Amós 8:14 - Qheshwa Biblia DC

¹⁴ Samariaj lantisninrayku jurajkuna nenqanku: Oh Dan, diosniykej kausayninmanta; qampis Beerseba dioskunasniykichej kausayninmanta, nejkunapis urmanqanku manaña ujtawan sayarimunankupaj.

DIOSPA QHELQACHISQAN DEUTEROCANONICAL

¹⁴ Samariaj lantinkunarayku tilojkunapis, pikunachus ninku: Dan aylloj diosninrayku, chayrí Bersebaj diosninkunarayku tiluyku, nispa, chaykunapis urmanqanku, manañataj ujtawan oqharikonqankuchu.

DIOSPA QHELQACHISQ

¹⁴ Samariaj lantinkunarayku tilojkunapis, pikunachus ninku: Dan aylloj diosninrayku, chayrí Bersebaj diosninkunarayku tiluyku, nispa, chaykunapis urmanqanku, manañataj ujtawan oqharikonqankuchu.

Amós 8:14 ပူးပေါင်းရင်းမြစ်များ

1 Reyes 12:32

Chanta Jeroboamqa uj fiestata wakicherqa pusaj kaj killapi, chunka phishqayoj p'unchaypi, imaynatachus uj jatun fiestata Judapi ruwaj kanku ajinata; uj altar patapitaj uywa ñak'asqasta jaywarqa. Ajinata ruwarqa Betelpi uywa ñak'asqasta jaywaspa chay waka uñasta ruwasqanman. Kamachillarqataj sacerdotes kanankupaj chay lomas patapi wasista ruwachisqasnimpaj.

1 Reyes 14:16

Señorqa Israelta saqerparenqa Jeroboampa juchasninrayku, Israelta juchallichisqanrayku ima.

1 Reyes 16:24

Omritaj Semermanta Samaria orqota sojta chunka sojtayoj kilos qolqewan ranterqa, chaypitaj uj llajtata ruwacherqa Samaria sutiyojta, chay orqoj ñaupa dueñon Semer sutiyoj kasqanrayku.

2 Reyes 10:29

Chay tukuywampis, Jehoqa manataj Nabatpa wawan Jeroboampaj juchasninmanta t'aqakorqachu, imaswanchus Israelta juchallicherqa chaykunamanta. Ajinata saqellarqa qorimanta waka uñasta Betelpi, Dampi ima.

2 Crónicas 36:16

Jinapis paykunaqa asiykukorqanku Señorpa willarajkunasninmanta, nisqankuta qhesacharqanku, profetasninmantapis asiykukorqanku, Señorpa phiñakuyninta oqharichinankukama paykunaj contrankupi, manañataj chayta thasnuchiyta aterqankuchu.

Salmos 140:10

Paykunaj patankuman nina brasas chayachun, mana llojsimuy atina t'oqoman urmaykuchunku, chaymantataj ni jayk'aj llojsimuyta atenqankuchu.

Salmos 36:12

Qhawaychej imaynatachus sajrata ruwajkunaj urmasqankuta. Manaña ujtawan sayarinankupaj urmanku.

Proverbios 24:16

Cheqan runaqa qanchis kutita urman, chantaqa uj qanchis kutillatataj sayarikun, sajra runasqa llakiyman urmaykonqanku.

Proverbios 29:1

Pichus k'amejtinku sonqonta rumiyachejqa, ujllata chinkayman renqa mana ujtawan kutirimuyniyojta, jinamanta paypajqa manaña jampi kanqachu.

Isaías 24:20

Jallp'aqa uj machasqa runa jina, chankaykachanqa, ch'ujlla jina kaynejman jaqaynejman wajtaykachakonqa. Juchasnenqa manchaytapuni llasaykun, urmachenqataj manañataj ujtawan sayarikonqankuchu.

Isaías 43:17

Llojsichimorqataj carrosta, caballospi rejkunata, mayta wapuykachaj soldadosta ima. Tukuyninku chinkarerqanku amaña ujtawan jatarimunankupaj. Chaypi paykunaqa uj mechero jina tukukapunku.

Jeremías 25:27

Chaymanta Señorqa nillawarqataj: Niychej noqa Tukuy Atiyniyoj Israelpa Señor Diosnin machaykunankukama ujyanankuta kamachisqayta, ajtuykukunankukamataj, pampaman urmaspataj manaña jatarinankukama, chay maqanakuykunasta qankunaman apachimusqayrayku.

Oseas 10:5

Samariamanta runakunaqa kharkatitinku; waqanku chay Bet-avempi waka uñata chinkachisqankumanta. Chaymantamá tukuy llajta, sacerdotesnintin jik'un jik'unta waqashanku, chay alabasqa kashan chinkasqanrayku.

Oseas 13:16

Samaria llajtapis jasut'ita apanan tiyan Diospa contranta oqharikusqanrayku. Espadawan t'ojsisqas wañonqanku, wawasninkutaj ch'anqasqas kanqanku, wijsayoj warmisninkupis khallasqas kanqanku.

Oseas 13:2

Kunan juchallapiraj kashanku! Qolqesninkuta unuyarichispa lantista ruwarikunku sapa munarispa, chay ruwajkunaspa munasqanman jina. Chaymanta ninku: Rikuchikusta jaywaychej! nispa; runastaj much'arinku chay waka uñasman rijch'akun lantista.

Oseas 4:15

Israel, sichus qan qhenchachakunki chayqa, jinapis Judaqa ama juchayojchu rikhurichun. Ama Gilgalman qankuna riychejchu, amataj Bet-avenmampis wichariychejchu, amallataj Señorpa kausayninraykupis juraychejchu!

Amós 5:1

Israelitas uyariychej kay palabrasniyta, qankunaj contraykichejpi llakiy takisqayta.

Amós 5:2

Chhika k'acha llimphu Israel urmapun, manaña ujtawan sayariyta atinampaj. Kikin pampapi wijch'usqa qhepakun, mana pipis kanchu aysarej.

Amós 5:5

Ama Betelmanqa qayllaychejchu, amataj riychejchu Gilgalman, nitaj Beersebanejtapis riychejchu; imaraykuchus Gilgalmanta kajkunaqa presos apasqas kanqanku, Beteltaj chinkachisqa kanqa.

Miqueas 1:5

Kay tukoyqa jamonqa Jacobpa ayllun mana kasukoj kasqanrayku, jinataj Israelpa juchasninrayku. Maypitaj kashan Jacobpa mana kasukoj kayninri? Chayqa kashan Samaria llajtapi! Maypitaj kashanku Jacobpa, juchallikuna lanti churana wasisninkuri? Chayqa kashan Jerusalempi!

Sofonías 1:5

Wasi patapi kaj patioman wicharispa estrellasta yupaychajkunata t'unaykusaj. Juramentota ruwallankutaj qonqorikuspa chaykunatapis. T'unaykullasajtaj sutiyrayku juramentota ruwaytawan, chay ratopacha Milcom diospa sutinrayku.

Hechos 18:25

Apolosqa Señorpa ñannimpi yachachisqa karqa, tukuy sonqotaj maychus kajta willaspa yachachej Jesusmanta. Chaywampis payqa, Juampa bautismollanta rejserqa.

Hechos 19:23

Chay p'unchaykunapi Efesopi jatun ch'ajwa oqharikorqa Mosoj Ñanrayku.

Hechos 19:9

Wakinkuna sonqosninkuta rumiyacherqanku, mana creeyta munaspataj tukuypa ñaupaqempi Mosoj Ñampa contranta rimarqanku. Chayrayku Pabloqa paykunamanta t'aqakuspa, Tirano nisqaj escuelanman yachachisqasta pusarqa. Chaypitaj sapa p'unchay yachachej.

Hechos 24:14

Kaytarí, sut'inta willasqayki: Tatasniypa Diosninta yupaychani kay mosoj ñanta qhatispa, mayqentachus pantasqa kasqanta ninku. Astawampis creeni Moisespa leynimpi, profetaspa escribisqampi ima.

Hechos 9:2

Paymantataj mañarqa ordenta, Damascopi kaj sinagogaspi rikuchimunampaj. Señorpa ñanninta qhatejkunata, qharista warmista ima, tarispataj jap'iytawan watasqasta Jerusalenman apanampaj.

Deuteronomio 33:11

Paykunata, Señor, bendiciy kallpayoj kanankupaj. May munakuywan jap'iy imastachus ruwasqankuta. Enemigosninkoj wasasninta sinch'ita nanachiy, amaña ujtawan jatarimunankupaj.

Deuteronomio 9:21

Chaymantataj chay waka uña ruwasqaykichejta, mayqenwanchus juchallikorqankichej chayta oqharispa ninaman khanaykorqani. Sumaj ñut'uta kutachispataj, orqomanta uraykamushaj chay yakuman wijch'uykorqani.