Apocalipsis 2:3 - Qheshwa Biblia DC

³ Pacienciawan ñak'arerqanki sutiyrayku mana sayk'uspa.

DIOSPA QHELQACHISQAN DEUTEROCANONICAL

³ Qanqa noqarayku pacienciakorqanki, jinallataj kasuwasqaykirayku mayta ñak'arichisqa kaspa, mana llawch'iyarqankichu.

DIOSPA QHELQACHISQ

³ Qanqa noqarayku pacienciakorqanki, jinallataj kasuwasqaykirayku mayta ñak'arichisqa kaspa, mana llawch'iyarqankichu.

Quechua South Bolivia: Dios Parlapawanchej

³ Llaquichiska caspa Diospipuni confiacunqui. Nokajta caskayquiraycu muchorkanqui manataj sayc'ucorkanquichu. Chay tucuyta kanmanta yachani.

Apocalipsis 2:3 ပူးပေါင်းရင်းမြစ်များ

Salmos 37:7

Ch'in kakuy Señorpa ñaupaqempi. Suyakuy pacienciawan pay yanapanasunta. Ama phiñakuychu kausaypi allin risqanmanta, nitaj sajrata wakichikojkunamantapis.

Salmos 69:7

Chejnikuwasqankutaqa qanrayku ch'inmanta aguantani. P'enqaywan mana yachanichu maymanchus uyayta churanayta.

Miqueas 7:9

Señorpa contrampi juchallikuni, chayrayku phiñakuyninta ñak'arillasaj; chaykamaqa. Pay justiciata ruwawanqa juchayoj kasqaymantaqa. Señor pusawanqa k'anchayman rikuchiwanqataj atipayninta.

Marcos 15:21

Cirenemanta Simón, Alejandroj, Rufojtawan tatan, campomanta jamusharqa; paywantaj q'epicherqanku Jesuspa cruzninta.

San Lucas 14:27

Mana cruzninta oqharispa qhepayta jamonqa chayqa, mana yachachisqay kayta atinchu.

San Lucas 18:1

Jesustaj uj rijch'anachinawan yachacherqa, Diosmantaqa mañakunapuni kasqanta mana sayk'uspa.

San Lucas 21:19

Pacienciaykichejwan almasniykichejta salvankichej.

San Lucas 5:5

Simontaj kutichispa nerqa: Maestro, tukuy tutantin llank'ayku, nitaj uj challwallatapis jap'ikuychu; chaywampis, palabraykiman jina ujtawan wijch'uykusaj ch'ipata.

San Lucas 8:15

Sumaj jallp'api tarpusqa mujutaj ninakun, pikunachus sumaj sonqowan, cheqan yuyaywantaj Diospa palabranta uyarinku, jap'ispataj, pacienciawan sumaj poqoyta apanku.

San Juan 15:21

Chay tukuy imasta ruwasonqachej sutiyrayku, imaraykuchus kachamuwajniyta mana rejsinkuchu.

Romanos 12:12

Kusiywan kakuychej suyaypi, llakiypi llamp'u sonqowan, Diosmanta mañakuspapuni.

Romanos 16:12

Trifenata, Trifosatawan napaykuychej. Paykunaqa Señorpaj llank'anku. Chantá munasqa Persidata napaykuychej. Payqa ashkhata Señorpaj llank'arqa.

Romanos 2:7

Allinta ruwaspa sayajkunaman wiñay kausayta qonqa; pikunachus mask'anku janaj pacha k'anchayta, jatun kayta, mana jayk'aj wañuyta ima.

Romanos 8:25

Imatachus mana rikusqanchejta suyanchej chayqa, pacienciawan chaytaqa suyananchej tiyan.

1 Corintios 13:7

Tukuy imata aguantan, tukuy imata creen, tukuy imata suyan, tukuy imapi sinch'ita sayan.

1 Corintios 16:16

Noqa mañakuykichej chay jina runastaqa, yanapajkunatawan, llank'ajkunatawan kasunaykichejta.

2 Corintios 10:15

Mana noqaykoqa alabakuykuchu wajkunaj llank'asqankumanta, noqaykojtapis kanman jina. Astawanqa suyashayku feniykichej wiñasqanman jina, qankuna ukhupi allin qhawasqas kanaykupaj puriyniykuman jina.

2 Corintios 11:23

Cristoj kamachisninchu kanku? Locopis kayman jina parlashani, noqa astawan Cristoj kamachin kani paykunamantaqa. Noqa ashkhata llank'arqani, may chhika kutita jasut'ichikuspa. Carcelpi wisq'asqa, ashkha kutitataj wañunaypaj jina karqani.

2 Corintios 4:1

Chayrayku kay llank'aypi churasqa kaspa, Diospa khuyakuyninta jap'isqaykurayku mana sayk'uyta llank'ayku.

2 Corintios 4:16

Chayrayku mana llauch'iyaykuchu, astawanqa kay cuerpoyku mauk'ayashan, ukhuykupitaj espirituyku sapa p'unchay mosojyashan.

2 Corintios 5:9

Chayrayku astawanqa munanchej cuerpomanta ch'usasqaspis, chayrí khuskapis Señorman allinta rijch'ayta.

Gálatas 6:2

Purajmanta q'episniykichejta apaysinakuychej, ajinapi Cristoj leyninta junt'anaykichejpaj.

Gálatas 6:9

Ama sayk'unachu allin kajta ruwaspa; tiempompi oqharisun, sichus llank'ayninchejpi mana sayk'usunchu chayqa.

Filipenses 2:16

Diospa wiñay kausaj palabranmanta jap'ikuychej, Cristoj p'unchaynin jamojtin, noqa kusikunaypaj, imaraykuchus mana qhasipajchu purerqani, nitaj qhasipajchu llank'arqani.

Filipenses 4:3

Jinallatataj qantapis mañakuyki, llank'aj masi, kamachiykitaj yanapanaykita chay hermanasta, imaraykuchus paykunaqa noqawan mayta kallpachakorqanku evangeliota willaspa. Clementepis, chay ujkunapis llank'aysiwarqanku. Paykunaj sutinkoqa kausay libropiña escribisqa.

Colosenses 1:11

Mañakullaykutaj tukuy atiyninwan kallpachasqas kanaykichejta, janaj pacha k'anchaynimpi atiyninman jina, tukuy imata jap'ikunaykichejpaj pacienciawan.

1 Tesalonicenses 1:3

Dios Tatanchejpa ñaupaqempi mana samaspa, yuyarikuykupuni feniykichejpa ruwayninmanta, munakuywan llank'asqaykichejmanta, Señorninchej Jesucristopitaj, pacienciakuywan suyakusqaykichejmanta.

1 Tesalonicenses 2:9

Yuyarikuychej, hermanos, ruwasqaykumanta, sayk'usqaykumanta, tuta p'unchay llank'aspa; manataj mayqenniykichejpajpis carga jinachu karqayku, Diospa evangelionta qankunaman willashaspaqa.

1 Tesalonicenses 5:12

Hermanos, mañakuyku qankuna ukhupi llank'ajkunata, Señorpi kamachisojkunata, yuyaychasojkunata ima allimpaj qhawanaykichejta.

2 Tesalonicenses 3:13

Qankunataj hermanos, ama sayk'uychejchu allin kajta ruwaspa.

2 Tesalonicenses 3:5

Señortaj sonqoykichejta Diospa munakuyninman pusachun, Cristoj jamuyninta pacienciawan suyanaykichejpaj.

2 Tesalonicenses 3:8

Nitaj pejpa t'antantapis qhasimanta mikhorqaykuchu, astawanqa jump'i suruyta tuta p'unchay llank'arqayku, ama ni mayqenniykichejpaj carga jina kanaykupaj.

1 Timoteo 4:10

Kayrayku llank'anchej sayaykukunchejtaj. Suyanchej ari kausaj Diospi, pichus tukuy runakunaj salvajnin, astawanqa creejkunajta.

1 Timoteo 5:17

Kurajkunaqa iglesiata allinta kamachinku chayqa, allimpajpuni qhawasqas kachunku. Astawanqa, pikunachus Diospa palabranta willanku, yachachinkutaj chaykuna.

Hebreos 10:36

Llakiypi sinch'i sonqopuni kanaykichej tiyan, Diospa munayninta ruwaspataj, Diospa qosqayki nisqasninta jap'inaykichejpaj.

Hebreos 12:1

Chayrayku, noqanchejpis, chay chhika rikojkunawan muyurisqa kaspa, uj jatun phuyuwan jina, tukuy llasata, muyuykuwajninchej juchatapis saqena. Pacienciawan usqhayta phawana churasqa kashan noqanchejpaj chay maqanakuman.

Hebreos 13:13

Llojsina ari, jaramanta jawaman Jesusta taripaj, ñak'ariyninta apaspa.

Hebreos 6:10

Diosqa cheqan kaspa, mana qonqapunchu ruwasqasniykichejmanta, munakuyta rikuchisqaykichejmanta sutinrayku. Qankunaqa ajllasqasta yanaparqankichej, kunampis yanapashallankichejpuni.

Hebreos 6:12

Ama qhellas kaychejchu, astawanqa paykunamanta yachakuychej; pikunachus fewan, pacienciawantaj, Diospa qonasninta chayaqepaj jap'erqanku.

Hebreos 6:15

Abrahamqa, chay jina unayta pacienciawan suyakuspa, Diospa qonanta tarerqa.

2 Pedro 1:6

Yachaymantaj yapaychej, qankuna kikin juchata atipayta; juchata atipaymantaj pacienciata, pacienciamantaj, Diosta yupaychayta, Diosta yupaychaymantaj, hermanospura kausakuyta; hermanospura kausakuymantaj munakuyta.

Apocalipsis 1:9

Noqa, Juan, hermanoykichej, qankunawan khuska llakiypi, Jesucristoj reinompi, pacienciampitaj chayaqeyoj kani. Patmos nisqa churupi kasharqani Diospa palabranmanta, Jesucristomantawan willasqayrayku.

Apocalipsis 3:10

Qanqa nisqayman jina pacienciakorqanki, noqapis qanta waqaychasqayki tentación horapi, chaytaj tukuy mundoman jamonqa, mundopi tiyakojkuna rejsisqas kanankupaj.