Daniel (hebreo) 11:40 - Qheshwa Biblia DC

⁴⁰ Maypachachus tukukuy rato chayamonqa chaypachaqa, uraynejpi kaj rey jatarenqa, wichaynejpi kaj reypa contrampi. Kay kajtaj llojsispa, kaymanta jinalla tukuy atiywan yaykonqa, uraypi kaj reypa contrampi, carretaswan, caballería tropaswan, ashkha barcoswan ima. Jallp'asman yaykuspa junt'aykonqanku, chanta pasakaponqankutaj.

DIOSPA QHELQACHISQAN DEUTEROCANONICAL

⁴⁰ Chantá tukukuy tiempo chayamojtin, uraynejmanta kaj kuraj kamachej wichaynejmanta kaj kuraj kamachejpa contranpi llojlla para yaku jina junt'aykonqa. Wichaynejmanta kaj kuraj kamachejtajrí kaymanta jinalla tukuy atiywan llojsenqa, uraynejmanta kaj kuraj kamachejpa contranpi maqanakunapaj carretakunawan, caballopi purej soldadokunawan, ashkha barcokunawan ima.

DIOSPA QHELQACHISQ

⁴⁰ Chantá tukukuy tiempo chayamojtin, uraynejmanta kaj kuraj kamachej wichaynejmanta kaj kuraj kamachejpa contranpi llojlla para yaku jina junt'aykonqa. Wichaynejmanta kaj kuraj kamachejtajrí kaymanta jinalla tukuy atiywan llojsenqa, uraynejmanta kaj kuraj kamachejpa contranpi maqanakunapaj carretakunawan, caballopi purej soldadokunawan, ashkha barcokunawan ima.

Daniel (hebreo) 11:40 ပူးပေါင်းရင်းမြစ်များ

Isaías 21:1

Ch'in mar qochamanta imaynachus kananmanta willakun. Neguevmanta muyoj wayra jamun, ajinata, manchachikuy ch'in jallp'amanta jamun.

Isaías 5:28

Flechasninkoqa sumaj filochasqas, arcosninkoqa sumaj mat'isqas. Caballosninkoj chakisnenqa rumi jina, carretasninkoj ruedasnenqa muyoj wayraman rijch'akun.

Isaías 66:15

Señorqa ninawan jamonqa, carretasnenqa maqanakunapaj llojlla para jina jamonqa, manchay k'ajaj phiñakuyninwan jasut'inampaj. Ajinata paypa k'amiynenqa nina larway jina kanqa.

Jeremías 4:13

Qhawariychej, enemigosqa phuyu jina jamurishanku; ch'ajwapaj wakichisqa carretasninkoqa jatun muyoj wayraman rijch'akunku, caballosninkutaj ankasmantapis aswan sinch'i chakis kanku. Ay, imachus noqanchejqa chinkasqas kanchej!

Ezequiel 38:4

Noqa t'unaykusqayki, quijadasniykiman ganchosta churaspataj orqhomusqayki, chantá tukuy soldadosniykita, caballosta, chay sumachaj p'achallisqa caballospi purej soldadostawan. May ashkha soldados, manchay armasqas, espadasniyoj, tukuy laya escudosniyojtaj kanku.

Ezequiel 38:9

Qantaj chay jallp'aman chayaspa phuyu jina junt'aykunki, ashkha tropa soldadosniykiwan ashkha llajtasmanta qanwan tantakorqanku chaykunawan ima.

Daniel (hebreo) 11:10

Wichaypi kaj reypa wawasnintaj ch'ajwapaj wakichikonqanku, ashkha tropa soldadostataj tantaykuchenqanku. Paykunamanta ujnin kajtaj tropasninwan khuska ch'ajwata ruwaj yaykonqa uraypi kaj nacionman, uj phullchiraj mayu jina tukuyninta t'unaykuspa. Chaymanta ujtawan maqanakullanqataj, reypa sumaj jark'asqa wasinman chayanankama.

Daniel (hebreo) 11:11

Wichaymanta kaj reytaj yaykuspa, uraypi kaj reyta manchayta phiñarichenqa. Chay uraypi kaj reytaj ashkha chejnikoj soldadospa contranta maqanakoj llojsenqa, chanta tukuynintataj atipaykonqa.

Daniel (hebreo) 11:13

Wichaymanta kaj reyqa ujtawan ashkha soldadosta tantaykonqa, ñaupaj kajmantapis aswan ashkhata. Chanta qhepa watasmantaj ujtawan maqanakoj yaykullanqataj, sumaj wakichisqa ashkha soldadoswan.

Daniel (hebreo) 11:22

Contrampi sayaykoj atiyniyojkunata tukuyninta t'unaykonqa. Jinallatataj tratota ruwaj atiyniyoj kamachejtapis.

Daniel (hebreo) 11:25

Atiynimpi kallpacharikuspa umachakonqa, uraypi kaj reypa contranta, ashkha soldadosninwan rispa maqanakunampaj. Uraypi kaj reytaj kutichikuspa, maqanakuyman yaykonqa, may atiyniyoj ashkha soldadosninwan khuska. Manataj sayayta atenqachu, imaraykuchus kikin soldadosnillanmantataj reypa contrampi rikhurenqanku.

Daniel (hebreo) 11:35

Yachayniyojkunamanta wakin qhatiykachisqasllataj kanqanku. Ajina ñak'ariywan, paykunaqa llimphuchasqas, sumajyachisqas, yurajyachisqastaj kanankupaj, tukukuypaj wakichisqa rato chayamunankama.

Daniel (hebreo) 11:39

Pakakunapaj sinch'i ruwasqa wasista waqaychanampajqa jap'enqa, waj llajtamanta kaj lantita yupaychaj runasta. Chay reyta yupaychajkunamantaj jatumpi qhawachenqa, jatuchej kamachejkuna kanankupajtaj paykunata churanqa. Jallp'atapis paykunamanta, t'inkata jina rak'iranqa.

Daniel (hebreo) 11:7

Chay tukuywampis, kikin ayllunmanta ujnin kaj sayaykonqa, wichaymanta kaj soldadoswan maqanakunampaj, sumaj jark'asqa tiyakunanta jap'ikaponqa, atipanqataj.

Daniel (hebreo) 12:4

Qantaj Daniel, kay imastaqa sonqoykipi pakay, sellaykuytaj librota tukukuy p'unchay chayamunankama. Ashkha runas kayman jaqayman puriykachanqanku, astawan yachayta munaspa.

Daniel (hebreo) 12:9

Paytaj kutichiwarqa: Daniel, ñanniykita rillaypuni, kay imasqa pakayllapirajpuni kanqanku, tukuykuy p'unchay chayamunankama.

Daniel (hebreo) 8:17

Chanta Gabrielqa qayllaykamuwarqa. Noqataj mancharikuywan pampakama k'umuykorqani, paytaj niwarqa: Runa, yachay, chay mosqoypi jina rikhurisojqa niyta munan, p'unchaykunaj tukukuyninmanta.

Habacuc 3:14

Wañucherqanki chay kurajninkuta kikin wach'inasninllawantaj maypachachus chay maqanakojkunasnin caballosninkupi phinkiykorqanku sinch'i wayra jina ch'eqerachispa phiñasqas chay mana imawan jark'aykuyta atejkunata; jinamanta pakayllamanta wañuchinankupaj.

Zacarías 9:14

Señor ayllunman rikuchikonqa, flechasnintataj kacharenqa lliuj q'ajkunasta jina. Señor Dios putututa waqachispa, muyoj wayras chaupipi sur lado ñaupajman rirenqa.

Apocalipsis 16:12

Sojta kaj angeltaj Eufrates jatun mayuman copanmanta jich'aykorqa, yakuntaj ch'akiporqa, inti llojsimuynejmanta reyespaj ñan wakichisqa kanampaj.

Apocalipsis 9:16

Ejércitoj yupakuynintaj, caballospi rejkuna iskay pachaj millones karqanku. Noqataj uyarerqani paykunaj yupayninkuta.