Apocalipsis 1:20 - Qheshwa Biblia DC

²⁰ Pakasqa yachacheyqa chay qanchis qoyllurkunamanta, paña makiypi rikusqayki chay qanchis k'anchachinasmantawanqa, kay jina: Qanchis qoyllurkunaqa, qanchis iglesiaspa angelesnin; qanchis k'anchachinas rikusqaykitaj, qanchis iglesias kanku.

DIOSPA QHELQACHISQAN DEUTEROCANONICAL

²⁰ Kunantaj noqa sut'inchasqayki, paña makiypi rikusqayki chay qanchis ch'askakuna, chantá chay qanchis lamparakuna ima imatachus niyta munasqanta: Qanchis ch'askakunaqa qanchis iglesiakunaj angelninkuna kanku, chay rikusqayki qanchis lamparakunataj qanchis iglesiakuna kanku, nispa.

DIOSPA QHELQACHISQ

²⁰ Kunantaj noqa sut'inchasqayki, paña makiypi rikusqayki chay qanchis ch'askakuna, chantá chay qanchis lamparakuna ima imatachus niyta munasqanta: Qanchis ch'askakunaqa qanchis iglesiakunaj angelninkuna kanku, chay rikusqayki qanchis lamparakunataj qanchis iglesiakuna kanku, nispa.

Quechua South Bolivia: Dios Parlapawanchej

²⁰ Kanchis ch'ascasta paña maquiypi ricorkanqui. Kanchis kori c'anchanastapis ricorkanqui. Chay kanchis ch'ascaska chay kanchis iglesiaspa willajcunancu cancu. Chay korimanta kanchis c'anchanastaj Diospa ajllacuskasnin cancu, chay kanchis iglesias, —nerka chay parlamuwajka.

Apocalipsis 1:20 ပူးပေါင်းရင်းမြစ်များ

Éxodo 25:37

Churankitaj sapa uj palqasnimpa puntasnimpi kaj mecherosman pabilosta. Chaymantaj ninata jap'ichinki ñaupajman k'anchamunampaj.

Éxodo 37:23

Chaymantaqa qanchis k'anchachinasninta, kikillantataj qorimanta ruwarqs, pabilo k'utunasninta, aceite jap'inasninta ima.

Malaquías 2:7

Sacerdotesqa runasman yachachinanku tiyan noqata rejsinawankuta; tukuy runastaj sacerdotesman rinanku, sumaj yachachiyta yachaqanankupaj, imaraykuchus sacerdotes kanku Tukuy Atiyniyoj Señorpa kachasqasnin.

San Mateo 13:11

Paytaj kutichispa nerqa: Qankunaman janaj pacha reinoj pakasqa imasninmanta yachayta qosunkichej, manataj paykunamanqa.

San Lucas 8:10

Paytaj nerqa: Qankunamanqa Dios rejsichisunkichej reinompa pakasqa yachaykunasninta; wajkunamanrí rijch'anachinaswan parlan, qhawashaspa mana rikunankupaj, uyarishaspapis mana entiendenankupaj.

Romanos 11:25

Hermanos, kay pakasqa yachaytaqa rejsinaykichejta munani, ama yachaysapas kasqaykichejta yuyakunaykichejpaj. Wakin israelitaspa sonqon rumiyarqa gentilespa salvacionnin junt'akunankama.

Apocalipsis 1:11

Nerqataj: Imatachus rikusqaykita uj libropi Escribiy, Asiapi kaj chay qanchis iglesiasmantaj apachiy: Efesoman, Esmirnaman, Pergamoman, Tiatiraman, Sardisman, Filadelfiaman, Laodiceaman ima.

Apocalipsis 1:16

Paña makimpitaj qanchis qoyllurkunata jap'isharqa; siminmantataj iskay filoyoj espada llojsimusharqa; uyantaj karqa inti sinch'ita lliphipishaj jina.

Apocalipsis 1:4

Noqa, Juan, escribimuni Asiapi kaj qanchis iglesiasman: Khuyakuy, sonqo tiyasqa kaytaj qankunawan kachun, pimantachus kunan kashan, karqataj, jamonqataj chaymanta; qanchis espiritusmantawan, pikunachus tronompa ñaupaqempi kashan, chaykunamanta; Jesucristomantapis, pichus sumaj testigo, junt'ajtaj, wañusqakunamanta kuraj kaj, kay mundopi kaj reyespa kamachejnintaj. Payqa munakuwarqanchej, mayllawarqanchejtaj juchasninchejmanta yawarninwan.

Apocalipsis 17:5

Frentempitaj uj suti escribisqa karqa: Pakasqa yachay, jatun Babilonia, qhenchachakoj warmispa maman, kay pachapi millaykunajtapis.

Apocalipsis 17:7

Angeltaj niwarqa: Imaraykutaj t'ukunki? Chay warmimanta pakasqa yachayta willasqayki, warmita apamoj phiña animalmantawan, mayqenchus qanchis umayoj, chunka wajrayojtaj.

Apocalipsis 2:1

Efeso iglesiaj angelninman escribiy: Kayta nin paña makimpi qanchis qoyllurkunata jap'ej, pichus chay qanchis qori k'anchachinas chaupipi purin chay:

Apocalipsis 2:12

Pérgamo iglesiaj angelninman escribiy: Kayta nin pichus iskay filoyoj afilasqa espadata jap'in:

Apocalipsis 2:18

Tiatira iglesiaj angelninman escribiy: Kayta nin Diospa Churin, pejpatachus ñawisnin nina larwaj jina, pejpatachus chakisnimpis llusk'achasqa lliphipej bronceman rijch'akun, chay:

Apocalipsis 2:5

Chayrayku yuyarikuy maymantachus urmasqaykita. Juchamanta ithirikuy, ñaupaj ruwaykunata ruway; manachayrí, usqhayta qanman jamusaj, k'anchachinaykitataj maypichus kananmanta qhechusaj, manachus juchamanta Diosman kutirikunki chayqa.

Apocalipsis 2:8

Esmirna iglesiaj angelninman escribiy: Ñaupaj kaj, qhepa kajtaj, pichus wañusqa karqa, kausarerqataj, chaymin kayta nin:

Apocalipsis 3:1

Sardis iglesiaj angelninman escribiy: Kayta nin pichus Diospa qanchis espiritusninta, qanchis qoyllurkunatawan jap'in, chay: Ruwasqasniykita rejsini. Yachanitaj sutiykitaj kausajpata jina kasqanta. Chaywampis wañusqa kashanki.

Apocalipsis 3:14

Laodicea iglesiaj angelninman escribiy: Kayta nin Amén nisqa, allinta junt'aj, cheqa kajtaj, pichus tukuy ima Diospa ruwasqasninmanta qallariynin, chay:

Apocalipsis 3:7

Filadelfia iglesiaj angelninman escribiy: Kayta nin llimphu kaj, cheqa kaj, pichus Davidpa llaventa jap'in, chay. Pay punkuta kichajtin mana pipis wisq'ayta atinchu. Punkuta wisq'ajtintaj, mana pipis kichayta atinchu. Chaymin kayta nin: