Daniel (hebreo) 2:11 - Qheshwa Biblia DC

¹¹ Reypa mañasqanqa manapuni atinapaj jinachu. Mana pipis kanchu chay mosqoyta ninampajqa. Dioskunalla chaytaqa niyta atinkuman. Paykunatajrí, mana runaswanchu tiyakunku!

DIOSPA QHELQACHISQAN DEUTEROCANONICAL

¹¹ Kuraj kamachejniyku, mañasqaykeqa manapuni sut'inchayta atinapaj jinachu. Mana pi runapis kanchu wajpa mosqokusqanta willayta atejqa. Dioskunalla chayta niyta atinkuman. Paykunatajrí mana runawanchu tiyakunku, nispa.

DIOSPA QHELQACHISQ

¹¹ Kuraj kamachejniyku, mañasqaykeqa manapuni sut'inchayta atinapaj jinachu. Mana pi runapis kanchu wajpa mosqokusqanta willayta atejqa. Dioskunalla chayta niyta atinkuman. Paykunatajrí mana runawanchu tiyakunku, nispa.

Daniel (hebreo) 2:11 ပူးပေါင်းရင်းမြစ်များ

Génesis 41:39

Josemantaj nerqa: Mana pipis kanchu qan jina sumaj yuyayniyoj, yachayniyoj runa. Dios qanmanqa yachachisunki kay tukuy imas kananmanta.

Génesis 41:8

Q'ayantin paqarenqa may llakisqa karqa; chayrayku wajyacherqa tukuy adivinosta, yachayniyojkunatawan tukuy Egiptomanta. Faraón chay mosqokusqanta willajtintaj ni mayqenninku sut'inchayta aterqankuchu imastachus niyta munasqanta chay mosqokusqan.

1 Reyes 8:27

Kunanqa, cheqamantachu Diosqa jallp'a patapi tiyakunman? Janaj pachakuna aswan patapi janaj pachakunapis mana atisunkuchu jap'isuyta. Imaynatataj kay wasita ruwapususqaypi tiyakuyta atiwajri?

2 Crónicas 6:18

Jinapis, cheqapunichu kanman, Diosqa kay pacha runaswan tiyakunanqa? Janaj pachaqa, janaj pachamanta janaj pachapis mana wakiyta atisunkichu. Astawanraj ari kay yupaychana wasita qampaj ruwapususqayqa.

Salmos 132:14

Kaymin chay wiñaypaj samakunay orqoqa. Kaypi tiyakusaj, imaraykuchus ajinata munarqani.

Salmos 68:18

Diosníy, puntanman wicharerqanki presochasqasta apaspa. Runas jaywasorqanku chaytataj jap'ikorqanki. Contraykipi sayaykojkunapis ñaupaqeykipi k'umuykukunku.

Éxodo 29:45

Israelitas ukhupi noqa kausasaj, Diosninkutaj kasaj.

Éxodo 8:19

Chaymantaqa chay layqas faraonman nerqanku: Kayqa Diospa jasut'iynin, nispa. Faraonqa astawan sonqonta rumiyacherqa; mana imatapis kasorqachu, Señorpa nisqanman jina.

Isaías 47:12

Kunanqa yatirisniykiwan layqasniykiwan, ima, kallaypuni. Chaykunata qanqa ruwachej kanki sipas kasqaykimantapacha. Ichapis allin risonqa, ichapis runaswan allimpi qhawachikuwaj ari.

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

Isaías 8:18

Noqa, Señor qowasqan wawasniywan, israelitaspaj uj señal jina kayku, Tukuy Atiyniyoj Señorpa churasqasnin; Payqa Sión orqopi tiyakun.

Daniel (hebreo) 4:4

Noqa Nabucodonosor, mana ima llakiyniyoj tiyakusharqani palacioypi kusikuspa, tukuy imapi qhapajyaspataj.

Daniel (hebreo) 5:11

Reinoykipi tiyan uj runa, santo Diospa espiritunwan pusaykachasqan. Tatayki rey kashajtin, chay runaqa rejsisqa karqa sut'i yuyayniyoj kasqanta, sumaj yuyayniyoj dioskuna jina yachayniyojtaj kasqantawan. Chayrayku tatayki Nabucodonosorqa payta churarqa, naciompi tukuy yachaysapakunata, yatirikunata, sumaj yachayniyojkunata, k'anchaj qoyllurkunamanta yachajkunatawan kamachinampaj.

Números 35:34

Ama ch'ichichankichejchu maypichus tiyakunkichej chay jallp'ataqa; noqapis tiyakuni chayllapitaj. Noqa Señor, israelitaswan khuska tiyakusqayrayku.

San Mateo 19:26

Jesustaj paykunata qhawarispa, nerqa: Runaspajqa mana kayqa atikunchu, Diospajrí tukuy ima atikun.

San Juan 1:14

Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.

San Juan 14:23

Jesús payman kutichispa nerqa: Noqata munakuwajqa, palabrayta waqaychanqa; Tataytaj payta munakonqa, payman jamusqayku, paywantaj tiyakusqayku.

2 Corintios 6:16

Chantá ima allintaj kanman, Diospa templompi lantikuna kanankuri? Qankunaqa kausashaj Diospa templon kankichej, imaynatachus Dios nerqa: Kausajtaj, purisajtaj paykuna ukhupi. Paykunaj Diosninku kasaj. Paykunataj aylluy kanqanku.

Apocalipsis 21:3

Tronomanta sinch'ita qhaparejta uyarerqani, nejtataj: Kayqa Diospa paykunawan tiyakuynin. Diosqa paykunawan kanqa. Runastaj paypa ayllun kanqanku, kikin Diostaj paykunaj Diosninku kanqa.