Apocalipsis 19:20 - Qheshwa Biblia DC

²⁰ Phiña animaltaj presochasqa karqa. Paymantaj llulla profeta, pichus chaypa ñaupaqempi señalesta ruwasqa, chay señaleswan animalpa marcanta apajkunata ch'aukiyarqa. Paykunataj lantinta yupaycharqanku. Chay iskaytataj kausashajta wijch'orqanku azufrewan larwashaj uj nina qochaman.

DIOSPA QHELQACHISQAN DEUTEROCANONICAL

²⁰ Chantá sierpeqa jap'ichisqa karqa, jinallataj llullakuspa sut'inchajpis. Chay sut'inchajqa sierpej sutinpi runa mana jayk'aj rikusqan t'ukunata ruwaspa, sierpej marcanta apajkunata q'otiyasqa, lantinta yupaychanankupaj. Jinataj sierpewan, llulla sut'inchajninwan ima azufrewan lawrashaj nina qochaman kawsashaj wijch'uykusqa karqanku.

DIOSPA QHELQACHISQ

²⁰ Chantá sierpeqa jap'ichisqa karqa, jinallataj llullakuspa sut'inchajpis. Chay sut'inchajqa sierpej sutinpi runa mana jayk'aj rikusqan t'ukunata ruwaspa, sierpej marcanta apajkunata q'otiyasqa, lantinta yupaychanankupaj. Jinataj sierpewan, llulla sut'inchajninwan ima azufrewan lawrashaj nina qochaman kawsashaj wijch'uykusqa karqanku.

Quechua South Bolivia: Dios Parlapawanchej

²⁰ Millay animalka llulla willajninwan presochaskas carkancu. Willajnenka paypa ñaupakenpi chay marcachicojcunata pantachinanpaj ricuchinasta ruwaj carka. Pantachiska runastaj millay animalpa sutinwan marcachicorkancu paypa rijch'acuynintapis yupaycharkancu. Chay millay animalka willajninwan iscaynincu causashaj wijch'uycuskas carkancu azufrewan laurashaj, chay nina kochaman.

Apocalipsis 19:20 ပူးပေါင်းရင်းမြစ်များ

Génesis 19:24

Chantá Señorqa azufre nina parata parachimorqa Sodomaman Gomorra llajtamanwan.

Job 18:15

Toldon ukhupi tiyakonqa manapis paypatachu kanman jina; wasimpis azufrewan ch'ajchusqa kanqa.

Salmos 11:6

Payqa sajra runaspa patanman parachimonqa, azufreyoj nina k'ajayta; wayrachenqataj tukuyninta ruphanampaj. Señorqa sajra kayninkuman jina paykunata jasut'enqa.

Isaías 30:33

Unaymantapacha, Asiriapaj, reynimpajwan ñak'arina cheqa wakichisqa kashan manchay jatun, ukhutaj. Chay ruphachinaqa ashkha llant'ayoj ninayoj ima kashan. Chaymantaj Señorqa azufre mayuta jina samayninwan jap'iykuchenqa.

Isaías 34:9

Chaypacha Edompa yaku mayusnenqa alquitranman tukonqa, jallp'a jatarejqa azufreman, jallp'ataj alquitrán jina larwanqa.

Ezequiel 24:5

Tukuyninmanta aswan sumaj ajllasqa ovejata ñak'ay, uranmantaj ashkhata llant'ata enqhaykuy, chayman mankaqa sumajta t'impunampaj chay tullus sumajta chayanankama.

Ezequiel 38:22

Paykunata onqoywan jasut'isaj, yawar apaywantaj. Paypa patanman, soldadosniypa patanmantaj paywan kaj ashkha llajtasmanta kaj runasnimpa patanman ima manchay sinch'i parata urmachimusaj. Rumista, chejchi parata, ninawan azufrewan parata parachimusaj. Noqa Señormin kaytaqa nini.

Daniel (hebreo) 11:45

Reyqa toldosninta sayachenqa mar qochawan, k'acha nisqa jallp'awan chay chaupipi. Chay pachampitj wañuynin chayamonqa, manataj pipis payta yanaparej kanqachu.

Daniel (hebreo) 8:24

Atiyniyoj kanqa, manataj pay kikimpa atiyninwanchu, t'ukunapaj jinata t'unaykonqa, tukuy ima ruwasqampitaj atipanqa. Atiyniyoj runakunata chinkachenqa. Diospa ayllunmanta kaj ashkha ajllasqa runasta chinkachillanqataj.

Daniel (hebreo) 8:26

Ch'isin paqarimpiwan rikhurejmantaqa sumaj willasqa kanki, chaytaj cheqapunimin. Kunanqa chayta sonqoykipi waqaychay, imaraykuchus unaymantaraj junt'akonqa.

San Mateo 7:15

Llulla profetasmanta allinta qhawakuychej; paykunaqa jamusunkichej ovejas jina p'achallisqas; ukhunkupitaj suwa atojkuna kanku.

Deuteronomio 29:23

Tukuy kay jallp'apeqa rikonqanku azufrellata, kachillata, ruphasqa jallp'ata imalla. Chaypi mana imatapis tarponqankuchu, nitaj imapis poqoyta atenqachu, manapuni ima qhorallapis wiñayta atenqachu, imaynachus karqa Sodoma, Gomorra, Adma, Zaboim llajtaspi. Chaykunataqa sinch'i phiñakuyninwan chinkacherqa.

Josué 8:23

Reyllata mana wañucherqankuchu, kausashajta jap'ispa Josueman apamorqanku.

Apocalipsis 17:12

Chay chunka wajrata rikusqaykeqa, chunka reyes kanku. Paykunaqa suyuta manaraj jap'inkuchu, chaywampis uj horapaj jina reyes jina atiyta jap'enqanku, chay phiña animalwan khuska.

Apocalipsis 19:19

Rikorqani animalta, kay pachapi reykunatawan, chay ashkha soldados tantasqatawan maqanakuman rejta, chay caballopi lloq'asqa kajpa contrampi, yupa soldadosnimpa contrampi ima.

Apocalipsis 20:10

Paykunata ch'aukiyaj supaytaj nina qochaman wijch'uykusqa karqa, maypichus chay phiña animal, llulla profetawan kasharqanku chayman; tuta p'unchaytaj, wiñaypa wiñayninkama ñak'arenqanku.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

Apocalipsis 9:17

Chay jinamanta uj rikhuriypi caballosta rikorqani, chaykunapi lloq'asqa kajkunatapis. Paykunaj pechoquerasninkoqa ninamanta karqanku, jacinto rumimanta, azufremantawan. Caballospa umasninkutaj, leonespa umasnin jina karqanku. Simisninkumantataj nina q'osñi, azufretaj llojsimusharqa.