Apocalipsis 2:17 - Qheshwa Biblia DC

¹⁷ Ningriyoj kajqa uyarichun imatachus Espíritu iglesiasman nisqanta. Atipajmanqa pakasqa mana nisqata mikhuchisaj, juch'uy yuraj rumitataj qosaj. Chay juch'uy rumipitaj uj mosoj suti escribisqa. Chaytaqa mana pipis rejsinchu, astawanqa pichus chayta jap'ejlla rejsin.

DIOSPA QHELQACHISQAN DEUTEROCANONICAL

¹⁷ Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

DIOSPA QHELQACHISQ

¹⁷ Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

Quechua South Bolivia: Dios Parlapawanchej

¹⁷ Diospa ajllacuskasninman Santo Espíritu nishaskanta ningriyoj cajka sumajta uyarichun. Causayninpi juchata atipajmanka pacaska janaj pacha t'antata kosaj. Payman kollasajtaj uj yuraj rumicituta. Chay rumicitupitaj mosoj suti kelkaska canka. Chay sutitaka ni pi yachanchu, manachayrí chay jap'ejlla yachan.

Apocalipsis 2:17 ပူးပေါင်းရင်းမြစ်များ

Salmos 25:14

Señorqa payta manchachikojkunawan khuska kausakun, tratontataj rejsichenqa.

Salmos 36:8

Wasiykipi ashkha mikhuna kajwan paykunaqa sajsakunku, misk'i yaku mayumantataj ujyachinki.

Éxodo 16:33

Chaymanta Moisesqa Aaronman nerqa: Uj juch'uy mankitaman churaykuy uj libraman nikojta Maná nisqa mikhunata. Chaytataj Señorpa ñaupaqenman churanki, waqaychasqa kanampaj mirayniykichej rejsinankupaj.

Proverbios 14:10

Sonqoqa llakiykunasninta rejsin, manataj pi mana rejsisqanwampis kusikunchu.

Proverbios 3:32

Señorqa chay sajrata ruwajkunata chejnikun, cheqanta ruwajkunawantaj allinta kausakun.

Isaías 56:4

Señorqa ajinata nin: Chay kapasqa runas samakuna p'unchayta waqaychanku chayqa; sichus munakuyniyta junt'anku chayqa; sichus tratoyta ruwankupuni chayqa,

Isaías 56:5

noqa wasiypi uj cheqata qosaj, perqaswan muyuykuchisqata, churismanta, ususismantapis aswan sumaj sutita qosaj. Chay sutitaqa wiñaypaj qosaj ama jayk'aj chinkanampaj. Karu llajtayojkuna Señorta qhatejkunaman, Señorpa sutinta munakojkunaman, samakuna p'unchayta sumajta waqaychajkunaman, trato ruwasqayta mana p'akejkunaman ima, noqa paykunata Santo orqoyman pusasaj, Diosmanta mañakuna wasiypi paykunata kusichisaj, uywa wañuchisqankuta ruphachinankupaj altarniyman apamusqankutaqa jap'isaj. Waseyqa Diosmanta mañakuna wasi sutichasqa kanqa tukuy aylluspaj.

Isaías 62:2

Chaypacha runasqa cheqanchayniykita rikonqanku, reyespis imaynachus atiyniyki kasqanta rikonqanku. Mosoj sutiwan sutichasqa kanki, chaytataj kikin Señorpuni sutichasonqa.

Isaías 65:13

Chayrayku Señorqa nin: Kamachisneyqa sumajta mikhonqanku, qankunataj yarqhaymanta wañunkichej. Kamachisneyqa sumaj yakusta ujyanqanku, qankunataj yaku ch'akiywan wañunkichej. Kamachisneyqa kusikonqanku, qankunataj p'enqaymanta wañunkichej.

Isaías 65:15

Sutisniykichejta ajllasqasniyman saqenkichej chay sutista sajrapaj qhawanankupaj. Señorqa qankunata wañurachisonqachej, kamachisniytataj waj mosoj sutiwan sutichasaj.

San Mateo 13:11

Paytaj kutichispa nerqa: Qankunaman janaj pacha reinoj pakasqa imasninmanta yachayta qosunkichej, manataj paykunamanqa.

Marcos 7:16

[Pichus ningriyojqa uyarichun.]

San Juan 4:32

Jesustaj paykunaman nerqa: Waj mikhuna tiyapuwan, qankunataj chayta mana rejsinkichejchu.

1 Corintios 2:14

Pichus mana Espiritupi kajqa, mana imatapis rejsinchu Diospa Espiritunmanta, imaraykuchus paypaj qhasi mana kaj yachachiy, manataj yuyaychakuyta atinchu; imaraykuchus kay imasqa Espirituman jina rejsisqa kanqa.

Apocalipsis 14:3

Uj mosoj takiyta jina tronoj ñaupaqempi, tawa kausaj animalespa, kuraj runaspa ñaupaqempi ima takisharqanku; manataj pipis chay takiyta yachakuyta atejchu; manachayqa chay pachaj tawa chunka tawayoj waranqalla, pikunachus kay pachapi kajkuna ukhumanta kacharisqas karqanku.

Apocalipsis 19:16

P'achampi moqon patanejpi escribisqa sutiyoj karqa: reykunaj Reynin, señorkunaj Señornintaj.

Apocalipsis 2:11

Ningriyoj kajqa uyarichun imatachus Espíritu iglesiasman nisqanta. Pichus atipanqa chaytaqa, iskay kaj wañuy mana imananqachu.

Apocalipsis 2:7

Ningriyoj kajqa uyarichun imatachus Espíritu iglesiasman nisqanta. Atipajmanqa kausaj sach'amanta mikhuchisaj. Chaytaj Diospa paraisompi kashan.

Apocalipsis 3:22

Ningriyoj kajqa uyarichun imatachus Espíritu iglesiasman nisqanta.

Apocalipsis 3:6

Ningriyoj kajqa uyarichun imatachus Espíritu iglesiasman nisqanta.