Daniel (hebreo) 12:10 - Qheshwa Biblia DC

¹⁰ Ashkhastaj kanqanku llimphuchasqas, rit'iyachisqas, allinchasqastaj. Mana allin runastaj sajra imasta ruwallanqankupuni, mana unanchakuspa imachus kasqanta. Yachayniyoj runastaj tukuy imata allinta unanchakonqanku.

DIOSPA QHELQACHISQAN DEUTEROCANONICAL

¹⁰ Willasqayman jina ashkha ñak'arenqanku, chaymantataj llojsenqanku allinchasqa, llimphuchasqataj. Millayta ruwaj runakunarí millayta ruwaspa purillanqankupuni, manataj imatapis entiendenqankuchu. Yachayniyoj runakunarí tukuy imata reparanqanku.

DIOSPA QHELQACHISQ

¹⁰ Willasqayman jina ashkha ñak'arenqanku, chaymantataj llojsenqanku allinchasqa, llimphuchasqataj. Millayta ruwaj runakunarí millayta ruwaspa purillanqankupuni, manataj imatapis entiendenqankuchu. Yachayniyoj runakunarí tukuy imata reparanqanku.

Daniel (hebreo) 12:10 ပူးပေါင်းရင်းမြစ်များ

Salmos 107:43

Pichus yachayniyoj kajqa chay imasta waqaychachun, yachachuntaj Señorpa khuyakuyninta.

Salmos 51:7

Hisopowan mayllaway, llimphu sonqoyojtaj kasaj. Mayllaway Señor, rit'imanta aswan yurajtaj kasaj.

Proverbios 1:5

Yachayniyojlla uyarispa astawan yachayta jap'in, yuyayniyojqa astawan yachanqa;

Isaías 1:18

Señortaj nin: Jamuychej parlasunchej. Juchasniykichejqa may jina pukapis kachunku, rit'i jina yuraj kanqanku; may jina kullipis kachunku, yuraj millma jina kanqanku.

Ezequiel 36:25

Llimphu yakuwan mayllasqaykichej, tukuy ch'ichi kausayniykichejmanta llimphuchasqas kankichej. Tukuy qhasi mana kaj dioskunamantapis t'aqasqaykichej.

Ezequiel 47:11

Qhochi pampasninku juch'uy qochasninkupis mana jampisqaschu kanqanku, manachayqa k'ara yakuslla chaykunapi kanqa, kachita orqhonallapaj allin kanqa.

Daniel (hebreo) 11:33

Llajtapi kaj yachayniyojkunaqa, ashkha runasta yachaykuchenqanku. Chay yachayniyojkunatataj wakinta ruphachenqanku, wakinmantataj tiyapuyninta suwanqanku, wakinkunataj apasqas kanqanku. Pisi tiempollata ajina kanqa.

Daniel (hebreo) 11:35

Yachayniyojkunamanta wakin qhatiykachisqasllataj kanqanku. Ajina ñak'ariywan, paykunaqa llimphuchasqas, sumajyachisqas, yurajyachisqastaj kanankupaj, tukukuypaj wakichisqa rato chayamunankama.

Daniel (hebreo) 12:3

Yachayniyoj runasqa, janaj pacha jina lliphipiranqanku. Ashkha runasman cheqa kajta yachachejkunataj, wiñaypaj lliphirenqanku estrellas jina!

Oseas 14:9

Tukuy yachayniyojkuna, yuyayniyojkunapis kay willaymanta entiendechunku: Señorpa munakusqasnenqa cheqankunamin, justostaj chayta qhatinku; pero chay sajrata ruwajkunarí, paykunapi misk'akuspa urmanqanku.

Malaquías 3:3

Señor tiyakonqa Levéj wawasnin sacerdotesta sumajta llimphuchanampaj, imaynatachus ninapi qolqeta qoritapis llimphuchanku ajinata. Chanta paykuna Señorman ofrendankuta jaywayta atenqanku, imaynachus jaywana kaj ajinata.

Marcos 4:11

Jesustaj kuticherqa: Qankunaqa rejsinkichejña chay Diospa pakasqa reinonmanta. Jawapi kaj runasmanrí, rijch'anachinaswan yachachina tiyan.

San Lucas 24:25

Chantá pay nerqa: Ay, mana yuyayniyojkuna rumi sonqos, chay jinatapunichu mana creenkichej profetaspa tukuy nisqanta!

San Juan 18:37

Chaypacha Pilato payman nerqa: Chantá qan reychu kanki? Jesustaj kuticherqa: Qan ninki noqa rey kasqayta. Noqaqa chaypaj nacerqani, chaypajtaj kay mundoman jamorqani, cheqa kajmanta willanaypaj. Tukuy cheqa kajmanta kajrí, parlasqayta uyarin.

San Juan 7:17

Diospa munayninta ruwayta munajqa, yachachiyninta rejsenqa Diosmantachus, chayrí noqallamantachus kasqanta.

San Juan 8:47

Diospa wawasnenqa, Diospa palabranta uyarinku. Qankunataj mana uyariyta munankichejchu; mana Diospa wawasninchu kankichej.

1 Corintios 6:11

Ajina karqankichej qankunamanta wakin; kunanrí mayllasqasña kankichej, juchamanta llimphuchasqasña, allinyasqastaj Señor Jesuspa sutinrayku, Diosninchejpa Espiritunnejta ima.

2 Corintios 7:1

Munakusqasníy, imatachus Dios qosqaykichej nisqanqa tiyapuwanchej; chayrayku cuerponchejta, espiritunchejtapis llimphuchakuna tukuy ch'ichi kajmanta. Diosta manchachikuspa juchamanta t'aqakuna tukuy atisqanchejta.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Hebreos 12:10

Cheqamanta tatasninchejqa pisi p'unchaykunapaj, yuyayninkuman jina wanachiwaj kanchej; paytajrí, allinninchejpaj ruwan Diospa llimphu kayninmanta, chayaqeyoj kananchejpaj.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

1 Juan 5:20

Yachanchej Diospa Churin jamuspa yachayta qowasqanchejta, cheqa Diosta rejsinanchejpaj; cheqa Churimpitaj kananchejpaj. Pay cheqa kaj Diosqa, wiñay kausaytaj.

Apocalipsis 16:11

Janaj pacha Diospaj sajrata rimarqanku nanayninkurayku, ch'upusninkuraykutaj; manataj sajra ruwasqasninkumanta Diosman kutirikorqankuchu.

Apocalipsis 19:14

Janaj pachapi yupa soldadostaj sumaj awasqa, yuraj llimphu linowan p'achallisqas, payta yuraj caballospi qhatikusharqanku.

Apocalipsis 19:8

Chay warmimantaj Dios atiyta qorqa, sumaj awasqa ch'uwa lliphipej linowan p'achallikunampaj. Sumaj awasqa linoqa niyta munan ajllasqaspa allin ruwasqasninku.

Apocalipsis 22:11

Ch'aukiyajqa ch'aukiyachunraj; ch'ichi kajqa ch'ichiraj kachun; cheqan kajqa cheqanraj kachun; llimphu kajpis, aswan llimphu kachun.

Apocalipsis 3:18

Qanta umachayki noqamanta rantikunaykita ninapi ch'uwachasqa qorita, qhapaj kanaykipaj; rantikunaykitataj yuraj p'achata p'achallikunaykipaj, ama q'ala kasqaykej p'enqaynin rikukunampaj rantikunaykitataj; ñawisniykipaj ñawi jampinata, rikunaykipaj.

1 Samuel 24:13

Imaynatachus ñaupa runas nej kanku: Sajra ruwayqa sajra runasllamantataj jamun!, nispa. Chayrayku noqaqa ni jayk'aj makiytaqa contraykipi oqharisajchu.