Apocalipsis 6:14 - Qheshwa Biblia DC

¹⁴ Cielotaj ithirikaporqa, imaynatachus uj escribisqa papel k'uyuykukun ajinata. Tukuy orqotaj, yaku pata churu jallp'aspis, kasqankumanta kuyurerqanku.

DIOSPA QHELQACHISQAN DEUTEROCANONICAL

¹⁴ Janajpis papel jina k'uyukuspa, chinkariporqa. Tukuy orqokunataj, mama qochapi churukunapis kasqankumanta kuyurichisqa karqanku.

DIOSPA QHELQACHISQ

¹⁴ Janajpis papel jina k'uyukuspa, chinkariporqa. Tukuy orqokunataj, mama qochapi churukunapis kasqankumanta kuyurichisqa karqanku.

Quechua South Bolivia: Dios Parlapawanchej

¹⁴ Cielo lliq'iska chincachiskataj, uj kelka c'uyujina c'uyuycuska carka. Tucuy orkos tucuy yacuwan muyuycuska jallp'aspis lugarnincumanta cuyuchiskas carkancu.

Apocalipsis 6:14 ပူးပေါင်းရင်းမြစ်များ

Salmos 102:26

Tukuy kay imasqa chinkaponqanku, qantaj wiñaypaj sayanki, tukuy chay imastaj p'acha jina thantakunku, qantaj p'achata jina mudanki, mudasqataj kanqanku.

Isaías 34:4

Cielopi qoyllurkunapis chinkaraponqanku, cielopis papel jina mayt'uykukonqa, tukuy qoyllurkuna urmaramonqanku, uva sach'aj qawisqa laphisnin urmaran jinata, chayri higospa laphisnin jina.

Isaías 54:10

Khuyakoj Señorniykeqa nisunki: Tukuy orqosqa kuyurenqanku, lomaspis kharkatitenqanku; munakuyniyrí qanmantaqa manapuni t'aqakusonqachu, sonqo tiyakuy tratota ruwasqanchejpis manapuni p'akikonqachu.

Jeremías 3:23

Cheqamanta mana imapaj allinchu karqa orqo puntasman wicharisqaykoqa, nitaj chay orqospi qhaparqachasqaykupis. Señor Diosnillaykupimin Israelqa salvacionta tarin.

Jeremías 51:25

Noqa qampa contraykipi kashani, t'unaraj orqo. Qan tukuy nacionesta t'unaranki. Jasut'inasuypaj makiyta oqharisaj, chay pata chhankasmantapacha urmaykuchimusqayki, uj ruphasqa orqomantaj tukuchisqayki.

Ezequiel 38:20

Chaypacha mar qochapi kaj challwas, tukuy kaj p'isqos, campopi kaj animales, pampaspi qhatatikuspa purej kataris, tukuy jallp'antimpi kaj runastaj ñaupaqeypi kharkatitenqanku. Jatuchaj lomas urmanqanku, tukuy perqastaj thuñikuspa pampaman urmanqanku.

Nahúm 1:5

Paypa ñaupaqempeqa orqos kharkatirinku, chay lomaspis unuyallankutaj ñaupaqempeqa. Tukuy jallp'antin kharkatirin Payta qawaspaqa, kay pachapi tiyakojkunapis kharkatitillankutaj.

Habacuc 3:10

Orqosqa kharkatitinku rikususpa, parapis patamanta ima jina jich'akun, chantá mama qochaj ukhu pachampis manchayta ch'ajwarin patampi jatuchej olas oqharikojtin.

Habacuc 3:6

Jallp'aqa kharkatitin, Pay sayaykojtenqa, qhawajtimpis chay naciones kharkatitinku; chay ñaupa orqosnenqa urmaykunku; chay ñaupa orqospis pampachakunku; chaywampis, Diospa ñankunasnenqa wiñaypaj kanku.

2 Pedro 3:10

Señorpa p'unchaynenqa chayamonqa uj suwa jina. Chaypachataj, janaj pachakuna manchay jatun thuñikuywan tukuchisqas kanqanku, tukuy ima kajtaj larwaspa chinkarenqa; chaypacha tukuy ima ruwasqasninwan q'olasqa kanqa.

Apocalipsis 16:20

Tukuy churu jallp'a ayqerqa, orqostaj chinkarerqanku.

Apocalipsis 20:11

Rikorqanitaj uj jatun yuraj tronota, chaypi tiyasqa kashajtawan. Paypa ñaupaqenmantataj kay pacha, janaj pachapis ayqerqanku, manañataj ni mayman riyta aterqankuchu, chinkarerqankutaj.

Apocalipsis 21:1

Uj mosoj janaj pachata, uj mosoj jallp'atawan rikorqani. Ñaupaj kaj janaj pachaqa, ñaupaj kaj jallp'apis chinkarerqankuña, mar qochapis manaña karqachu.