Daniel (hebreo) 1:17 - Qheshwa Biblia DC

¹⁷ Kay tawa waynasmantaj Dios qorqa sumaj yachaysapa umata, tukuy laya librosmanta yachayta, tukuy sumaj yachaytataj. Chantapis Daniel yachallarqataj rikuykunata, mosqoykunatawan sut'inchayta.

DIOSPA QHELQACHISQAN DEUTEROCANONICAL

¹⁷ Chantá Diosqa chay tawa waynakunaman sumaj yachayta, yuyayniyoj kayta ima qorqa, imaymana qhelqakunata rejsinankupaj chantá entiendenankupaj ima. Chantapis Diosqa Danielman yachayta qollarqataj mosqoypi jina rikuykunata, mosqoykunatapis sut'inchananpaj.

DIOSPA QHELQACHISQ

¹⁷ Chantá Diosqa chay tawa waynakunaman sumaj yachayta, yuyayniyoj kayta ima qorqa, imaymana qhelqakunata rejsinankupaj chantá entiendenankupaj ima. Chantapis Diosqa Danielman yachayta qollarqataj mosqoypi jina rikuykunata, mosqoykunatapis sut'inchananpaj.

Daniel (hebreo) 1:17 ပူးပေါင်းရင်းမြစ်များ

1 Reyes 3:12

Chayrayku imatachus mañakusqaykita ruwaniña, qoykiña jatun yachayniyoj sonqota, yuyayniyoj kaytapis, imaraykuchus mana ujpis karqachu qan jinaqa, nitaj qanmanta qhepamampis kanqañachu qan jinaqa.

1 Reyes 3:28

Israelmanta tukuynin runastaj astawan manchachikorqanku, rey chay jina k'achatapuni justiciata ruwasqanta uyarispa, imaraykuchus paykuna rikorqanku Diospa yachaynin paypi kasqanta justiciata ruwanampaj.

2 Crónicas 1:10

Kunanqa mañayki yachayta ashkhata qonawaykita, yuyaytapis kay aylluta kamachiyta atinaypaj. Pitaj kamachiyta atinman kay jatun aylluykitari?

2 Crónicas 1:12

Qosqayki yachayta, yuyaytawan. Qollasqaykitaj qhapaj kaytapis, kapuyniyoj kaytapis, allin qhawasqa kaytapis, qanmanta ñaupaj kajkuna reyespata mana kaporqachu, nitaj qanmanta qhepaman kaj reykunajtapis kanqachu.

2 Crónicas 26:5

Zacarías kausashajtenqa Diosta mask'aj churakorqa. Zacariasqa yachacherqa Diosta manchachikuna kasqanta. Diospa qayllampi kanankama, Señorqa payta yanaparqa.

Job 32:8

Cheqamanta tukuy runas yachayniyoj kanku, chay unanchaytaqa Tukuy Atiyniyoj samaykuspa qorqa.

Proverbios 2:6

Señormin qon yachaytaqa; tukuy yachaykuna, sumaj yuyayniyoj kaypis simimanta llojsimun.

Eclesiastés 2:26

Diosqa pichus payta kusichejman yachayta qon. Jinallataj rejsiyta, kusikuytawan. Juchasapamanri Diosqa saqellan tukuy imasta tantajta, qhapajyajtapis, pichus Diosta kusichejman qonampaj. Chaypis qhasi mana kajlla, wayra jap'ikuy jinallataj.

Isaías 28:26

Diosmin chayta yachachin imaynatachus ruwananta.

Ezequiel 28:3

Danielmantapis aswan yachayniyoj kasqaykita yuyakunki. Tukuy pakaypi kaj imastapis yachasqaykita yuyakunki.

Daniel (hebreo) 1:18

Rey señalarqa uj tiempota chay waynasqa ñaupaqenman pusasqas kanankuta. Chay tiempo junt'akojtinña, palaciopi sirvejkunaj kurajnin paykunata pusarqa reypa ñaupaqenman.

Daniel (hebreo) 1:20

Tukuy ima yachaymanta, rejsiymantawan rey paykunata tapojtin, chunka kutiwan jina yachayniyoj paykuna karqanku, reinompi kaj chay tukuynin yachaysapa, runasninmanta, yatirisninmantawan ima.

Daniel (hebreo) 10:1

Persiamanta kaj Ciro, kinsa watataña rey kashajtin, Daniel Beltsasar nisqa, uj palabrata uyarisqa; chay palabrataj cheqapuni karqa. Imatachus niyta munasqataj mana yachayta atinapaj jinachu karqa. Chay tukuywampis, Danielqa, sumajta chay palabrastaqa unancharqa, yacharqataj imatachus niyta munasqanta.

Daniel (hebreo) 2:19

Chay tutapi Danielman, chay mana yachay atina pakasqa mosqoyqa sut'inchasqa karqa uj rikuypi, chaymanta janaj pachapi kaj Diosta Daniel yupaycharqa, kay palabraswan: Diospa sutenqa wiñaynintinkama yupaychasqa kachun, imaraykuchus yachayqa, atiypis paypata kanku.

Daniel (hebreo) 2:21

Paymin tiemposta, watastapis waj jinaman tukuchin, reyesta qhechun sayachinta. Yachayta qon yachayniyojkunaman, aswan rejsiytataj tukuy imata rejsejkunaman.

Daniel (hebreo) 2:23

Tatasniypa Diosnin, qanman graciasta qoyki, yupaychaykitaj. Qan yachayniyojta ruwawanki, kallpachawankitaj. Kunantaj sut'ita rikuchiwanki imatachus mañakususqaykuta. Rikuchiwaykuñataj imatachus rey yachayta munasharqa chaytapis.

Daniel (hebreo) 2:30

Noqamampis kay mana yachay atina pakasqa kajta Dios rikuchiwarqa. Manamin tukuy runasmanta aswan yachayniyoj kasqayraykuchu, mana chayqa reyman sut'ita willanaypaj, imatachus niyta munasqanta chay mosqoynin, ajinamanta reyqa yachanampaj imastachus sonqompi yuyaychakusharqa chay imasmanta.

Daniel (hebreo) 4:6

Chantá kamacherqani Babiloniapi kaj tukuynin yachayniyoj runakuna watukoj jamunawankuta, sut'inchanawankutataj chay mosqoyniy imastachus niyta munasqanta.

Daniel (hebreo) 5:14

Dioskunaj espíritun qanwan kasqanta niwanku, sut'i yuyayniyoj kasqaykita, sumaj umayoj, may yachayniyojtaj kasqaykita.

Daniel (hebreo) 7:1

Uj tuta, Belsasar ñaupaj watata Babiloniapi rey kashajtin, Danielqa mosqoynimpi jina ashkha imasta rikorqa. Rijch'arispataj chay ratopacha qelqaykorqa mosqoynimpi rikusqasninta. Kaytaj chay qelqasqanqa: Noqa rikorqani mosqoyniypi, tawantin wayras janaj pachamanta phukumuspa, jatun qhochapi kaj yakusta qhollch'uqachejta.

Daniel (hebreo) 8:1

Rey Belsasar kinsa watataña kamachishajtin, noqa Daniel ñaupaj rikusqaymanta qhepata ujtawan rikullarqanitaj.

San Lucas 21:15

Noqa yachayta qosqaykichej parlanaykichejpaj; chay parlasqaykichejtataj enemigosniykichejqa, mana atipayta, nitaj kutichikuytapis atenqankuchu.

Hechos 6:10

Estebanta mana atipayta aterqankuchu. Payqa yachaywan Espirituwan parlasharqa.

Hechos 7:10

Diosqa, Joseta tukuy llakiyninmanta orqhorqa. Allin rijch'ayta, yachaytawan qorqa, egipcio reypa ñaupaqempi; paytaj churarqa Egiptota kamachinampaj, ajinallatataj wasimpipis kamachinampaj.

Hechos 7:22

Moisesqa yachachisqa karqa Egipto runaspa tukuy yachachiyninkupi. Chayraykutaj atiyniyoj karqa parlasqampi, ruwasqampi ima.

Colosenses 1:9

Chayrayku noqaykoqa qankunamanta uyarisqaykumantapacha, mana saqeykuchu Diosmanta mañakuyta, Diospa munayninta rejsispa junt'a kanaykichejpaj tukuy laya yachaywan, espiritupi unanchaywampis.

Santiago 1:17

Tukuy ima allin t'inka, imatapis ruwayta yachaytaj patamanta jamun, k'anchay Tatamanta. Payqa kikillampuni, manataj paypi ima llanthullapis kuyurej kanchu.

Santiago 1:5

Mayqellampis qankunamanta mana yachayniyoj kanman chayqa, Diosmanta mañakuchun. Dios qon tukuyman ashkhamanta mana k'amispalla. Cheqamanta chay yachayqa payman qosqa kanqa.