Apocalipsis 14:1 - Qheshwa Biblia DC

¹ Chantá rikorqanitaj Corderota Sión orqo patapi sayashajta, paywantaj kashajta pachaj tawa chunka tawayoj waranqa runasta. Paykunaj frentesninkupitaj paypa sutin, Tatampa sutin ima escribisqa karqa.

DIOSPA QHELQACHISQAN DEUTEROCANONICAL

¹ Chantá noqa Sión orqo patapi Corderota sayashajta rikullarqanitaj, paywantaj 144.000 runakuna kasharqanku. Paykunaj mat'inkupi Corderoj sutin, chantá Tatanpa sutin ima qhelqasqa karqa.

DIOSPA QHELQACHISQ

¹ Chantá noqa Sión orqo patapi Corderota sayashajta rikullarqanitaj, paywantaj 144.000 runakuna kasharqanku. Paykunaj mat'inkupi Corderoj sutin, chantá Tatanpa sutin ima qhelqasqa karqa.

Quechua South Bolivia: Dios Parlapawanchej

¹ Cunanka sumaj cajta ricorkani, Sion orkopi Corderota sayashajta. Paywantaj pachaj tawa chunca tawayoj waranka casharkancu. Chay niyta munan tucuy paypa marcaska runasnin. Paycunaka Corderoj sutinwan Tatanpa sutinwanpis frentencupi marcaskas cancu.

Apocalipsis 14:1 ပူးပေါင်းရင်းမြစ်များ

Salmos 2:6

Sión santo orqoypi, ajllasqayta rey kanampaj jawiniña.

Isaías 49:14

Sión llajtataj nerqa: Señorqa saqerpariwan, Señorqa noqata qonqarpariwan, nispa.

Jeremías 1:11

Señorqa noqaman parlamuwaspa nillawarqataj: Jeremías, imatataj rikunkiri?, nispa. Uj almendro k'aspita rikuni, nispa kuticherqani.

Ezequiel 1:4

Chaypacha rikorqani wichaynejmanta uj jatun muyoj wayra jamushajta. Chantá uj jatun phuyumanta nina lauray jina llojserqa, muyuynimpitaj sinch'i k'anchay karqa. Chay nina chaupipi uj broncepis kanman jina lliphipisharqa.

Ezequiel 10:1

Qhawarispa rikorqani, querubinespa patampi k'umpasqa toldoina karqa, chay patapitaj zafiromanta trono jina rikhurerqa.

Ezequiel 10:9

Querubines chaynejpi rikorqani tawa ruedasta, sapa ruedas uj querubinwan khuskata. Ruedasqa topacio rumi jina lliphipisharqanku.

Ezequiel 2:9

Qhawarispataj rikorqani, noqaman uj makita aysarimushajta, chay kikimpitaj karqa uj k'uyusqa libro.

Ezequiel 44:4

Chaymanta runaqa wichaynej punkuman Diosta yupaychana wasej ñaupajninta pusawarqa. Chaypi qhawarerqani, Señorpa k'anchaynin Señorpa wasimpi junt'aykusqata. Pampakamataj k'umuykorqani.

Ezequiel 8:7

Chaymanta patioman yaykuna cheqaman pusawarqa. Perqapitaj uj jusk'uta rikorqani.

Ezequiel 9:4

Paymanta nerqa: Jerusalén llajtata purerqoy, uj señalta frentesninkuman churaykuy, chay llajtapi tukuy mana allin imas ruwakusqankurayku qhaparispa waqarashanqanku chay runakunaman.

Daniel (hebreo) 12:5

Noqa, Daniel, rikorqani iskay waj runasta, mayoj sapa cantompi ujtakama sayashajta.

Joel 2:32

Señorpa sutinta qhaparikojkunaqa, tukuyninku wañuymanta salvakonqanku, imaraykuchus, Sión orqopi, Jerusalempi, salvación tarikonqa, Señorpa parlasqanman jina. Pikunatachá Pay ajllarqa, chaykuna kausanqanku.

Amós 8:2

Paytaj tapuwarqa: Amós, imatá rikunki. Kuticherqanitaj: Uj poqosqa frutayoj canastata rikuni, nispa. Señortaj niwarqa: Israel aylluypa jasut'iynin chayamunña, manaña ujtawampis juchasninta pampachasajchu.

San Lucas 12:8

Noqataj niykichej: Pillapis runaspa ñaupaqempi rejsiwasqanta nenqa chayqa, Runaj Churimpis, Diospa angelesnimpa ñaupaqempi, payta rejsini nillanqataj.

Romanos 9:33

Escribisqapi nisqanman jina: Kay Siompi churani misk'ana rumita, urmana qaqatawan. Paypi creejqa, mana p'enqaypi rikhurenqachu.

Apocalipsis 14:14

Rikorqanitaj uj yuraj phuyuta, phuyu patapitaj uj tiyasqata, runaj churinman rijch'akojta, uman patapi qori pilluyoj, makimpitaj filo joseyoj ruthunampaj.

Apocalipsis 14:3

Uj mosoj takiyta jina tronoj ñaupaqempi, tawa kausaj animalespa, kuraj runaspa ñaupaqempi ima takisharqanku; manataj pipis chay takiyta yachakuyta atejchu; manachayqa chay pachaj tawa chunka tawayoj waranqalla, pikunachus kay pachapi kajkuna ukhumanta kacharisqas karqanku.

Apocalipsis 15:5

Kay imaspa qhepanta rikorqani, templota janaj pachapi kicharisqata, willanapaj santuariontawan.

Apocalipsis 22:4

Uyanta rikonqanku, sutintaj frentesninkupi kanqa.

Apocalipsis 3:12

Atipajtaqa uj pilarta jina sayachisaj Diosniypa wasimpi, ama jayk'aj jawaman llojsinampaj, Diosniypa sutintataj paypi escribisaj, Diosniypa llajtampa sutintawan. Chayqa mosoj Jerusalén. Chaytaj janaj pachamanta uraykamun, Diosniypamanta, mosoj sutiywantaj.

Apocalipsis 4:1

Kay imaspa qhepanta, janaj pachapi rikorqani uj punku kichasqata. Ñaupaj vozta uyarisqayqa, trompetaj waqayninman rijch'akorqa, parlamuwaspataj niwarqa: Kayman wicharimuy, imaschus kay qhepata ruwasqas kananku tiyan, chaykunata rikuchisqayki.

Apocalipsis 6:8

Rikullarqanitaj uj q'ellu caballota. Patampi lloq'asqa kajpatataj sutenqa wañuy karqa. Wañuy nisqataj payta qhatisharqa. Payman tukuynin jallp'amanta tawan kaj suyuta qorqanku wañuchinampaj espadawan, yarqhaywan, onqoykunawan, jallp'api monte animaleswan ima.