Amós 9:5 - Qheshwa Biblia DC

⁵ Tukuy Atiyniyoj Señor Diostaj jallp'ata llankhaykonqa, jallp'ataj unuyarparenqa, chaypi tiyakojkunataj mayta waqanqanku; jallp'ataj oqharikonqataj tiyaykonqataj, imaynatachus Egipto Nilo mayu ashkhayantaj, pisiyantaj, jinata.

DIOSPA QHELQACHISQAN DEUTEROCANONICAL

⁵ Tukuy Atiyniyoj Tata Dios jallp'ata llankhan, jallp'ataj unuyan, chaypi tiyakojkunataj waqanku. Jallp'a oqharikonqa, tiyaykonqataj, imaynatachus Egiptopi Nilo mayu ashkhayantaj, pisiyantaj, jinata.

DIOSPA QHELQACHISQ

⁵ Tukuy Atiyniyoj Tata Dios jallp'ata llankhan, jallp'ataj unuyan, chaypi tiyakojkunataj waqanku. Jallp'a oqharikonqa, tiyaykonqataj, imaynatachus Egiptopi Nilo mayu ashkhayantaj, pisiyantaj, jinata.

Amós 9:5 ပူးပေါင်းရင်းမြစ်များ

Salmos 104:32

Señor qhawarejtin jallp'aqa kharkatin, llankharejtintaj orqosqa q'osñirinku.

Salmos 144:5

Señor, janaj pachaykita qhataray, uraykamuytaj, tapaykuy q'osñirinankupaj.

Salmos 32:6

Chayrayku, llakisqa kajtinku qhatisojkuna qanmanta mañakonqanku. Sinch'i mayu yaku wasarejtimpis, mana paykunakama chayanqachu.

Salmos 46:6

Tukuy llajtas qhaparinku, kamachejkunapis kharkatinku, jallp'apis unuyan pay parlarejtin.

Salmos 97:5

Orqosqa wila wira jina unayanku Señorpa ñaupaqempeqa. Paymin dueño tukuy jallp'amanta.

Isaías 64:1

Señor, sichus janaj pachata llik'ispa uraykamuwaj chayqa, qampa ñaupaqeykipi tukuy orqos kharkatinkuman.

Jeremías 12:4

Mayk'ajkamataj jallp'a ch'akillapuni kanqari, campopi qhoraspis qawisqas kanqankuri? Uywakuna, phawajkunapis wañurapushanku, kay jallp'api tiyakojkunaspa juchasninrayku. Paykuna yuyanku ruwasqasninkuta mana rikusqaykita.

Oseas 4:3

Chayrayku kay llajtaqa llakiyllapipuni kashan. Q'ala mana kallpayojllaña kashanku chay tukuy tiyakojkunaqa; monte animalespis, phawaj p'isqospis chantá mar qochapi challwaspis tukuynin wañurashanku.

Amós 8:8

Manachu jallp'aqa ikhakonqa kay tukuy imasmantaqa? Manachu chay jallp'api tiyajkunaqa waqanqanku? Chay jallp'ataj oqharikonqa tiyaykonqataj, imaynatachus Nilo mayu yaku ashkhayantaj pisiyantaj jinata.

Nahúm 1:5

Paypa ñaupaqempeqa orqos kharkatirinku, chay lomaspis unuyallankutaj ñaupaqempeqa. Tukuy jallp'antin kharkatirin Payta qawaspaqa, kay pachapi tiyakojkunapis kharkatitillankutaj.

Nahúm 1:6

Phiñakuynimpiri, pitaj sayasqallapipuni kanmanri? Pitaj chay phiñakuyninta ñak'ariyta atinmanri? Sinch'i phiñakuynenqa nina jinapuni t'akarikamun, ñaupaqempeqa qaqaspis iskayman lajrarikunku.

Habacuc 3:10

Orqosqa kharkatitinku rikususpa, parapis patamanta ima jina jich'akun, chantá mama qochaj ukhu pachampis manchayta ch'ajwarin patampi jatuchej olas oqharikojtin.

San Mateo 7:27

Para jich'akamojtintaj, mayus chayamorqanku; wayrastaj sinch'ita wayramuspa wasiman wajtakamorqanku, t'iyu patapi ruwasqa kasqanraykutaj waseqa urmarqa, thuñikuynintaj manchay karqa.

Apocalipsis 20:11

Rikorqanitaj uj jatun yuraj tronota, chaypi tiyasqa kashajtawan. Paypa ñaupaqenmantataj kay pacha, janaj pachapis ayqerqanku, manañataj ni mayman riyta aterqankuchu, chinkarerqankutaj.