Apocalipsis 20:4 - Qheshwa Biblia DC

⁴ Tronostataj rikorqani. Chaykuna patapitaj tiyaykukorqanku pikunachus atiyta jap'erqanku juzganankupaj, chaykuna. Uman qholusqakunaj almasnintapis rikullarqanitaj, pikunachus Jesusmanta, Diospa palabranmantawan willarqanku, chaykunata. Paykunaqa phiña animalta mana yupaycharqankuchu, nitaj lantintapis, nitaj frentesninkupi, nitaj makisninkupipis marcata jap'erqankuchu. Chaykunaqa kausarqanku, kamacherqankutaj Cristowan waranqa watata.

DIOSPA QHELQACHISQAN DEUTEROCANONICAL

⁴ Rikullarqanitaj kamachina tiyanakunata, chaykunapitaj tiyakusharqanku, pikunachus juzganankupaj atiyta jap'erqanku, chaykuna. Umanku qholusqa kajkunaj almankutapis rikullarqanitaj, pikunachus Jesusmanta, chantá Diospa simi nisqanmanta ima willasqankurayku wañuchisqa kasqanku, chaykunata. Paykunaqa sierpeta, lantintapis mana yupaychasqankuchu, manallataj mat'inkupi, chayrí makinkupipis marcanwan marcachikusqankuchu. Kunantajrí paykuna kawsarimpuspa, Cristowan khuska waranqa watata kamacherqanku.

DIOSPA QHELQACHISQ

⁴ Rikullarqanitaj kamachina tiyanakunata, chaykunapitaj tiyakusharqanku, pikunachus juzganankupaj atiyta jap'erqanku, chaykuna. Umanku qholusqa kajkunaj almankutapis rikullarqanitaj, pikunachus Jesusmanta, chantá Diospa simi nisqanmanta ima willasqankurayku wañuchisqa kasqanku, chaykunata. Paykunaqa sierpeta, lantintapis mana yupaychasqankuchu, manallataj mat'inkupi, chayrí makinkupipis marcanwan marcachikusqankuchu. Kunantajrí paykuna kawsarimpuspa, Cristowan khuska waranqa watata kamacherqanku.

Quechua South Bolivia: Dios Parlapawanchej

⁴ Ricorkani camachina tiyanasta. Tiyanaspi tiyaska cajcunamantaj camachinancupaj atiy koska carka. Ricorkani atipajcunaj almasnincuta. Paycunaka millay animalta ni rijch'acuynintapis yupaycharkancuchu. Nitaj frentencupi chayrí maquincupi millay animalpa sutinwan marcachicorkancuchu. Waquenka Jesuspi jap'icuskancumanta willaskancuraycu Diospa niskanraycupis wañuchiskas carkancu. Paycunataj causarimuspa Cristowan cusca waranka watata camacherkancu.

Apocalipsis 20:4 ပူးပေါင်းရင်းမြစ်များ

Daniel (hebreo) 2:44

Chay reykuna kamachishajtinkutaj, janaj pachapi kaj Dios uj reinota sayarichenqa, chaytaj mana jayk'ajpis t'unasqachu kanqa manataj mayqen reinopis payta atipanqachu. Tukuynin waj reinosta tukuchenqa, chay atipaj reinotajrí wiñaypaj sayanqa.

Daniel (hebreo) 7:18

Chay qhepatataj reinoqa, jatun atiyniyoj Diospa ayllunman qosqa kanqa, paypatataj kanqa wiñaynintimpaj.

Daniel (hebreo) 7:22

Chanta Ancianoqa chayamuspa jatun atiyniyoj Diospa ayllunta cheqanyacherqa, imaraykuchus p'unchaykuna junt'akorqankuña Diospa ayllun reinoman yaykupunampajqa.

Daniel (hebreo) 7:27

Kay jallp'api tukuynin llajtaspa reinosninku, atiyninku, jatun kayninkupis, jatun atiyniyoj Diospa ajllakusqan aylluman qopusqa kanqanku. Chay kamachinantaj wiñaypaj sayanqa, kay pachapi kaj tukuynin llajtakunataj paytaqa sirvenqanku, kasukonqankutaj.

Daniel (hebreo) 7:9

Qhawallarqanipuni, tronosta churanankukama. Uj ancianotaj tiyarikorqa. Paypa p'achantaj rit'i jina yuraj, umampi kaj chujchantaj llimphu millma jina karqa. Tronoqa ruedasnimpis larwaj nina jina karqanku, ñaupaqenmantataj uj nina mayu llojserqa. Waranqa waranqastaj payta sirverqanku, millones millonestaj paypa ñaupaqempi sayarasharqanku. Juezqa tiyarikorqa juzgayta qallarinampaj, librostaj kicharisqas karqanku.

Malaquías 4:5

Elías profetata kachamusqaykichej, Señorpa p'unchaynin manaraj chayamushajtin, mayqenchus uj jatun p'unchay kanqa, ancha manchachikunataj.

San Mateo 19:28

Jesustaj paykunaman nerqa: Cheqamanta niykichej, tukuy ima mosojman tukojtin, Runaj Churin k'anchay tronompi tiyaykukojtintaj, qankunapis noqawan khuska purisqaykichejrayku, chunka iskayniyoj tronospi tiyaykukullankichejtaj, chunka iskayniyoj Israelpa ayllusninta juzganaykichejpaj.

San Mateo 24:10

Chaypacha ashkhas misk'anqanku, wakinkuna purajmanta ch'atanakonqanku, chejninakonqankutaj.

Marcos 6:16

Herodestaj, Jesuspa ruwasqasninmanta uyarispa nerqa: Kayqa Juan Bautistapuni. Noqa paypa umanta qholucherqani, kunanrí wañusqamanta kausarimpusqa.

Marcos 6:27

Herodestaj chay kikimpacha uj soldadota kacharqa, Juampa umanta apamunampaj.

Marcos 9:11

Chaymantataj Jesusta taporqanku: Imaraykutaj leymanta yachachejkuna ninku Eliasraj ñaupajta jamunan kasqanta?

San Lucas 1:17

Señorpa ñaupaqempi purenqa, profeta Eliaspa espiritunwan, atiywan ima; tatasta wawasninkuwan allinyachispa, mana kasukojkuna kasukuyta yachanankupaj. Ajinata, runasta allinta wakichenqa Señorta recibinankupaj.

San Lucas 14:14

Chaywanqa aswan kusikuyniyoj kanki; imaraykuchus paykunaqa mana kutichipusuyta atenqankuchu; cheqan runaspa kausarimuynillampiña t'inkaykita jap'ikapunki.

San Juan 14:19

Uj chhikamantawan mundoqa mana rikuwanqañachu; qankunarí rikuwankichej. Noqa kausasqayrayku, qankunapis kausankichej.

Romanos 11:15

T'aqasqa kasqankuchus, runakunapaj Dioswan allinyakuy kanman chayqa, imaynataj kanqa Diosman kutirikuyri. Manachu chayqa wañusqamantaña kausarimuy kanman?

Romanos 8:17

Paypa wawasnin kanchej chayqa, chayaqeyoj kanchej. Diosmanta chayaqeyojña kaspataj, Cristowan khuska chayaketa jap'isunchej. Imaynatachus Cristowan khuska ñak'arinchej chayqa, paywan khuskallataj janaj pacha k'anchaypi wiñaypaj kasunchej.

2 Timoteo 2:12

Paywan khuskachus ñak'arisun chayqa, paywan khuskallataj reinopi kamachisunchej. Sichus Cristota qhesachasun chayqa, paypis qhesachallawasuntaj.

Apocalipsis 1:2

Juanqa willarqa chay tukuy imata rikusqanmanta, Diospa palabranmanta, Jesucristoj willasqanmantawan.

Apocalipsis 1:9

Noqa, Juan, hermanoykichej, qankunawan khuska llakiypi, Jesucristoj reinompi, pacienciampitaj chayaqeyoj kani. Patmos nisqa churupi kasharqani Diospa palabranmanta, Jesucristomantawan willasqayrayku.

Apocalipsis 11:11

Kinsa p'unchay khuskanniyoj qhepatataj, Diospa kachamusqan kausaj espíritun paykunaman yaykorqa, chakisninkuwantaj sayarerqanku. Paykunata rikojkunarí anchatapuni mancharerqanku.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Apocalipsis 11:3

Noqataj iskay rikojkunata kachamusaj, yana qhashqa p'achawan p'achallisqasta. Paykunaqa waranqa iskay pachaj sojta chunkayoj p'unchaykunata noqamanta sut'inchanqanku.

Apocalipsis 11:7

Willayta tukojtinkuña, supayqa phiña animal jina, ukhu pacha pujyumanta wicharimuspa paykunawan maqanakonqa, atipanqa paykunata, wañuchenqataj.

Apocalipsis 12:11

Paykunaqa atiparqanku Corderoj yawarninrayku, Diospa palabranta willasqankurayku, pisipitaj kausayninkuta jap'isqankurayku wañunankukama.

Apocalipsis 14:11

Ñak'ariyninkoj q'osñintaj wiñaypaj wicharin. Chay phiña animalta, lantintapis yupaychajkunaqa, mana tuta p'unchay samankuchu, nillataj sutimpa marcanta churachikojkunapis.

Apocalipsis 15:2

Rikullarqanitaj vidriomanta jina uj mar qochata ninawan chajrusqata. Ajinallatataj rikorqani phiña animalta atipajkunata, lantintawan, marcantawan, sutimpa yupaynintawan vidriomanta mar qocha patapi sayashajta, Diospa arpasnin jap'irisqas.

Apocalipsis 17:8

Chay rikusqayki phiña animalqa karqa, manataj kanchu. Ukhu pachamanta wicharimonqa, chinkaymantaj renqa. Jallp'a patapi tiyakojkunataj, pikunaj sutisninkuchus kausay libropi mana escribisqachu kashanku kay mundoj qallariyninmantapacha, phiña animalta rikuspa t'ukonqanku. Chay animaltaj karqa, manataj kanchu, kanqataj.

Apocalipsis 2:26

Atipajmanqa, ruwasqasniyta tukukunankama waqaychajman ima, atiyta qosaj nacionesta kamachinampaj.

Apocalipsis 20:6

Kusikuyniyojmin ajllasqataj ñaupaj kaj kausarimuypi chayaqeta jap'ejqa. Iskay kaj wañoyqa manaña paykunapaj atiyniyojchu, astawanqa, paykuna Diospaj, Cristopajwan sacerdotes kanqanku, paywantaj waranqa watata kamachenqanku.

Apocalipsis 22:5

Chaypitaj tuta mana astawan kanqañachu. Manataj k'anchanaj k'anchayninta necesitanqankuñachu, nitaj intej k'anchaynintapis. Diosqa Señortaj k'anchaykonqa paykunata; wiñay wiñaypajtaj paykuna kamachenqanku.

Apocalipsis 3:21

Atipajtaqa noqawan tronoypi tiyachisaj. Noqapis atiparqani, chayrayku Tataypa tronompi tiyaykukorqani.

Apocalipsis 4:4

Chay tronoj muyuynimpitaj, iskay chunka tawayoj tiyanas karqanku. Chay tiyanas patapitaj iskay chunka tawayoj kuraj runasta rikorqani tiyasqasta, yuraj p'achawan p'achallisqasta, umasninkupi qori pillusniyojtataj.

Apocalipsis 6:9

Phishqa kaj sellota kicharejtintaj, altar urapi almasta rikorqani, pikunachus wañorqanku Diospa palabranrayku, payta rejsichisqankuraykutaj.

Apocalipsis 7:3

Nerqataj: Ama imanaychejchu jallp'ata, nitaj mar qochata, nitaj sach'astapis, Diosninchejpa kamachisninta frentesninkupi sellanaykukama.