapi kasqanman jina: Jatunchakuyta munajqa, Señorpi jatunchakuchun.

Santiago 1:17

Tukuy ima allin t'inka, imatapis ruwayta yachaytaj patamanta jamun, k'anchay Tatamanta. Payqa kikillampuni, manataj paypi ima llanthullapis kuyurej kanchu.

Santiago 1:5

Mayqellampis qankunamanta mana yachayniyoj kanman chayqa, Diosmanta mañakuchun. Dios qon tukuyman ashkhamanta mana k'amispalla. Cheqamanta chay yachayqa payman qosqa kanqa.

Apocalipsis 19:16

P'achampi moqon patanejpi escribisqa sutiyoj karqa: reykunaj Reynin, señorkunaj Señornintaj.