Amós 9:14 - Qheshwa Biblia DC

¹⁴ Chaymanta karu llajtaman wijch'usqamanta Israel aylluyta pusakampusaj. Watejmanta sayarichenqanku t'unasqa llajtankuta, chaypitaj tiyakonqanku; watejmanta uvaskunata plantanqanku, vinotataj ujyanqanku. Chaymanta huertasta ruwanqanku, chaykunapi poqojtataj mikhonqanku.

DIOSPA QHELQACHISQAN DEUTEROCANONICAL

¹⁴ Chantá karu suyukunaman mana munashajta apasqa kasqanmanta Israel aylluyta pusakampusaj. Paykuna thuñisqa llajtankukunata watej sayarichenqanku, chaypitaj tiyakonqanku. Watej uva sach'akunata mallkenqanku, vinotataj ujyanqanku. Huertakunatapis ruwanqanku, poqojtataj mikhonqanku.

DIOSPA QHELQACHISQ

¹⁴ Chantá karu suyukunaman mana munashajta apasqa kasqanmanta Israel aylluyta pusakampusaj. Paykuna thuñisqa llajtankukunata watej sayarichenqanku, chaypitaj tiyakonqanku. Watej uva sach'akunata mallkenqanku, vinotataj ujyanqanku. Huertakunatapis ruwanqanku, poqojtataj mikhonqanku.

Amós 9:14 ပူးပေါင်းရင်းမြစ်များ

Salmos 107:37

Jallp'api tarpunku, uvasta poqochinku, sumaj cosechastataj oqharinku.

Salmos 53:6

Ichapis Sión orqomanta, Israelpaj salvacionnin chayamunman, Señor ayllunta kacharichispa pusakampojtin. Jacobpa mirayninmanta kajkuna, Israel ayllumanta kajkunapis kusikonqanku.

Isaías 60:4

Muyuyniykita qhawarikuy. Kaykunaqa ujllaman tantaykukuspa qanman kutimpusunku. Wawasniykeqa karu llajtasmanta jamusunku, warmi wawasniykitapis mark'api apampushanku.

Isaías 61:4

Paykuna sayarichenqanku urmasqa ñaupa wasista, ch'in saqesqa raqaykunasta watejmanta ruwanqanku, may unay thuñisqa llajtasta watejmanta sayarichenqanku, unay saqesqas wasis kashan chaykunatawan.

Isaías 65:21

Chaypi wasista ruwakuspa tiyanqanku. Uva sach'asta wiñachenqanku, poqoynintataj mikhonqanku.

Jeremías 12:15

Jinapis, wijch'uytawankamaqa paykunamanta khuyakullasajtaj wasisninkuman kutichimuspa, kikin jallp'ankuman.

Jeremías 16:15

Manachayqa ninkichej: Señorpa kausayninrayku, pichus israelitasta wichay jallp'amanta orqhomorqa, jinataj chay tukuy maymanchus ch'eqerachisqas karqankichej chay jallp'asmantapis. Noqa ruwasaj qankuna jallp'aykichejman kutimpunaykichejta, chay ñaupa tatasniykichejman qorqani chay jallp'asman.

Jeremías 23:8

Manachayqa juranqanku: Señorpa kausayninrayku pichus orqhomorqa wichaynej jallp'asmanta, chay tukuynin waj jallp'asmantapis ch'eqerasqas kasharqanku chaymanta, nispa. Kikin jallp'ankupitaj kausanqanku.

Jeremías 24:6

Paykunata waqaychasaj, kay jallp'amantaj kutichimusaj, kaypitaj allimpi jatarichisaj. Paykunataqa manaña tukuchisajchu; plantaykusaj manañataj jayk'ajpis sik'irasajchu.

Jeremías 29:14

Arí, noqa saqesaj tarinawaykichejta, saqesajtaj uj jinaman kausayniykichej tukunanta: Chay naciones ukhumanta orqhomusqaykichej, may cheqaspichus wijch'usqas karqankichej chay tukuynejmanta, tantaykusqaykichej, kaymantaj kutichimusqaykichej, maymantachus wijch'orqaykichej chayllamantaj. Noqa Señor chayta nini.

Jeremías 30:18

Señorqa nin: Jacobpa ayllunta wasinman kutichimpusaj, tukuy nacionninmanta khuyakusaj, llajtaspis chay raqaykuna patallapitaj jatarichisqas kanqanku, palaciospis mayupichus karqanku chayllapitaj.

Jeremías 31:23

Israelpa Tukuy Atiyniyoj Señor Diosnin kayta nin: Maypachachus Judaman runasta kutichimojtiy, ujtawan paykuna jallp'ankupi rikhurejtinku, jinallataj llajtankupipis chaypacha nenqanku: Señor bendicichun kay llimphu orqota maypichus cheqa kaj tiyakun chayta.

Jeremías 31:28

Imaynatachus sumajta qhawarqani usqhayta sik'inaypaj, urmachinaypaj, uramantaj wijch'unaypaj, phirinaypaj, chayri ima llakiytapis ruwanaypaj, ajinallatataj allinta qhawasaj jatarichinaypaj, plantanaypajpis. Noqa Señor chayta nini.

Jeremías 31:5

Samaria orqospi watejmanta uvas sach'asta plantankichej. Pichus plantajqa poqoykunasninta mikhonqa.

Jeremías 32:15

Tukuy Atiyniyoj Israelpa Señor Diosnin nin: Kay jallp'api rantillanqankupuni wasista, jallp'asta uvas huertastapis, nispa.

Jeremías 33:11

Kaypi watejmanta uyarikullanqataj, fiestaspi kusiy takiykuna, casarkojkunapaj kusiy takiykuna. Kaypis uyarikullanqataj: Tukuy Atiyniyoj Señorman graciasta qoychej, imaraykuchus Señorqa k'achamin, wiñaypajtaj munakuynenqa. Diosta yupaychana wasimantaj agradecekuna jaywanasta apamonqanku. Arí, noqa kay jallp'aj kausayninta allinyachisaj qallariypi karqa ajina. Noqa Señor chayta nini.

Jeremías 33:7

Judamanta, jinataj Israelmanta wijch'usqa kajkunata kutichimpusaj, watejmantataj jatarichisaj qallariypi jina.

Ezequiel 16:53

Sodoma llajtata, chantá Samaria llajtata imaqa mana allin kausayman kutirichipusaj, jinallataj ranchosnintapis. Qanmampis allin kausayta kutichipusqayki ujtawan, jap'isqa kajkunata kutichimpuspa.

Ezequiel 28:26

Chaypi paykunaqa mana ima llakiyniyoj tukuy sonqo tiyakonqanku. Wasista ruwakonqanku, uvas sach'asta plantakonqanku. Maypachachus Israel ayllumanta kapuyninkuta lluch'urajkunata, tukuyninta juchachaspa cheqanchasaj, chaypacharaj noqa Señor Dios kasqayta yachanqanku.

Ezequiel 37:21

Paykunaman ninkichej: Atiyniyoj Señorqa kay jinata nin: Israelpa wawasnintaqa, maymanchus rerqanku chay llajtasmanta orqhomusaj, tukuynejmanta tantaykamusaj, jallp'ankumantaj kutirichimusaj.

Ezequiel 39:25

Chayrayku Señorqa kay jinata nin: Kunanqa Jacobpa mirayninta kutirichimpusaj, Israel ayllumantaqa tukuyninkumanta khuyakusaj, santo sutiyta ama ch'ichichanankuta mana saqesajchu.

Amós 5:11

Qankunaqa mana atiwajchejchu rumimanta ruwasqaykichej wasispi, nitaj vinotapis ujyawajchejchu tarpusqaykichej uvasmanta; wajchasta sarusqaykichejrayku; trigomanta impuestota mañasqaykichejrayku.

Sofonías 1:13

Chayrayku waqaychasninkuta, suwas qhechonqanku. Wasisninkutaj thuñisqas kanqa. Wasista ruwakonqanku, manataj chay wasispi tiyakonqankuchu. Uvasta plantanqanku, chay uvas sach'aj poqoyninmantataj vinota mana ujyanqankuchu.

Sofonías 2:7

Judá ayllumanta kausaypi puchojkunataj chay runaspa jallp'ankuta jap'ikaponqanku, maypachachus Señor Diosninku paykunata yanapaj jamonqa, preso kaymantataj paykunata kutirichimonqa chaypacha, jaqaypitaj ovejasninkuta michenqanku. Tutasnimpitaj samarikonqanku Ascalompi kaj wasispi.