Daniel (hebreo) 11:4 - Qheshwa Biblia DC

⁴ Pay sayarejtinkamataj, jatun nacionnin t'ustisqa kanqa, tawamantaj t'aqasqa kanqa. Chay reypa atiynenqa mirayninman mana qosqachu kanqa, manataj jatun nacionnimpis chhika atiyniyojchu kanqa ñaupajta jinaqa. Chaypajqa paymanta qhechusqaña kanqa, wajkunataj kamachenqanku paypa cuentanmanta.

DIOSPA QHELQACHISQAN DEUTEROCANONICAL

⁴ Chaywanpis suyun sumaj sayachisqaña kajtenqa, thuñisqa kanqa, chaymantataj tawaman t'aqasqa kanqa. Chay kuraj kamachejpa atiynenqa mana mirayninmanchu qosqa kanqa, nillataj suyunpis ñawpajta jina chhika atiyniyojchu kanqa, imaraykuchus t'aqasqaña kanqa, paypa cuentanmantataj wajkuna kamachenqanku.

DIOSPA QHELQACHISQ

⁴ Chaywanpis suyun sumaj sayachisqaña kajtenqa, thuñisqa kanqa, chaymantataj tawaman t'aqasqa kanqa. Chay kuraj kamachejpa atiynenqa mana mirayninmanchu qosqa kanqa, nillataj suyunpis ñawpajta jina chhika atiyniyojchu kanqa, imaraykuchus t'aqasqaña kanqa, paypa cuentanmantataj wajkuna kamachenqanku.

Daniel (hebreo) 11:4 ပူးပေါင်းရင်းမြစ်များ

Salmos 39:6

Tukuy runasqa uj llanthu jina pasapunku. Cheqallamanta llakikuywan qhapajyanankupaj tantasqankupis qhasillapaj, nitaj yachankuchu pipajchus kananta.

Eclesiastés 4:8

Uj sapan kaj runaqa mana yanapayniyoj, ni jayk'aj samarikunchu ima ruwaymantapis, qhapajyayninta qhawaspallapuni mana sayk'unchu, nitaj tapurikunchu: Pipajtaj kay jinata llank'ashaniri, almayta allin imasmanta ch'aukiyaspari?, nispallapis. Chaypis qhasi mana kajlla, qhasi mana kajpajtaj llank'arqa.

Jeremías 12:15

Jinapis, wijch'uytawankamaqa paykunamanta khuyakullasajtaj wasisninkuman kutichimuspa, kikin jallp'ankuman.

Jeremías 12:17

Chaywampis, mana kasukoj naciontaqa saphinmanta t'iraytawan chinkachisaj. Noqa Señor chaytaqa nini.

Jeremías 18:7

Ima ratollapis munayman sik'iyta, urmachiyta, nacionta, chayri reinotapis atillayman phiriyta.

Jeremías 31:40

Tukuynin valle maypichus wañusqasta p'ampanku, ushphatataj qhallinku chaykuna, Cedrón mayu chay patapi tukuy kaj campospis, caballospa yaykunan punkun esquinakamataj, inti llojsimuynejmanqa noqapaj t'aqasqas kanqanku, chay tukuytaj manaña jayk'ajpis urmachisqaschu, nitaj tukuchisqaschu kanqanku.

Jeremías 45:4

Ajinata nin Señorqa, qanta niyki: Sayachisqayta noqa urmachini, plantasqaytataj t'irani. Ajinallatataj ruwasaj tukuy jallp'api kajkunawan.

Jeremías 49:36

Kay llajtaman tawantin cheqanejmanta apachimusaj sinch'i wayrata, tukuynejman ch'eqerachinampaj, mana uj llajtallapis puchonqachu mana ayqekusqankoqa.

Ezequiel 37:9

Chaypacha Señorqa niwarqa: Sutiypi kausay samayman niy: Señorqa kay jinata nin: Kausay samay, tawantin ladosmanta jamuy, wañusqasman kausayta samaykuy, kausanqankutaj.

Daniel (hebreo) 7:6

Kinsa kaj animaltaj rijch'akorqa tigreman, wasampi tawa lijrasniyoj karqa. Chantapis tawa umayoj karqa, paymantaj atiy qosqa karqa.

Daniel (hebreo) 7:8

Chay wajrasta qhawashaspataj rikorqani uj aswan juch'uy wajritata p'utumojta chay ujkunaj chaupinkumanta, chanta sik'irarqanku kinsa wajrasta, qhepata p'utumoj wajritaman campota qonankupaj. Chay juch'uy wajritaj ñawisnintaj runaj ñawisninman rijch'akorqanku, jatun jatunmanta parlaj simiyojtaj karqa.

Daniel (hebreo) 8:22

Chay jatun wajra p'akikojtinkama, cuentanmanta tawa wajras llojsiramorqanku chaykunaqa, niyta munan, kay nacionmanta tawa nacionkunaman t'aqakonqanku. Chaykunataj mana ñaupaj kaj jina atiyniyojchu kanqanku.

Daniel (hebreo) 8:8

Chivoqa manchayta jatunchakorqa, kallpampipuni kashajtintaj jatun wajranqa p'akirpayakorqa, chaynejllamantataj tawa wajras llojsiramorqanku, puntasnintaj tawantin ladosman qhawashaj karqanku.

Zacarías 2:6

Noqa Señorniykichej nillaykichejtaj: Noqamin qankunata tukuynejman ch'eqeracherqaykichej. Kunantaj niykichej: Usqhayta ayqekuychej jaqay uray llajtamanta. Sión orqopi tiyakorqankichej, kunantaj maypichus wijch'usqas kashankichej chay Babiloniamanta ayqellaychejtaj. Noqa Señormin kayta nini.

Zacarías 6:5

Angeltaj kutichiwarqa: Chaykunaqa tawa wayras kanku, Señorpa ñaupaqenmanta tukuy jallp'aman llojsejkuna.

San Mateo 12:25

Jesustaj imatachus yuyasqankuta yachaspa, nerqa: Mayqen reinollapis t'aqanaku kajtenqa chinkapun. Jinallatataj uj llajtapi, chayrí familiapipis t'aqanaku kanman chayqa, chinkapullantaj.

San Lucas 12:20

Diostaj payman nerqa: Wampu, kunan ch'isipacha almaykita mañaj jamonqanku; pipajtaj kanqa chay tantasqaykiri?

Apocalipsis 7:1

Kay imas qhepata rikorqani tawa angelesta, jallp'aj tawantin cantompi sayashajta. Paykunataj jallp'aj tawantin wayrasta jark'asharqanku, ama ima wayra jallp'a pataman wayramunampaj, nitaj mar qocha pataman, nitaj ima sach'a patamampis.