Apocalipsis 10:5 - Qheshwa Biblia DC

⁵ Mar qocha patapi, jallp'a patapiwan sayashajta rikusqay chay angeltaj, paña makinta janaj pachaman oqharerqa.

DIOSPA QHELQACHISQAN DEUTEROCANONICAL

⁵ Chantá mama qocha patapi, jallp'a patapiwan ima sayashajta rikusqay angelqa janajnejman paña makinta oqharerqa.

DIOSPA QHELQACHISQ

⁵ Chantá mama qocha patapi, jallp'a patapiwan ima sayashajta rikusqay angelqa janajnejman paña makinta oqharerqa.

Quechua South Bolivia: Dios Parlapawanchej

⁵ Kochapi jallp'api sayashaj ricuskay, chay angel paña maquinta janaj pachaman okharerka Diospa sutinpi jurananpaj.

Apocalipsis 10:5 ပူးပေါင်းရင်းမြစ်များ

Génesis 14:22

Abramtaj kuticherqa: Señorman juraspa niniña, patapi kaj Diosman, pichus janaj pachata kay pachatawan ruwajman, qampata kajta ni imata jap'ikapunayta, ni ima q'aytullatapis zapatoyta wataykunallaypajpis, ama ni jayk'aj ninawaykipaj, noqaj imasniywan qhapajyashan, nispa.

Nehemías 9:6

Esdrastaj nerqa: Qanllamin k'ata Señorqa kanki, qan ruwarqanki janaj pachata, janaj pachamanta janaj pachatapis, chaypi tukuy ima kajnintapis. Ruwallarqankitaj kay pachata, chaypi tukuy ima kajtapis, mar qochastapis, chaypi tukuy ima kajtapis. Qanqa tukuy imasman kausayta qonki. Chayraykumari janaj pacha ch'askaspis yupaychasunku.

Salmos 146:5

Kusikuyniyojmin Jacobpa Diosnimpa yanapasqanqa, pichus Señor Diosnimpi suyakojqa.

Éxodo 20:11

Señorpis sojta p'unchaypi ruwarqa cielota, kay pachata, mar qochata, chay ruwasqasnimpi imaschus kashanku chaykunatawan. Qanchis kaj p'unchaypitaj samarikorqa, chayrayku Señorqa bendicerqa samarikuna p'unchayta, nerqataj payllapaj kasqanta.

Éxodo 6:8

Noqa pusasqaykichej, ima jallp'atachus Abrahamman, Isaacman, Jacobman ima, chayaqenkupaj qosqaykichej nerqani chayman. Noqamin kani Señorqa.

Ezequiel 20:15

Chay tukuywampis, ch'in pampapi paykunaman jurarqani, paykunata mana pusaykunaypaj, maypichus lechewan, misk'iwan yaku jinapuni karishan chay jallp'aman. Chaytaj tukuymanta may k'acha jallp'a karqa.

Ezequiel 20:23

Chantá jurallarqanitaj ch'in pampapi tukuy kay pachapi kaj llajtasman, paykunata ch'eqerachinayta.

Ezequiel 20:28

Makiyta oqharispa paykunaman uj jallp'ata qonaypaj jurarqani, chayman pusaykojtiytaj, tukuy lomasta, chayri tukuy thansa sach'asta rikuytawan, chaypi uywa wañuchisqasta ruphacherqanku, jinataj rikuchikusninkuta jaywarqanku. Chaykuna noqata mayta phiñachiwanku. Chaypi k'acha q'apaj inciensosta q'osñicherqanku, vinowantaj ch'ajchorqanku.

Ezequiel 20:42

Noqa Señor kasqayta yachankichej, maypachachus ñaupa tatasniykichejman jallp'ata qonaypaj jurarqani, chay jallp'aman pusaykusqaykichej chaypacha.

Ezequiel 20:5

Noqamanta paykunaman niy: Señorqa kay jinata nin: Israelta ajllakorqani chaypachaqa, makiyta oqharispa Jacobpa ayllunman jurarqani, maypachachus paykunaman Egiptopi rikhurerqani chaypacha. Sumajtapuni paykunaman jurarqani, noqa Señor Diosniykeqa kani, nispa.

Ezequiel 36:7

Chayrayku Atiyniyoj Señorqa kay jinata nin: Makiyta oqharispa jurani, muyuyniykichejpi kaj llajtasqa p'enqaypi rikhurenqanku.

Ezequiel 47:14

Noqa jurarqani kay jallp'ata ñaupa tatasniykichejman qonaypaj. Kay jallp'ataqa sapa ujman chayaqempaj rak'irapuy. Kay jallp'aqa chayaqeyki kanqa.

Daniel (hebreo) 12:7

Linomanta p'achayoj runaqa, makisninta janaj pachaman oqharispa, kausaj Diospa sutimpi juraspa nerqa: Kinsa tiempo khuskanniyojmanta, maypachachus Diospa ayllumpata atiynin mana atipasqañachu kanqa, chaypacha kay tukuynin imasqa tukukonqa.

Hechos 17:23

Llajtaykichejpi puriykachashaspaqa, rikuni lanti yupaychanaykichejta. Uj altartapis tarini kay jina escribisqayojta: “Mana rejsisqa diosman”. Chay Diosmanta, pitachus mana rejsispalla yupaychankichej, noqaqa willaykichej.

Romanos 1:20

Diospa mana rikukoj imasnenqa, sut'ita rikuchikunku, paypa ruwasqasninnejta, mundoj ruwakusqanmantapacha. Chaykunaqa kanku: Wiñay atiynin, Dios kasqan ima. Chayrayku mana ninkumanchu imatapis mana yachasqankutaqa.

Deuteronomio 32:40

Noqaqa makiyta janaj pachaman oqharisaj, nisajtaj wiñaypaj kausasqayta.

Hebreos 6:13

Diosqa qosqayki nishajtin Abrahamman, mana jatun sutirayku jurayta atispa, pay kikin sutimpi jurarqa, nerqataj: Cheqamanta yanapaywan junt'achisqayki, mirachisqaykitaj ashkhata.

Apocalipsis 1:18

Noqa kani kausaj, wañusqataj karqani, kunantaj wiñay wiñaypaj kausashani. Wañuypa llavesnintapis, infiernoj llavesnintawan noqa jap'ini.

Apocalipsis 10:2

Makimpitaj juch'uy librota jap'isharqa, paña chakintataj mar qocha pataman churarqa, lloq'e chakintataj jallp'a pataman.

Apocalipsis 14:7

Qhaparispataj nerqa: Diosta manchachikuychej, sutinta jatunchaychej; juiciompa horanqa chayamushanña; janaj pachata, kay pachata, mar qochata, yaku pujyusta ima ruwajta yupaychaychej.

Apocalipsis 16:17

Qanchis kaj angeltaj wayraman copanmanta jich'aykorqa. Janaj pachapi templomanta, trononmantawan uj sinch'i qhapariy uyarikorqa: Ñapis ruwasqaña, nispa.

Apocalipsis 4:11

Allimpaj qhawasqa kanki, Señor Diosniyku, yupaychayta, jatun kayta, atiyta ima jap'inaykipaj. Qan tukuy imata wakicherqanki, munayniykiraykutaj kanku, ruwasqastaj karqanku.

Apocalipsis 4:9

Chay animalesqa yupaychankupuni, jatunchankutaj, graciasta qospa tronopi tiyasqa kajman, pichus wiñay wiñaypaj kausan, chayman.