Apocalipsis 11:13 - Qheshwa Biblia DC

¹³ Chay horapitaj manchay jallp'a ikhakuy karqa, llajtaj chunka kaj t'aqantaj urmarqa. Jallp'aj ikhakuynimpitaj qanchis waranqa runa wañorqa, wajkunataj manchariywan janaj pachapi kashaj Diosta yupaycharqanku.

DIOSPA QHELQACHISQAN DEUTEROCANONICAL

¹³ Chantá chay kikinpacha manchay jallp'a ikhakuy kanqa, Jerusalén llajta chunkaman t'aqasqamanta ujnin kaj t'aqataj thuñiykukonqa. Jallp'a ikhakusqanraykutaj 7.000 runakuna wañuranqanku, kawsashaj qhepakojkunataj mancharikuspa, janaj pachapi kaj Diosta jatunchanqanku.

DIOSPA QHELQACHISQ

¹³ Chantá chay kikinpacha manchay jallp'a ikhakuy kanqa, Jerusalén llajta chunkaman t'aqasqamanta ujnin kaj t'aqataj thuñiykukonqa. Jallp'a ikhakusqanraykutaj 7.000 runakuna wañuranqanku, kawsashaj qhepakojkunataj mancharikuspa, janaj pachapi kaj Diosta jatunchanqanku.

Quechua South Bolivia: Dios Parlapawanchej

¹³ Chay quiquinpachataj cay pachaka sinch'ita qharcatiterka. Chay qharcatitiyllapitaj kanchis waranka runaspis wañurarkancu. Mana wañuska carkancu, chay runastaj mayta manchachicorkancu, janaj pachapi caj Diosta jatuncharkancutaj.

Apocalipsis 11:13 ပူးပေါင်းရင်းမြစ်များ

Génesis 6:4

Chaypacha jatuchaj runas rikhurerqanku jallp'a patapi, Diospa wawasnin runaspa ususisninkuwan casarajtinku wawasniyoj kanankupaj. Chay qhepatapis kallarqankupuni. Paykuna karqanku manchay kallpasniyoj, mentasqastaj unay tiempospi.

Isaías 29:6

Tukuy Atiyniyoj Señortaj paykunata jasut'enqa, qhon qhonkunawan, jallp'a kuyuykunawan, manchay ch'ajwawan, sinch'i wayrawan, llojlla parawan, manchayta q'olaj ninawan ima.

Jeremías 13:16

Señor Diosniykichejta yupaychaychej, manaraj pay laqhayayta apachimushajtin, manaraj laqhayaj orqopi misk'akushajtiykichej, Manaraj laqhayayman tukuchishajtin, Manchay suyasqaykichej chay k'anchay manaraj tukukapushajtin.

San Juan 9:24

Judiostaj watejmanta wajyarqanku ciego karqa chay runata, nerqankutaj: Diosta yupaychay; noqayku yachayku chay runaqa juchasapa kasqanta.

Hechos 1:15

Chay p'unchaykunallapitaj creejkuna tantakorqanku tukuyninkupi, pachaj iskay chunkayoj jina. Sayaykuspataj Pedro paykunaman nerqa: Hermanosníy, escribisqapi nisqan junt'akunampuni karqa, imatachus Santo Espíritu Davidpa siminnejta Judasmanta nerqa. Chay Judasqa runasta pusarqa Jesusta jap'inankupaj.

Josué 7:19

Chaymanta Josueqa Acanman nerqa: Wawáy, Israelpa Señornin Diosta jatunchaspa yupaychay ari. Willaway imatachus ruwasqaykita, ama pakaspa sut'inta.

Apocalipsis 11:11

Kinsa p'unchay khuskanniyoj qhepatataj, Diospa kachamusqan kausaj espíritun paykunaman yaykorqa, chakisninkuwantaj sayarerqanku. Paykunata rikojkunarí anchatapuni mancharerqanku.

Apocalipsis 11:19

Templotaj janaj pachapi kicharikorqa, Diospa ruwasqan trato cajontaj rikukorqa templopi. Chaypachataj oqharikorqanku lliuj lliujkuna, qhapariykuna, qhon qhonkuna, jallp'a ikhakuy, manchay granizo ima.

Apocalipsis 14:7

Qhaparispataj nerqa: Diosta manchachikuychej, sutinta jatunchaychej; juiciompa horanqa chayamushanña; janaj pachata, kay pachata, mar qochata, yaku pujyusta ima ruwajta yupaychaychej.

Apocalipsis 15:4

Pitaj mana qanta manchachikunmanchu Señor? Pitaj atiyniykita mana jatunchanmanchu? Qanlla Santo kanki. Chayrayku tukuy runas ñaupaqeykiman jamonqanku, yupaychasonqankutaj. Cheqan juzgasqasniykeqa rejsisqas kanku.

Apocalipsis 19:7

Kusikuna jatun kusiywan sutinta jatunchaspa. Corderoj casamienton chayamunña, warmintaj wakichisqaña.

Apocalipsis 3:4

Pisi runas kanku Sardispi p'achankuta mana ch'ichichajkuna. Paykunaqa yuraj p'achaswan p'achallisqas noqawan purenqanku, chaypaj jina kasqankurayku.

Apocalipsis 6:12

Sojta kaj sellota kicharejtintaj, rikorqani manchay jallp'a ikhakuyta; intitaj yanayarqa uj qhashqa yana p'acha jina, killataj yawarman tukorqa.

Apocalipsis 8:5

Angeltaj incienso q'osñichinata jap'ispa, altar patapi kaj ninawan junt'aykucherqa. Chaytataj jallp'aman thalliykamorqa. Chaypacha karqanku qhon qhonkuna, lliuj lliujkuna, jallp'a kuyuriy ima.

1 Samuel 6:5

Chayrayku ruwaychej llajtaykichejta tukuchishanku chay ch'upusman rijch'akojkunata, chanta juk'uchasman rijch'akojkunatapis. Israelpa Diosnintataj jatunchaychej, ichapis pay saqenman jasut'iyta diosniykichejta, jinataj jallp'aykichejtapis.