Apocalipsis 22:4 - Qheshwa Biblia DC

⁴ Uyanta rikonqanku, sutintaj frentesninkupi kanqa.

DIOSPA QHELQACHISQAN DEUTEROCANONICAL

⁴ Paykuna Diospa uyanta rikonqanku, sutintaj mat'inkupi qhelqasqa kanqa.

DIOSPA QHELQACHISQ

⁴ Paykuna Diospa uyanta rikonqanku, sutintaj mat'inkupi qhelqasqa kanqa.

Quechua South Bolivia: Dios Parlapawanchej

⁴ Paycunataj uyanta riconkancu. Sutintaj frentencupi kelkaska canka.

Apocalipsis 22:4 ပူးပေါင်းရင်းမြစ်များ

Job 33:26

Diosmanta mañakonqa, Paytaj uyarenqa; kusiywan Diostaqa uyapura qhawarenqa, runasmantaj Diospa khuyakuyninta willanqa.

Salmos 17:15

Noqaqa cheqamanta kusisqa qhepakusaj, uyaykita qhawarispa, rijch'ayniykipi rijch'arisqa rikukuspa.

Salmos 4:6

Ashkhas kay jinata ninku: Pitaj kusikuyta rikuchiwasunri? Rikuchiwayku Señor uyaykej k'anchayninta.

Salmos 42:2

Kausaj Diosmanta ch'akichikuni. Mayk'ajtaj Diospa ñaupaqenman chayasajri?

Isaías 33:17

Uj reyta sumaj lliphipishajta rikunki, jallp'aj mojonesnintaqa karukama rikunki.

Isaías 35:2

Chay ch'in pampaqa qhallallarispa t'ikanqa, mayta kusikuspataj takenqanku. Líbano orqo jina may k'achitu kanqa, Carmelo jallp'as, Sarón jallp'as jinataj sumajta poqoj jallp'as kanqa. Ajinamanta paykunaqa Señorpa atiyninta rikonqanku, Diosninchejpa k'acha kaynintawan.

Isaías 40:5

Chaypi Señorpa atiynin rikuchisqa kanqa. Tukuy runataj rikonqanku, imaraykuchus kaytaqa kikin Señormin nin.

Ezequiel 33:23

Señorqa parlamuwaspa niwarqa: Runa, Israelpa jallp'an ch'in pampaman tukuchisqa karqa chaypi tiyakoj runasqa kay jinata parlashanku: Abrahamqa sapallan karqa, chaywampis kay jallp'ata jap'ikaporqa. Noqanchejtaj ashkha kanchej, chayrayku kay jallp'aqa noqanchejpataña.

San Mateo 5:8

Kusikuyniyoj kanku llimphu sonqoyojkunaqa, imaraykuchus paykunaqa Diosta rikonqanku.

San Juan 12:26

Pillapis munayniyta ruwajqa qhepayta jamuchun; maypichus noqa kasaj, chayllapitaj paypis kanqa. Tataytaj chay munayniyta ruwajta jatumpi jap'enqa.

San Juan 17:24

Tatáy, munani qowasqayki yachachisqasqa, maypichus noqa kashani, chaypi noqawan kanankuta. Janaj pacha k'anchayta qowasqaykitapis rikunankupaj. Kay mundo manaraj ruwasqa kashajtin, munakuwarqankiña.

1 Corintios 13:12

Kunanqa rikunchej espejopi jina chharpullata; qhepamantaj uyapura rikunakusunchej maychus kajta. Kunanqa wakillantaraj rejsini, qhepamantaj allinta rejsisaj, imaynatachus Dios noqata rejsiwan ajinata.

Hebreos 12:14

Allin kausayta tukuywan mask'aychej, llimphu kaytapis, mana chaywanqa, mana pipis Señorta rikonqachu.

Apocalipsis 14:1

Chantá rikorqanitaj Corderota Sión orqo patapi sayashajta, paywantaj kashajta pachaj tawa chunka tawayoj waranqa runasta. Paykunaj frentesninkupitaj paypa sutin, Tatampa sutin ima escribisqa karqa.

Apocalipsis 3:12

Atipajtaqa uj pilarta jina sayachisaj Diosniypa wasimpi, ama jayk'aj jawaman llojsinampaj, Diosniypa sutintataj paypi escribisaj, Diosniypa llajtampa sutintawan. Chayqa mosoj Jerusalén. Chaytaj janaj pachamanta uraykamun, Diosniypamanta, mosoj sutiywantaj.

Apocalipsis 7:3

Nerqataj: Ama imanaychejchu jallp'ata, nitaj mar qochata, nitaj sach'astapis, Diosninchejpa kamachisninta frentesninkupi sellanaykukama.